Анамальна цёпла: тэмпературныя рэкорды абнавіліся па ўсёй Беларусі
(абноўлена 11:39 19.12.2019)
Шматгадовыя тэмпературныя экстрэмумы былі пабіты 18 снежня ва ўсіх абласных і многіх раённых цэнтрах рэспублікі.МІНСК, 19 сне - Sputnik. Тэмпературныя рэкорды абнавіліся 18 снежня ў многіх гарадах Беларусі, пра гэта сведчаць дадзеныя пагоднага рэсурсу Meteoinfo.by.
У Беларусі працягваецца анамальна цёплае для снежня надвор'е. Сіноптыкі ўжо заявілі, што тэмпературныя нормы перавышаныя на некалькі градусаў. З пачатку месяца тэмпературныя рэкорды абнаўляліся некалькі разоў. 18 снежня не стала выключэннем.
Абнавіліся тэмпературныя максімумы адразу ва ўсіх абласных цэнтрах Беларусі. У Мінску было +7,5°С, што на 2,1°С больш за мінулы рэкорд. У Брэсце паветра прагрэлася да +12,2°С - больш папярэдняга значэння на 0,7°С. У Гомелі слупок тэрмометра паказаў +6,8°С супраць +6,5°С. У Гродне тэмпература паднялася да +10,6°С, мінулы экстрэмуму складаў +7,9°С. У гэтых гарадах былі пабіты рэкордныя значэння 30-гадовай даўніны.
Абнавіўся тэмпературны максімум і ў Віцебску: +7,4°С супраць +5,2°С, зафіксаваных у 2011 годзе. У Магілёве быў пабіты рэкорд 1972 года: +6°С супраць +5,2°С.
Тэмпературныя рэкорды ўпалі 18 снежня Барысаве, Лельчыцах, Пінску, Брагіне, Полацку і многіх іншых гарадах. Самая высокая тэмпература была зафіксавана на метэастанцыі Палескай, там паветра прагрэлася да +12,8°С.
У бліжэйшыя дні ў Беларусі захаваецца цёплае надвор'е. Пры гэтым дыскамфорт можа даставіць моцны парывісты вецер. Па прагнозах сіноптыкаў, максімальная тэмпература паветра будзе дасягаць +8..+10°С.
Тэги:
Тыгр навучыўся спяваць, каб прыцягваць да сябе ўвагу - відэа
(абноўлена 20:29 06.03.2021)
Глядзіце на відэа, як драпежнік з Барнаульскага заапарка бярэ высокія ноты. І ўсё гэта дзеля аднаго - увагі.Паласатыя драпежнікі могуць не толькі рыкаць, яны здольныя яшчэ і да "спеваў". Гэта даказвае тыгр Шэрхан. На кадрах можна ўбачыць, як тыгр, ходзячы па вальеры або знаходзячыся на ўзвышшы, якое, мусіць, лічыць сваёю сцэнай, бярэ высокія ноты.
"З самага нараджэння ён такім чынам прыцягвае ўвагу шматдзетнай мамы. Спецыяльна сыходзіў у далёкі кут, калі яна была занятая іншымі дзецьмі, і крычаў, пакуль яна не кіне ўсё і не прыйдзе да яго", - распавялі супрацоўнікі заапарка на старонцы ў сацыяльнай сетцы.
Рэпертуар узыходзячай зоркі Барнаульскага заапарка пакуль невялікі, аднак у яго арсенале ўжо ёсць некалькі хітоў, якія нагадалі некаторыя кампазіцыі ў выкананні расійскага спевака Вітаса. Іншыя прыхільнікі творчасці Шэрхана выказалі здагадку, што тыгр прастудзіўся, аднак супрацоўнікі заапарка запэўнілі, што са здароўем у драпежніка ўсё ў парадку.
Глядзіце таксама:
- Сто дзён да прызыву: як растуць і з кім гуляюць шчанюкі кіналагічнага цэнтра - відэа
- Выміраючае хобі: як мінчанін трымае галубятню - відэа
- Каралеўскі парад пінгвінаў: хвіліна замілавання вам гарантавана
Тэги:
Матылькі Манарх могуць знікнуць
(абноўлена 12:14 07.03.2021)
Кожны год мільёны ярка-аранжавых матылькоў адпраўляюцца ў неверагоднае падарожжа з Паўночнай Амерыкі ў Каліфорнію і Мексіку. У гэтым годзе іх колькасць рэзка ўпала да рэкордна нізкага ўзроўню.
