Кенгуру

Пераблытаў мацярык: на полі ў Аўстрыі заўважылі кенгуру

14
(абноўлена 11:20 05.09.2018)
Незвычайная для Еўропы жывёла была зафіксавана відавочцамі каля мястэчка Кірхшлаг.

МІНСК, 5 вер — Sputnik. На поўначы Аўстрыі, недалёка ад горада Кірхшлаг, мясцовыя жыхары заўважылі кенгуру.

Экзатычную для дадзеных месцаў жывёліну ўдалося зняць на камеру. Відавочцы выклалі відэазапіс у сацыяльных сетках.

У паліцыі пацвердзілі, што атрымалі вялікую колькасць заяў аб з'яўленні жывёлы на працягу выхадных, але паведамілі, што яна ўсё яшчэ застаецца на свабодзе.

Känguruh im #Mühlviertel. #bergdorf #australien

Публикация от @ fkaineder 1 Сен 2018 в 11:10 PDT

Валанцёры і паліцэйскія спрабуюць знайсці і адлавіць сумчатае і даведацца, адкуль яно ўсё ж такі ўзялося.

"Мы паведамілі ў заапарк і ўладальнікам кенгуру паблізу ад нас, але ні ў каго кенгуру не знікаў. Мы спадзяемся, што ўладальнік паведаміць пра сябе", — заявілі ў мясцовай паліцыі.

Як выказалі здагадку мясцовыя заолагі, хутчэй за ўсё, гэта быў драўняны кенгуру (кенгуру Бэнета), які досыць добра пераносіць халодную тэмпературу.

Вестка пра кенгуру ў Аўстрыі ўжо выклікала нямала жартаў, паколькі гэтую краіну з-за падобнай назвы нярэдка блытаюць з Аўстраліяй, якая знаходзіцца на адлегласці 14 тысяч кіламетраў і як раз з'яўляецца радзімай гэтых сумчатых жывёл.

14
Тэги:
Жывёлы, Аўстрыя
Каментары