МІНСК, 31 ліп — Sputnik. Аўторак у Беларусі будзе спякотны: тэмпература паветра падымецца да 30 градусаў цяпла, паведамілі ў Белгідрамеце.
"Надвор'е Беларусі будзе вызначаць перыферыя антыцыклону з цэнтрам над Валагодскай вобласцю Расіі і вельмі цёплая паветраная маса", — сказалі сіноптыкі.
У аўторак 31 ліпеня з-за спёкі ў рэспубліцы абвешчаны аранжавы ўзровень небяспекі. Чакаецца пераменная воблачнасць, у некаторых раёнах, пераважна па паўднёвым захадзе, пройдуць кароткачасовыя дажджы, месцамі нават прагрымяць навальніцы з парывістым ветрам.
Паветра ў дзённыя гадзіны максімальна прагрэецца да +24..+30°C. У сталіцы істотных ападкаў не чакаецца, днём тэмпература складзе +26..+28°C, вечарам паветра астыне да +22..+24°C.
У сераду і чацвер будзе пераважаць сухое надвор'е. Днём 1 жніўня будзе ад +24°С па паўночным усходзе да +30°С па паўднёвым захадзе. У чацвер 2 жніўня паветра прагрэецца да +24..+29°С.
