Ці будзе бабіна лета ў Беларусі? Дакладны прагноз надвор'я на тыдзень

Ці будзе бабіна лета ў Беларусі? Дакладны прагноз надвор'я на тыдзень

37
(абноўлена 13:57 23.09.2019)
Па папярэдніх прагнозах, у рэспубліцы не будзе халадаць да сярэдзіны наступнага тыдня: яшчэ 3 кастрычніка ў Менску днём пацяплее да +18°С.

МІНСК, 23 вер - Sputnik. Замаразкі чакаюцца на гэтым тыдні ў Беларусі, аднак да выхадных крыху пацяплее, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Сіноптыкі паведамляюць, што ў аўторак і сераду, 24-25 верасня, будзе пераважна без ападкаў, раніцай могуць згушчацца туманы. У першай палове тыдня ў начны час будзе +1..+6°С, у многіх раёнах чакаюцца замаразкі да 0..-4°С. Днём паветра стане прагравацца да +8..+16°С (на паўднёвым захадзе рэспублікі).

Другая палова тыдня будзе пахмурнай: у чацвер і пятніцу, 26-27 верасня, чакаюцца кароткачасовыя дажджы, аднак пройдуць яны толькі ў некаторых раёнах на паўднёвым захадзе. Ноччу будзе +1..+8°С (з замаразкамі да 0..-3°С па паўночным усходзе), а днём пацяплее да +10..+18°С.

На выхадныя ў Беларусі чакаецца слабое пацяпленне. Так, ноччу ў суботу 28 верасня чакаецца +2..+10°С, на ўсходзе месцамі паветра таксама будзе замярзаць да 0..-2°С. А ўжо ў нядзелю 29 верасня ноччу тэмпература не апусціцца ніжэй за +5..+12°С. У дзённыя гадзіны тэмпература паветра будзе знаходзіцца ў межах +12..+20°С (максімальнай адзнакі тэмпературны паказчык дасягне на паўднёвым захадзе краіны).

Згодна з папярэднімі прагнозамі, цяпло пратрымаецца ў рэспубліцы як мінімум да сярэдзіны наступнага тыдня.

37
Тэги:
Беларусь, Прагноз надвор'я

Прырода