Штогадовы зімовы падлік, які праводзіцца Таварыствам Xerces, зарэгістраваў менш за 2 тысячы заходніх матылькоў Данаіда Манарх, што сабраліся на дрэвах Каліфорніі, дзе яны групуюцца, каб сагрэцца. Манархі звычайна прыбываюць сюды ў пачатку лістапада і рассяляюцца па краіне з надыходам больш цёплага надвор'я ў сакавіку.
Іншае насельніцтва ўсходніх манархаў падарожнічае з паўднёвай Канады і паўночнага ўсходу Злучаных Штатаў праз тысячы кіламетраў, каб правесці зіму ў цэнтральнай Мексіцы. Паводле ацэнак навукоўцаў, з сярэдзіны 1990-х гадоў колькасць усходніх Манархаў таксама скарацілася прыкладна на 80 адсоткаў.
Міграцыя матылькоў Манарх - адно з найпрыгажэйшых відовішчаў на планеце. З шырокіх паўночных шырот матылі злятаюцца на зімоўку ў месцы ўмеранага клімату. Самае любімае месца Манархаў - біясферны запаведнік "Марыпоса" у мексіканскім штаце Мічаакан. За час пералёту змяняецца не адно пакаленне крылатых насякомых. Частка тых, хто нарадзіўся, гіне ў дарозе. Бо працягласць пералётаў нашмат даўжэй за іх жыццё.
Здзіўленне выклікае не толькі адлегласць, якую пралятаюць гэтыя матылькі, але і іх сістэма навігацыі: для пошуку шляху яны выкарыстоўваюць зрок, нюх, дотык і іншыя пачуцці.
Матылькі садзяцца на дрэвы, аблепляючы іх так, што нават немагчыма ўбачыць лістоту. А галінкі прагінаюцца пад вагой такой неймавернай колькасці матылькоў. Сядзяць яны нерухома, і толькі калі сонца пачынае прыпякаць, павольна і сінхронна перапаўзаюць ў цень.
Амерыканскія і мексіканскія эколагі прыкладваюць максімум намаганняў да таго, каб ахоўваць папуляцыю насякомых падчас міграцыі. Нягледзячы на ўсе намаганні, пагроза знікнення сур'ёзная, галоўная прычына якой - масавая вырубка дрэў.
Глядзіце ў фотастужцы Sputnik Беларусь кадры дзіўнай прыроднай з'явы.
© AFP 2020 / ENRIQUE CASTROЧасцей за ўсё матылёк Манарх мае аранжавую афарбоўку з чорнымі палоскамі на крылах. Па іх краях праходзіць чорная аблямоўка з белымі плямамі. Хоць часам сустракаюцца і ўзоры з жоўтых палосак з аранжавай плямкай на канцы пярэдняй пары крылаў.
© REUTERS / TOYA SARNO JORDANСамая вялікая колькасць матылькоў Данаід жыве на мяжы ЗША з Канадай. І, збіваючыся, падобна птушкам, у велізарную чараду з некалькіх мільёнаў асобін, яны адпраўляюцца на зімоўку.
© REUTERS / TOYA SARNO JORDANМіграцыя матылькоў Манарх - адно з найпрыгажэйшых відовішчаў на планеце.
© REUTERS / TOYA SARNO JORDANСамае любімае месца Манархаў - біясферны запаведнік "Марыпоса" у мексіканскім штаце Мічаакан. За час пералёту змяняецца не адно пакаленне крылатых насякомых. Частка тых, хто нарадзіўся, гіне ў дарозе. Бо працягласць пералётаў нашмат даўжэй за іх жыццё.
© AFP 2020 / DREW ANGERERЗдзіўленне выклікае не толькі адлегласць, якую пралятаюць гэтыя матылькі, але і іх сістэма навігацыі: для пошуку шляху яны выкарыстоўваюць зрок, нюх, дотык і іншыя пачуцці.
