Шыладзюб на Тураўскім лузе

На Палессі з’явіўся новы від кулікоў

18
(абноўлена 09:33 19.06.2017)
У пойме Прыпяці пачалі гнездавацца ўнікальныя для Беларусі віды кулікоў - шыладзюб і хадулачнік.

МІНСК, 18 чэр — Sputnik. У Тураве ў пойме Прыпяці на гнездаванне засталіся такія рэдкія для Беларусі віды птушак, як шыладзюб і хадулачнік, паведамілі Sputnik у "Ахове птушак Бацькаўшчыны".

"Аб даказаным гнездаванні шыладзюба ў Беларусі размова ідзе ўпершыню", — удакладнілі ў АПБ.

"Абодва віда — шыладзюб і хадулачнік — засталіся гнездавацца дзякуючы таму, што ў гэтым годзе Прыпяць добра разлілася вясной. Снежная зіма, высокі ўзровень вады і павольнае падзенне вясновай паводкі зрабілі магчымым гнездаванне гэтых відаў у Тураве: птушкі затрымаліся, і было відаць, што яны прыглядаюць сабе месца для гнязда. Дарэчы, у мінулы раз хадулачнік гнездаваўся ў Тураве ў 2013 годзе, таксама падчас добрай паводкі: разлівы Прыпяці вельмі важныя для тысяч водна-балотных птушак, якія спыняюцца на Тураўскім лузе", — адзначыў дырэктар Беларускага цэнтра кальцавання птушак, старшы навуковы супрацоўнік лабараторыі арніталогіі НПЦ па біярэсурсах НАН Беларусі Павел Пінчук.

Арнітолагі адзначаюць, што птушаняты ўжо вывеліся і цяпер асвойваюцца на тураўскай зямлі. Так што гэты факт можна назваць першым пацверджаным паспяховым гнездаваннем шыладзюбаў у Беларусі. Спачатку пару птушак назіралі падчас вясновай міграцыі, але пазней арнітолаг АПБ Сямён Левы выявіў і гняздо. Цяпер шюладзюб папоўніць спіс з 230 гняздуючыхся птушак нашай краіны.

Бліжэйшыя месцы гнездавання шыладзюбаў — узбярэжжа Балтыйскага мора і закінутыя кар'еры Львоўскай вобласці. Зімуюць гэтыя птушкі на ўзбярэжжы Міжземнага мора.

Дарэчы, шыладзюб намаляваны на лагатыпе найбуйнейшай прыродаахоўнай арганізацыі Еўропы — Каралеўскага таварыства абароны птушак (RSPB) у Вялікабрытаніі.

18
Тэги:
Палессе, Жывая прырода, Птушкі, Ахова птушак Бацькаўшчыны, Тураў, Беларусь
По теме
Упершыню ў Беларусь заляцеў сібірскі чорнагаловы чакан

Каралеўскі парад пінгвінаў: хвіліна замілавання вам гарантавана

28
(абноўлена 18:18 01.03.2021)
Масавыя шэсці ў каронавірус непажаданыя. Але калі гаворка ідзе пра пінгвінаў, то цалкам можна дапусціць нават парад. Паглядзіце - і самі ж папросіце пінгвінаў паўтарыць!

Каралеўскім пінгвінам, якія жывуць у амерыканскім заапарку Цынцынаці, дазволілі прагуляцца ў кампаніі наведвальнікаў.

Такія прагулкі каралеўскім пінгвінам дазваляюць, калі тэмпература апускаецца ніжэй за 10 градусаў па Цэльсіі. Калі тэмпература вышэй, то на парад выходзіць іншы від.

З улікам каронавіруса гасцей папрасілі выконваць сацыяльную дыстанцыю - і адзін ад аднаго, і ад пінгвінаў. І вядома, насіць маскі. Гасцей папярэджваюць: пінгвіны пройдуць парадам міма вас, не трэба іх праследаваць!

Дарэчы, у каралеўскіх пінгвінаў, якія жывуць у заапарку, і імёны "каралеўскія". Так, сярод пастаяльцаў заапарка ёсць Марцін Лютэр Кінг, Карэта Скот Кінг, Бі Бі Кінг і Лары Кінг. У заапарку ёсць нават Бургер Кінг, але падчас гэтага параду ён пасаромеўся выйсці да гасцей і застаўся ў звыклым асяроддзі пражывання.

Глядзіце на відэа, як выглядае самы каралеўскі парад пінгвінаў.

Глядзіце таксама:

28
Тэги:
каронавірус, заапарк

Ніягарскі вадаспад у лёдзе - фота

78
(абноўлена 21:13 25.02.2021)
  • Від на Ніягарскі вадаспад сярод лёду ў Канадзе
  • Лёд і снежнае покрыва каля края вадаспаду Падкова.
  • Турысты накіроўваюцца сюды палюбавацца гэтым чароўным цудам прыроды.
  • Аэраздымка Ніягарскага вадаспаду з боку ЗША.
  • Мужчына з дзіцем ля Ніягарскага вадаспаду ў Канадзе.
  • Самы магутны вадаспад у Паўночнай Амерыцы часткова замёрз.
  • Такое адбываецца даволі часта, у мінулым годзе вадаспад таксама скоўвала лёдам.
  • Воды Ніягары ператварыліся ў велізарныя крыгі.
  • Аэраздымка Ніягарскага вадаспаду ў ЗША
  • Від на Ніягарскі вадаспад сярод лёду ў Канадзе
Гук равучай вады Ніягарскага вадаспаду, які звычайна разносіцца на кіламетры вакол, сціх - з-за моцных маразоў вадаспад часткова замёрз.

