Лівень у Брэсце

Сіноптыкі аб моцных ліўнях у Беларусі: гэта непрадказальна

19
(абноўлена 11:30 26.07.2018)
У гэтым годзе ліпень можа стаць самым дажджлівым за ўсю гісторыю метэаназіранняў у Беларусі.

МІНСК, 26 ліп — Sputnik. Грамадзянам Беларусі не варта асоба баяцца моцных дажджоў — метэаралагічная абстаноўка ў рэспубліцы дастаткова спакойная, а такія перыяды ў краіне былі і раней, паведаміла ў эфіры тэлеканала АНТ начальнік аддзела вывучэння змен клімату Гідрамета Алена Камароўская.

Моцныя дажджы ў Беларусі не спыняюцца які тыдзень: да гэтага ў рэспубліцы месяц стаяла засушлівае надвор'е. Штодня ў асобных рэгіёнах краіны праходзяць ліўні, якія выклікаюць падтапленні. Гідрамет ужо больш за 10 разоў аб'яўляў штармавое папярэджанне з-за ападкаў і навальніц.

"Былі перыяды з моцнымі ападкамі і да змены клімату, падчас яго. Гэта непрадказальна", — сказала Камароўская.

Яна таксама адзначыла, што грамадзянам няма чаго асабліва асцерагацца: краіна жыве ў даволі спакойнай пагоднай абстаноўцы. "У нас небяспечных з'яў не так шмат, як у іншых краінах. Дзесьці ад 9 да 30 рэгіструецца за год", — удакладніла спецыяліст.

Сіноптыкі прагназуюць, што ў бягучым годзе ліпень можа стаць самым дажджлівым за ўсю гісторыю метэаназіранняў у Беларусі.

Паводле інфармацыі Гідрамета, надвор'е ў краіне пачне змяняцца да канца тыдня: дажджоў стане менш, а тэмпература паветра падымецца да + 27..33°С.

19
Тэги:
Аранжавы ўзровень небяспекі, Надвор'е, Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя, Беларусь