Восень

Надвор'е ў Беларусі на тыдзень: цяпло ў будні і рэзкае пахаладанне да выхадных

23
(абноўлена 08:40 18.09.2018)
На тыдні будзе цёпла і ясна - тэмпература ў Мінску паднімецца да +24°С, але ўжо да выхадных беларусаў чакае рэзкае пахаладанне.

МІНСК, 18 вер - Sputnik. Цёплым і сонечным будзе надвор'е ў Беларусі на будучым тыдні, пра гэта сведчаць дадзеныя папярэдняга прагнозу надвор'я на тыдзень.

У аўторак, 18 верасня, тэмпература ў сталіцы ўначы складзе +13°С, а ўдзень падымецца да +21°С. Ападкаў у гэты дзень не чакаецца, неба абяцае быць ясным.

Па дадзеных гідраметэаролагаў, добрае надвор'е пратрымаецца ў Мінску аж да выхадных. Да сярэдзіны тыдня ў сталіцы яшчэ мацней пацяплее: 19, 20 і 21 верасня паветра ў сталіцы будзе прагравацца да +24°С штодня (а ў начныя і ранішнія гадзіны будзе каля + 13..15°С). Ападкаў таксама не чакаецца.

Субота, 22 верасня, будзе такой жа цёплай і яснай, але ўжо на наступны дзень беларусаў чакае рэзкае пахаладанне. Па дадзеных на сёння, у нядзелю, 23 верасня, будзе пахмурна, пройдуць дажджы, уначы будзе +11°С, а ўдзень не нашмат цяплей - каля + 14°С.

Мяркуючы па ўсім, у Беларусь прыйшла восень: гэты тыдзень - апошні, калі паветра ўдзень будзе прагравацца вышэй за +20, а ў апошнія дні верасня дзённая тэмпература будзе трымацца ў раёне +10°С, сведчаць дадзеныя папярэдняга прагнозу надвор'я на Gismeteo.by.

23
Тэги:
Надвор'е, Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя
Каментары