Падлетак купаецца ў фантане

Сіноптыкі: у апошнія дні тыдня ў Беларусі будуць дажджы і + 27°С

10
(абноўлена 14:30 06.07.2018)
У суботу і нядзелю надвор'е ў рэспубліцы будзе вызначаць няўстойлівая паветраная маса, якая паступае з Балтыйскага мора.

МІНСК, 6 ліп — Sputnik. Дажджы пройдуць па большай частцы тэрыторыі Беларусі ў канцы бягучага тыдня, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Па дадзеных сіноптыкаў, у суботу і нядзелю надвор'е ў рэспубліцы будзе вызначаць няўстойлівая паветраная маса, якая паступае з Балтыйскага мора.

У суботу, 7 ліпеня, чакаецца пераменная воблачнасць. Уначы ў асобных раёнах (пераважна па паўночным усходзе краіны), а ўдзень амаль па ўсёй рэспубліцы пройдуць кароткачасовыя дажджы з парывістым ветрам, месцамі магчымыя нават навальніцы.

У гэты дзень уначы і раніцай тэмпература панізіцца да + 10… 16°С, а пасля абеду паветра прагрэецца да + 19… 25°С (а па паўднёвым захадзе Беларусі — да + 27°С).

У нядзелю, 8 ліпеня, як уначы, так і ўдзень на большай частцы тэрыторыі чакаюцца кароткачасовыя дажджы, у асобных раёнах прагрымяць навальніцы з парывістым ветрам. Тэмпература ў рэспубліцы паменшыцца ўначы да + 10… 15°С, а ўдзень падымецца да +18… 25°С (месцамі па поўдні — да + 27°С).

10
Тэги:
Прагноз надвор'я, Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя, Беларусь
Каментары