© REUTERS / TOYA SARNO JORDANАмерыканскія і мексіканскія эколагі прыкладваюць максімум намаганняў да таго, каб ахоўваць папуляцыю насякомых падчас міграцыі.
© AFP 2020 / PEDRO PARDOНягледзячы на ўсе намаганні, пагроза знікнення сур'ёзная, галоўная прычына якой - масавая вырубка дрэў.
© REUTERS / TOYA SARNO JORDANТыя з матылькоў, што ўпалі з галінак, павінны падняцца назад як мага хутчэй - гэта пытанне жыцця і смерці. Іх крылы вібруюць, каб сагрэць лятальныя мышцы і падняцца перш, чым яны абмарозіліся на зямлі.
© AFP 2020 / ENRIQUE CASTROТыя, хто здолеў выжыць, туляцца на дрэвах на працягу чатырох месяцаў. Вясновае цяпло абудзіць іх ад спячкі.
© AP / Rebecca BlackwellМатылькі садзяцца на дрэвы, аблепляючы іх так, што нават немагчыма ўбачыць лістоту. А галінкі прагінаюцца пад вагой такой неймавернай колькасці матылькоў. Сядзяць яны нерухома, і толькі калі сонца пачынае прыпякаць, павольна і сінхронна перапаўзаюць ў цень.
© REUTERS / TOYA SARNO JORDANУ гэтым годзе іх колькасць рэзка ўпала да рэкордна нізкага ўзроўню. Штогадовы зімовы падлік, які праводзіцца Таварыствам Xerces, зарэгістраваў менш за 2 тысячы заходніх матылькоў Данаіда Манарх, што сабраліся на дрэвах Каліфорніі. Паводле ацэнак навукоўцаў, з сярэдзіны 1990-х гадоў колькасць усходніх Манархаў таксама скарацілася прыкладна на 80 адсоткаў.
Тэги:
Які сёння дзень: 8 сакавіка 2021 года
(абноўлена 17:18 06.03.2021)
Гэты дзень з'яўляецца шэсцьдзясят сёмым па грыгарыянскім календары, да канца года засталося 298 дзён.Сёння адзначаецца Міжнародны жаночы дзень. Якія яшчэ падзеі адбыліся 8 сакавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 8 сакавіка
- У 1911 годзе адбылося першае святкаванне Міжнароднага жаночага дня.
Хто нарадзіўся 8 сакавіка
- 1910 год: Пётр Васілевіч Конюх, беларускі оперны спявак.
- 1917 год: Сяргей Іванавіч Селіханаў, беларускі скульптар.
- 1931 год: Сямён Падокшын, беларускі філосаф і гісторык-медыявіст, даследчык культуры Адраджэння і Рэфармацыі.
- 1952 год: Аляксандр Аляксандравіч Козак, беларускі акцёр, тэатральны дзеяч.
- 1962 год: Славамір Адамовіч, беларускі паэт, грамадскі дзеяч.
Таксама сёння нарадзіўся савецкі і расійскі акцёр тэатра і кіно Андрэй Міронаў.
8 сакавіка ў народным календары
Сёння пачынаецца Масленіца - старадаўняе народнае свята, якое адзначаецца на працягу сямі дзён перад пачаткам Вялікага посту. Масленіца спакон вякоў азначае праводзіны зімы і сустрэчу вясны - прадвесніцу цяпла і абнаўлення прыроды і чалавека.
Кожны дзень Масленічнага тыдня мае сваё імя. Дарэчы, панядзелак - "Сустрэча". У гэты дзень гаспадыні распачыналі пячы бліны, першы з якіх трэба было аддаць жабраку для ўшанавання памяці памерлых. Гаспадыні абавязкова частавалі блінамі гасцей і запрашалі да хаты сваякоў.
Таксама сёння праваслаўныя вернікі шануюць памяць святапакутніка Палікарпа.
У гэты дзень назіралі за птушкамі: калі яны хаваюцца, будзе завіруха. Калі ж вераб'і ўжо в'юць гнёзды, будзе цяпло. Гнёзды гракоў з паўднёвага боку – лета будзе халодным.
Калі 8 сакавіка на рэках і азёрах яшчэ трымаецца лёд, рыбалка будзе дрэнная.