Цеплыня і туманы прыйдуць у Беларусь у бліжэйшыя дні

Цеплыня і туманы прыйдуць у Беларусь у бліжэйшыя дні

7
(абноўлена 12:02 04.09.2019)
Да канца працоўнага тыдня пацяплее да +25 градусаў, дажджоў не прагназуюць.

МІНСК, 4 вер - Sputnik. Туман магчымы ў Беларусі ў чацвер ноччу і раніцай, папярэдзілі ў Белгідрамеце.

Па словах сіноптыкаў 5 верасня чакаецца пераменная воблачнасць, але будзе без ападкаў. Вецер паўднёвы ўмераны. Ноччу за акном будзе +6..+13°С. Днём тэмпература паветра складзе +18..+25°С.

У пятніцу магчымы слабы туман ноччу і раніцай.

"Раніцай і днём воблачна з праясненнямі, месцамі па паўночна-заходняй палове краіны кароткачасовыя дажджы", - распавялі сіноптыкі.

Вецер заходняй чвэрці ўмераны. Ноччу тэмпература паветра складзе +7..+14°С, днём +15..+22°С. Па паўднёвым усходзе на вуліцы будзе +23..+25°С.

Сёння, 4 верасня, у Беларусі чакаецца пераменная воблачнасць. Дажджоў не будзе. Вецер пераменных напрамкаў слабы да ўмеранага. Днём паветра прагрэецца да +16..+22°С. Атмасферны ціск будзе слаба падаць.

У Мінску ў сераду прагназуюць пераменную воблачнасць. Будзе без ападкаў. Вецер пераменных напрамкаў, 3-8 м/с. Днём на вуліцы +19..+21°C.

7
Тэги:
Беларусь, Прагноз надвор'я

Прырода