Месяцовае зацьменне

Беларусы могуць не ўбачыць самае доўгае зацьменне стагоддзя

27
(абноўлена 12:02 27.07.2018)
Воблачнае надвор'е можа перашкодзіць жыхарам рэспублікі ўбачыць незвычайную астранамічную з'яву.

МІНСК, 27 ліп — Sputnik. Беларусы могуць не ўбачыць самае доўгае месяцовае зацьменне стагоддзя з-за ўмоў надвор'я — увечары ў рэспубліцы захаваюцца ападкі і высокая імавернасць дажджоў.

Самае доўгае месяцовае зацьменне гэтага стагоддзя пройдзе ў ноч з пятніцы на суботу і будзе доўжыцца чатыры гадзіны. Незвычайным яно лічыцца і з-за "супрацьстаяння Марса" — з-за набліжэння чырвонай планеты месяц атрымае характэрнае адценне.

Зрэшты, ёсць верагоднасць таго, што беларусы месяцовае зацьменне не ўбачаць з-за воблачнага і даждлівага надвор'я. Па дадзеных сіноптыкаў, увечары воблачнасць на большай частцы тэрыторыі захаваецца — у тым ліку і ў час зацьмення, з дзевяці гадзін вечара і ўсю ноч.

Калі верыць еўрапейскім парталам з радарамі умоў надвор'я, увечары ў паўднёвых і паўночных раёнах рэспублікі зацьменне, магчыма, будзе відаць лепш за ўсё: каля Брэста і Віцебска воблачнасць пакуль не прагназуецца.

​Будучае месяцовае зацьменне прадстаўляе цікавасць не толькі як астранамічная з'ява. Астролагі заяўляюць пра асаблівую энергетыку гэтага дня, а розныя канспіролагі зноў прадракаюць планеце небяспеку.

27
Тэги:
месяцовае зацьменне, Надвор'е, Беларусь
Прычал на беразе часткова замерзлага Балтыйскага мора ў Піянерскім (Калінінградская вобласць)

Рэдкая з'ява: Балтыйскае мора замерзла ўпершыню за шмат гадоў

13
(абноўлена 19:53 26.02.2021)
Прыбярэжны лёд у раёне Калінінграда назіралі толькі ў мінулым стагоддзі, кажуць метэаролагі, - тады зімы былі халадней.

МІНСК, 28 лют – Sputnik. Балтыйскае мора замерзла ўпершыню за шмат гадоў, сведкамі такога відовішча сталі жыхары расійскага Калінінграда, а таксама польскага горада Мендзыздрое.

Цяпер мора ў некаторых месцах пакрыта тоўстым пластом лёду. Лядовыя палі дасягаюць сотняў метраў у шырыню. На Куршскай касе яно распасціраецца далёка за гарызонт.

Гэта рэдкая з'ява для дадзенага рэгіёна, які характарызуецца мяккім кліматам. Як паведамляюць метэаролагі, прыбярэжны лёд у раёне Калінінграда назіралі больш за 20 гадоў таму, калі зімы былі халадней.

Для калінінградскага рэгіёна і польскай тэрыторыі гэта хутчэй экзотыка. Звычайна так званы лядовы прыпай утвараецца ў паўночных раёнах Балтыйскага мора - ля ўзбярэжжа Швецыі і Фінляндыі.

Анамальныя халады ў Еўропе

"Сібірскія маразы" ударылі па Грэцыі. Тэмпература паветра там апусцілася да –20℃. Выпала анамальна вялікая колькасць снегу. Улады звярнуліся да грамадзян з заклікам па магчымасці заставацца дома. З-за снегападу некаторыя буйныя трасы былі зачыненыя.

Люди стоят на берегу частично замерзшего Балтийского моря в Пионерском (Калининградская область)
© REUTERS / VITALY NEVAR
Людзі стаяць на беразе часткова замерзлага Балтыйскага мора ў Піянерскім (Калінінградская вобласць)

Вялікі снег выпаў і ў Турцыі, у тым ліку ў раёне праліва Басфор. У Стамбуле Сабор Святой Сафіі і Блакітная мячэць таксама апынуліся ў снезе.

Снегапады прайшлі і ў Крыме, на паўвостраве зараз халадней, чым звычайна на 10 градусаў.

Чытайце таксама:

13
Тэги:
зіма, лёд, Калінінград, Балтыйскае мора

Канадскі пенсіянер ператварыў хаду па снезе ў мастацтва - відэа

29
(абноўлена 19:46 26.02.2021)
Хаду на снегаступах мужчына ператварае ў сапраўднае мастацтва і здымае фантастычныя ўзоры, якія застаюцца на снезе пасля прагулкі. Паглядзіце, якая прыгажосць - і таксама канчайце сумаваць!

Каб не сумаваць ў пандэмію, канадскі пенсіянер адпраўляецца на прагулкі па заснежаных прасторах.

На шпацыр ён абувае снегаступы - мабыць, самае старажытнае прыстасаванне для перамяшчэння па заснежаным покрыве. Дзякуючы шырокай "падэшве", ціск на снег зніжаецца, што дазваляе шпацыраваць, не правальваючыся. А можна ствараць на снезе сапраўдныя творы мастацтва!

Перш, чым "намаляваць" узор на снезе, канадзец рыхтуе праект з дапамогай кампьютэрнай праграмы. У выніку атрымліваюцца па-сапраўднаму маштабныя праекты. Самы вялікі ўзор у дыяметры - 400 метраў!

Працы хутка растаюць, таму мужчына здымае іх з вышыні, каб і вы маглі палюбавацца гэтай прыгажосцю. Глядзіце відэа Sputnik і таксама адпраўляйцеся на шпацыр, снегу ў Беларусі зараз амаль не менш, чым у Канадзе.

Глядзіце таксама:

29
Тэги:
Канада, Прыгажосць, мастацтва, снег, Пенсіянеры