Проста хтосьці занадта многа есць: тоўстага лебедзя выратавалі ў Віцебску
(абноўлена 17:13 27.11.2018)
Эколагі плануюць, што ў заапарку лебедзь схуднее і ўжо вясной наступнага года яго адпусцяць на волю.МІНСК, 27 ліс - Sputnik. Эколагі выратавалі ў Віцебску маладога лебедзя, які не мог паляцець з замярзаючага вадаёма з-за залішняй вагі, паведаміла газета "Віцебскія весці".
Птушку знайшли ў невялікай палонцы азярца, якое знаходзіцца на вуліцы Незалежнасці абласнога цэнтра. Да эколагаў па дапамогу звярнуліся занепакоеныя лёсам лебедзя мясцовыя жыхары.
Спецыялісты, якия прыехали на месца, высветлілі, што тоўсты лебедзь зусім не баіцца людзей, якія, мяркуючы па ўсім, яго актыўна падкормлівалі, з-за сваёй вагі ён можа праляцець толькі каля 30 метраў і рухаецца ў асноўным "пешшу".
Па словах начальніка гарадской інспекцыі прыродных рэсурсаў і аховы навакольнага асяроддзя Валерыя Фандо, птушка пасля замярзання вадаёма магла стаць ахвярай бяздомных сабак, таму эколагі прынялі рашэнне лебедзя злавіць і змясціць у Віцебскі заапарк.
Плануецца, што ў заапарку лебедзь схуднее і ўжо вясной наступнага года яго адпусцяць на волю.
Тэги:
Забарона на наведванне лясоў цалкам знятая ў Беларусі
(абноўлена 09:21 02.06.2020)
Яшчэ ў панядзелак абмежаванні дзейнічалі ў некаторых раёнах Мінскай і Гродзенскай абласцей, аднак з-за дажджоў сітуацыя змянілася.МІНСК, 2 чэр - Sputnik. Забаронуа на наведванне лясоў цалкам адмянілі ў Беларусі, пра гэта паведамілі ў міністэрстве лясной гаспадаркі.
Па дадзеных на 1 чэрвеня забароны на наведванне лясоў дзейнічалі ў 19 раёнах Мінскай і Гродзенскай абласцей. Аднак ужо да вечара панядзелка было прынята рашэнне зняць іх.
"У Беларусі прайшлі дажджы, і пажаранебяспечная абстаноўка стабілізавалася, знізіўся клас пажарнай небяспекі. Так што цяпер няма падстаў для абмежавальных мер. Райвыканкамы па хадайніцтве лесагаспадарчых устаноў аператыўна знялі абмежаванні на наведванне лясоў", - растлумачылі ў Мінлясгасе.
Абмежаванні пачалі ўводзіць у краіне ў сярэдзіне сакавіка бягучага года - на фоне сухога надвор'я і адсутнасці ападкаў. Усяго з пачатку года ў лясным фондзе Мінлясгаса адбылося 737 выпадкаў узгарання. Агульная плошча пажараў склала больш як 6,3 тысячы гектараў.
Адсочваць, у якіх раёнах наведванне лясоў трапіла пад забарону, можна з дапамогай інтэрактыўнай карты забаронаў і абмежаванняў на наведванне лясоў Мінлясгаса. Інфармацыя абнаўляецца на працягу ўсяго дня.
Тэги:
Якім будзе надвор'е ў Беларусі ў чэрвені? Доўгатэрміновы прагноз
(абноўлена 09:33 01.06.2020)
Лета пачнецца з прахалоднага надвор'я, у некаторыя дні тэмпература будзе ніжэй за кліматычную норму, пасля чаго пачнецца пацяпленне, аднак спёкі чакаць не варта.МІНСК, 1 чэр - Sputnik. Гарачага надвор'я не варта чакаць у першы летні месяц у Беларусі, пра гэта сведчаць дадзеныя сэрвісаў папярэдніх прагнозаў надвор'я.
Так, паводле інфармацыі Gismeteo, у першыя дні чэрвеня ў сталіцы будзе +13 .. + 15°С, аднак ужо да першых летніх выхадных паветра прагрэецца да + 21°С.
Другая дэкада будзе цёплай, але хмарнай, у асобныя дні чакаюцца моцныя ападкі. У другой палове чэрвеня, па дадзеных сэрвісу, прагназуецца пахаладанне: у сярэднім у дзённыя гадзіны будзе +14 .. + 16°С, зрэдку паветра пасля абеду стане прагравацца да +18 .. + 19°С.
Паводле дадзеных іншага сэрвісу, у сярэднім у сталіцы Беларусі ў чэрвені тэмпература паветра будзе дасягаць +17 .. + 20°С, ясных дзён будзе няшмат, але і ападкі чакаюцца толькі ў асобныя дні, пераважаць будзе пераменная воблачнасць.
Шматгадовыя дадзеныя яшчэ шэрагу рэсурсаў сведчаць аб тым, што чэрвень у Беларусі пачнецца ў гэтым годзе з прахалоднага надвор'я, у некаторыя дні тэмпература будзе ніжэй за кліматычную норму, пасля чаго пачнецца пацяпленне, аднак гарачага надвор'я ў гэтым месяцы чакаць не варта. Разам з тым, доўгатэрміновыя прагнозы нярэдка аказваюцца памылковымі.
Нагадаем, раней акадэмік, доктар геаграфічных навук, кліматолаг Уладзімір Логінаў і вядучы прагнозу надвор'я Дзмітрый Рабаў распавялі, што лета-2020 у Беларусі чакаецца цяплейшым, чым звычайна: у большасці дзён будзе стаяць спякотнае надвор'е, чакаецца недабор ападкаў, якія пацягнуць за сабой засуху і павышаную пажаранебяспеку.
Тэги:
Які сёння дзень: 3 чэрвеня 2020 года
(абноўлена 12:32 30.05.2020)
Гэты дзень з'яўляецца сто пяцьдзесят пятым па грыгарыянскім календары, да канца года засталося 211 дзён.Якія яшчэ падзеі адбыліся 3 чэрвеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 3 чэрвеня
- У 1863 годзе адбылася бітва пад Мілавідамі, аб’яднаныя сілы паўстанцаў пад кіраўніцтвам Кастуся Каліноўскага далі бой расійскаму войску. Сярод удзельнікаў бітвы былі Ф. Багушэвіч і М. Андрыёлі.
Хто нарадзіўся 3 чэрвеня
- 1935 год: Васіль Зуёнак, беларускі паэт.
Таксама сёння нарадзіліся расійскі военачальнік Пётр Апраксін і амерыканскі паэт Ален Гінзберг.
3 чэрвеня ў народным календары
Сёння праваслаўныя вернікі шануюць памяць свяціцеля роўнаапостальнага цара Канстанціна і царыцу Алену.
Гэты дзень у народным календары атрымаў назву Алена – доўгі лён. Лічылася, што калі пасеяць у гэты дзень лён і каноплі, яны абавязкова вырастуць добрымі і доўгімі. Сеяць лён трэба было пры паўднёвым ветры, калі не прытрымлівацца гэтай парады, ён мог вырасці жорсткім.
Калі надвор'е 3 чэрвеня дрэнная, то і восень будзе дажджлівая. У лесе пасля дажджу з'явіліся мухаморы – хутка пойдуць і белыя грыбы.