Галалёд у горадзе

Зноў аранжавы: небяспечная галалёдзіца будзе ў Беларусі і ў суботу

1
(абноўлена 12:33 29.11.2019)
Складаныя ўмовы надвор'я прывялі да велізарных ранішніх затораў у Мінску, а ў бальніцы краіны з галалёднымі траўмамі за мінулыя суткі трапілі 137 чалавек.

МІНСК, 29 ліс - Sputnik. Штармавое папярэджанне аб'яўлена ў Беларусі на 30 лістапада з-за галалёдзіцы, пра гэта паведамілі ў рэспубліканскім гідраметцэнтры.

"Увага! Удзень 30 лістапада (у суботу) на большай частцы тэрыторыі рэспублікі і ў горадзе Мінску на дарогах чакаецца галалёдзіца", - папярэдзілі ў Белгідраметцэнтры, у сувязі з непагаддзю ў краіне аб'яўлены аранжавы ўзровень небяспекі.

У рэспубліцы крыху пацяплела ў чацвер у другой палове дня: месцамі прайшоў невялікі дождж, з-за якога на дарогах з'явіўся лёд. Туман і галалёдзіца захаваліся да раніцы пятніцы, складаныя ўмовы надвор'я прывялі да вялікіх затораў на вуліцах Мінска.

Як паведамілі Sputnik у Міністэрстве аховы здароўя Беларусі, з галалёднымі траўмамі за мінулыя суткі ў бальніцы краіны трапілі 137 чалавек. У Мінску падзенне на вуліцах скончылася шпіталізацыяй для 69 гараджан, у ліку якіх восем дзяцей.

Па дадзеных сіноптыкаў, у апошнія дні ў Беларусі ўсталявалася воблачнае халаднаватае надвор'е. У розных раёнах краіны прайшлі невялікія ападкі, месцамі назіраліся туман і галалёд, а таксама снежнае покрыва вышынёй да аднаго сантыметра. Тэмпература паветра блізкая да кліматычнай нормы.

У бліжэйшыя дні пасля абеду будзе цяплець да +1 .. + 6°С, а на захадзе паветра стане прагравацца нават да + 8°С. А ў нядзелю, 1 снежня, тэмпература знізіцца -7°С (і -4 .. + 2°С у другой палове дня).

1
Тэги:
Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя, Аранжавы ўзровень небяспекі, Беларусь

Прырода