МІНСК, 13 чэр — Sputnik. Надвор'е на Беларусі палепшыцца ў чацвер 15 чэрвеня — дажджы спыняцца і зноў пацяплее, паведаміў Sputnik у аўторак начальнік службы гідраметэапрагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Паводле інфармацыі сіноптыкаў, у сераду з-за паветраных мас, якія паступаюць з Балтыйскага мора, яшчэ будзе халаднавата: паўсюдна пройдуць кароткачасовыя дажджы з навальніцамі, а дзённая тэмпература не паднімецца вышэй за +20°С.
"Далей, з ростам атмасфернага ціску надвор'е палепшыцца, вецер сціхне, а дажджы на большай частцы краіны спыняцца", — сказаў Рабаў.
З яго слоў, у чацвер 15 чэрвеня ўжо будзе без ападкаў, дажджы магчымыя толькі на ўсходзе Беларусі, днём чакаецца ад +14 да +20°С, па паўднёвым захадзе рэспублікі — да +23°С.
У пятніцу, 16 чэрвеня, кароткачасовыя дажджы прагназуюцца ў асобных раёнах на захадзе краіны, а днём месцамі слупкі тэрмометраў паднімуцца да +26°С.