Такая з'ява адбываецца досыць часта, аднак турысты ўсё роўна накіроўваюцца сюды палюбавацца гэтым чароўным цудам прыроды.

На поўнач штата Нью-Йорк і канадскую правінцыю Антарыё абрынуўся шторм, тэмпература апусцілася да 20 градусаў марозу, і самы магутны вадаспад у Паўночнай Амерыцы часткова замёрз.

Такое адбываецца даволі часта, у мінулым годзе вадаспад таксама скоўвала лёдам. А вось цалкам вадаспад замярзаў у 1848 і 1912 гадах.

Глядзіце, як выглядаюць на фота "Падкова", "Амерыканскі вадаспад" і "Фата", якія складаюць комплекс Ніягарскага вадаспаду.

78
  • Від на Ніягарскі вадаспад сярод лёду ў Канадзе
    © REUTERS / Moe Doiron

    З-за моцных маразоў вадаспад часткова замёрз.

  • Лёд і снежнае покрыва каля края вадаспаду Падкова.
    © REUTERS / MOE DOIRON

    Лёд і снежнае покрыва каля края вадаспаду "Падкова".

  • Турысты накіроўваюцца сюды палюбавацца гэтым чароўным цудам прыроды.
    © REUTERS / Moe Doiron

    Турысты накіроўваюцца сюды палюбавацца гэтым чароўным цудам прыроды.

  • Аэраздымка Ніягарскага вадаспаду з боку ЗША.
    © REUTERS / Dronebase

    Аэраздымка Ніягарскага вадаспаду з боку ЗША.

  • Мужчына з дзіцем ля Ніягарскага вадаспаду ў Канадзе.
    © REUTERS / Moe Doiron

    Мужчына з дзіцем ля Ніягарскага вадаспаду ў Канадзе.

  • Самы магутны вадаспад у Паўночнай Амерыцы часткова замёрз.
    © REUTERS / Moe Doiron

    Самы магутны вадаспад у Паўночнай Амерыцы часткова замёрз.

  • Такое адбываецца даволі часта, у мінулым годзе вадаспад таксама скоўвала лёдам.
    © REUTERS / Moe Doiron

    Такое адбываецца даволі часта, у мінулым годзе вадаспад таксама скоўвала лёдам.

  • Воды Ніягары ператварыліся ў велізарныя крыгі.
    © REUTERS / HANDOUT

    Воды Ніягары ператварыліся ў велізарныя крыгі.

  • Аэраздымка Ніягарскага вадаспаду ў ЗША
    © REUTERS / Dronebase

    Славуты на ўвесь свет вадаспад прымае штогод каля 20 мільёнаў турыстаў. Погляду наведвальнікаў зімой паўстае проста казачная карціна.

  • Від на Ніягарскі вадаспад сярод лёду ў Канадзе
    © REUTERS / Moe Doiron

    Свой пачатак ён бярэ на тэрыторыі ЗША, але самыя зачаравальныя віды дасталіся Канадзе.

Тэги:
зіма, ЗША, Канада

Самаізаляцыя па прыездзе ў Беларусь: прыбыўшы з якіх краін, трэба выконваць каранцін

144
(абноўлена 18:15 01.03.2021)
Пералік краін, па прыездзе з якіх у Беларусь неабходна знаходзіцца ў хатняй самаізаляцыі 10 дзён - у інфаграфіцы Sputnik.
COVID-19: каму тых, хто прыязджае ў РБ, трэба самаізалявацца
© Sputnik

Абноўлена: актуальна з 2 снежня 2020 года.

25 сакавіка Саўмін прыняў пастанову №171, паводле якой асобы, якія прыбылі з краін з зарэгістраванымі выпадкамі COVID-19, павінны знаходзіцца ў самаізаляцыі 14 каляндарных дзён (з кастрычніка - 10 дзён). Спіс перыядычна абнаўляецца: беларускае Міністэрства аховы здароўя альбо выключае пэўныя краіны з абмежавальнага спісу, альбо дадае іх зноў.

З 3 лістапада пачынае дзейнічаць новая рэдакцыя пераліку краін "чырвонай зоны", пад абмежаванні трапляюць прыбылі з 138 дзяржаў.

З 3 снежня ў пералік уключаны 8 краін:

  • Аўстрыйская Рэспубліка
  • Азербайджанская Рэспубліка
  • Венгрыя
  • Грэчаская Рэспубліка
  • Грузія
  • Рэспубліка Сербія
  • Турэцкая Рэспубліка

У інфаграфіцы Sputnik - карта і спіс краін, па прыездзе з якіх у Беларусь неабходна знаходзіцца ў самаізаляцыі 10 дзён, а таксама краін, на якія прыбылі з якіх гэтыя абмежаванні не распаўсюджваюцца.

144
Тэги:
каронавірус, Беларусь