Адліга і мокры снег: якое надвор'е будзе ў Беларусі да канца тыдня

Адліга і мокры снег: якое надвор'е будзе ў Беларусі да канца тыдня

8
(абноўлена 16:23 14.01.2019)
Атмасферныя франты на працягу працоўнага тыдня акажуць асноўны ўплыў на надвор'е ў Беларусі.

МІНСК, 14 сту - Sputnik. Няўстойлівае надвор'е з ападкамі і тэмпературным фонам на 2-4 градусы вышэй за кліматычную норму чакаецца ў Беларусі да канца тыдня, расказалі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Пераважны ўплыў на надвор'е акажуць атмасферныя франты, таму ўжо ў аўторак 15 студзеня часам пройдзе снег, які месцамі будзе суправаджацца парывістым ветрам і завеяй. На асобных участках дарог захаваецца галалёдзіца. Тэмпература паветра ўначы складзе -3..-9°С, пры праясненнях яна панізіцца да -10..-13°С. Днём будзе ад -1 да -7°С.

У сераду 16 студзеня на большай частцы тэрыторыі рэспублікі таксама пройдзе мокры снег. На асобных участках дарог галалёдзіца. Уначы будзе ад -4 да -10°С, па паўночным усходзе пры праясненнях тэмпература панізіцца да -13°С. Днём чакаецца -1..-7°С, у паўднёва-заходніх раёнах - ад 0 да +2°С.

У чацвер 17 студзеня ўмовы надвор'я вызначаць атмасферныя франты, за якімі пачне паступаць больш цёплая паветраная маса з Заходняй Еўропы. Чакаецца перавага хмарнага надвор'я, часам ападкі (снег, мокры снег, які будзе пераходзіць у дождж), якія суправаджаюцца парывістым ветрам. Месцамі чакаюцца слабыя туман і галалёд, на асобных участках дарог - галалёдзіца. Тэмпература паветра ўначы будзе знаходзіцца ў межах ад 0 да -2 ° С па паўднёвым захадзе і да -10..-12°С па паўночным усходзе. Днём будзе ад -2°С да +4°С.

У пятніцу 18 студзеня надвор'е істотна не зменіцца: на большай частцы тэрыторыі Беларусі пройдзе кароткачасовы мокры снег, на дарогах месцамі галалёдзіца. Тэмпература паветра на працягу сутак складзе ад -3 да +3°С.

8
Тэги:
Прагноз надвор'я