Яблыневыя кветкі ў кроплях дажджу

Ці скончацца дажджы ў Беларусі? Дакладны прагноз на выхадныя і пачатак тыдня

31
(абноўлена 13:07 10.05.2019)
Згодна з папярэднім прагнозам, кароткачасовыя дажджы і навальніцы ў асобных раёнах рэспублікі чакаюцца да канца наступнага тыдня, але ў дзённы час будзе цёпла.

МІНСК, 10 мая - Sputnik. У суботу ў Беларусі пройдуць моцныя дажджы, але паветра ў найбліжэйшыя дні будзе прагравацца вышэй +20°С, пра гэта сведчаць дадзеныя Белгідраметцэнтра.

"11 мая ўмовы надвор'я на тэрыторыі Беларусі будуць вызначаць атмасферныя франты. Чакаецца воблачна з праясненнямі. Уначы пераважна па ўсходзе краіны, раніцай і ўдзень на большай частцы тэрыторыі дажджы, магчымы навальніцы", - паведамілі сіноптыкі.

Месцамі па паўночным усходзе краіны пройдуць моцныя дажджы, навальніцы будзе суправаджаць парывісты вецер, а ў некаторых раёнах чакаецца слабы туман. Уначы будзе +5 .. + 11°С, удзень паветра прагрэецца да +11 .. + 17°С, а па паўднёвым захадзе дасягне + 21°С.

У наступныя двое сутак - 12 і 13 мая - на надвор'е ў Беларусі паўплывае вобласць паніжанага атмасфернага ціску, сфарміраваная ў цёплай няўстойлівай паветранай масе. Туман захаваецца, месцамі па краіне таксама чакаюцца кароткачасовыя дажджы і навальніцы з парывістым ветрам.

У нядзелю ўначы тэмпература будзе знаходзіцца ў межах +3 .. + 10°С, пасля абеду пацяплее максімум да +16 .. + 23°С. У ноч на панядзелак будзе +6 .. + 13°С, а дзённыя тэмпературныя паказчыкі будуць аналагічныя нядзельным.

Згодна з папярэднім прагнозам Белгідрамета, кароткачасовыя дажджы і нават навальніцы ў асобных раёнах рэспублікі магчымыя да канца наступнага тыдня. Тэмпература паветра ў будучыя будні будзе вар'іравацца ад + 13°С да + 24°С на поўдні Беларусі.

31
Тэги:
Беларусь, Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя, Прагноз надвор'я

Прырода