Успышка ў небе, архіўнае фота

Блакітная ўспышка: падзенне метэарыта напалохала жыхароў Японіі

9
(абноўлена 12:23 24.11.2017)
Паліцыя адной з прэфектур атрымала некалькі званкоў са скаргай на "блакітны выбліск".

МІНСК, 24 ліс — Sputnik. Метэор праляцеў над Японіяй і асвятліў неба яркім выбліскам, піша Japan Times. Інцыдэнт адбыўся раніцай 21 лістапада, падзенне метэарыта знялі камеры відэаназірання і ўсталяваныя ў аўтамабілях рэгістратары. 

У паліцыі прэфектуры Сайтама распавялі, што атрымалі некалькі званкоў мясцовых жыхароў са скаргай на "блакітны выбліск у небе".

Эксперты мяркуюць, што гэты касмічны аб'ект — частка метэорнага патоку Таўрыды, які назіраюць у кастрычніку і лістападзе. Гэты метэорны паток лічыцца не вельмі яркім для назіральнікаў. У мінскім Планетарыі раней распавядалі, што ў бліжэйшы час метэарытаў, якія ўяўляюць небяспеку для Зямлі, не чакаецца. Траекторыі ўсіх буйных цел вядомыя, могуць прайсці незаўважанымі толькі невялікія аб'екты.

Штогод некалькі тон метэарытнай пароды падае ў акіян. Тым не менш нават невялікі метэарыт, да якога адносіўся ў тым ліку Чэлябінскі, можа прынесці значныя разбурэнні, адзначаюць спецыялісты.

9
Каментары