Мінакі падчас залевы

Надвор'е: на аўторак папярэджанне аб ліўнях, пацяплее - да выхадных

17
(абноўлена 15:21 12.06.2017)
Да канца тыдня сіноптыкі паабяцалі ў Беларусі да 27 градусаў цяпла, але без дажджоў не абыдзецца.

МІНСК, 12 чэр — Sputnik. Умовы надвор'я на гэтым тыдні ў Беларусі будуць вызначаць актыўныя атмасферныя франты, якія змяшчаюцца з Балтыйскага мора, паведамілі ў Гідрамеце.

"На аўторак выпісана папярэджанне, што ўдзень на большай частцы тэрыторыі рэспублікі чакаецца ўзмацненне ветру парывамі да 15-20 м/с, якое будзе суправаджацца дажджамі і навальніцамі, уначы ў асобных раёнах па ўсходзе краіны моцныя дажджы", — паведаміў Sputnik у панядзелак начальнік службы гідраметэапрагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.

Паводле яго слоў, 13 чэрвеня тэмпература ўначы будзе +9..+15°С, удзень +15..+21°С.

У Мінску ў гэты дзень будзе воблачна з праясненнямі, дождж, з верагоднасцю больш за 90% магчыма навальніца (верагоднасць 30-40%), сказаў Рабаў.

Парывы ветру будуць дасягаць да 15-20 м/с, тэмпература ўначы +11..+13°С, удзень +16..+18°С, удакладніў ён.

"У сераду захаваецца дажджлівае і ветранае надвор'е: на большай частцы тэрыторыі рэспублікі кароткачасовыя дажджы, у асобных раёнах навальніцы, узмацненне ветру парывамі да 15-20 м/с. Тэмпература ўначы +9..+14°С, удзень +12..+19°С, па паўднёвым захадзе +20..+22°С", — сказаў сіноптык.

Дажджы спыняцца

Далей, з ростам атмасфернага ціску надвор'е палепшыцца, вецер сцiхне, а дажджы на большай частцы краіны спыняцца, адзначыў Рабаў.

Паводле яго слоў, у чацвер будзе пераважна без ападкаў, толькі па ўсходзе рэспублікі ў асобных раёнах невялікія кароткачасовыя дажджы. Тэмпература ўначы +5..+10°С, удзень +14..+20°С, паўднёвым захадзе да +23°С, сказаў ён.

У пятніцу пераважна без ападкаў, толькі ўдзень у заходніх раёнах краіны магчымы кароткачасовыя дажджы, навальніцы. Тэмпература ўначы +5..+12°С, удзень +18..+25°С, праінфармаваў суразмоўца агенцтва.

Надвор'е на выхадныя

У выхадныя дні краіна застанецца ў полі высокага атмасфернага ціску, на фоне якога будуць праходзіць малаактыўныя атмасферныя франты з Заходняй Еўропы

У суботу пераважна па паўднёва-заходняй палове рэспублікі кароткачасовыя дажджы, навальніцы. Тэмпература ўначы +8..+15°С, удзень +17..+24°С, па паўднёвым усходзе да +27°С, сказаў Рабаў.

Паводле яго слоў, у нядзелю ўначы па паўднёвым захадзе, удзень у асобных раёнах краіны кароткачасовыя дажджы, навальніцы. Тэмпература ўначы +9..+16°С, удзень +16..+23°С.

17
Тэги:
Прагноз надвор'я, Надвор'е, Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя, Дзмітрый Рабаў, Мінск, Беларусь

Прырода