Кот пад коўдрай

Калі ў Беларусь прыйдзе лета? Дакладны прагноз на выхадныя і пачатак тыдня

17
(абноўлена 09:48 21.05.2020)
Па папярэдніх прагнозах, кліматычнае лета прыйдзе ў Беларусь разам з каляндарным: цяплей за +20°С у Мінску будзе толькі ў пачатку чэрвеня.

МІНСК, 21 мая - Sputnik. Слабое пацяпленне чакаецца ў Беларусі да выхадных, пра гэта сведчаць дадзеныя прагнозу надвор'я рэспубліканскага гідраметцэнтра.

У краіне захоўваецца халоднае надвор'е з тэмпературным фонам на 1-7°С ніжэйшай за кліматычную норму. Амаль усюды ў мінулыя суткі прайшлі дажджы, месцамі нават прагрымелі навальніцы. Канец тыдня будзе прахалодным, а да выхадных тэмпературны фон трохі падвысіцца.

Сёння ўдзень чакаецца ўзмацненне ветру да 15-18 метраў у секунду. У першай палове дня на большай частцы тэрыторыі пройдуць дажджы, а пацяплее максімум да +6..+12°С (і да +13..+15°С на поўдні). У Мінску - часам дождж і да +9..+11°С.

"22 мая (у пятніцу) рэспубліка будзе знаходзіцца пад уплывам малаактыўнага атмасфернага фронту і халодных паветраных мас, якія перамяшчаюцца з Баранцава мора. Чакаецца воблачнае з праясненнямі надвор'е", - паведамілі сіноптыкі.

На большай частцы тэрыторыі рэспублікі чакаюць кароткачасовых дажджоў, а ўначы магчымы нават мокры снег. Зноў будзе дзьмуць парывісты вецер, ноччу будзе +1..+6°С, днём - максімум да +7..+14°С у сярэднім па краіне.

Надвор'е ў Беларусі на выхадныя

У канцы тыдня ў краіне чакаецца слабое пацяпленне. У суботу, 23 мая большая частка краіны апынецца ў вобласці павышанага атмасфернага ціску, зноў чакаецца пераменная воблачнасць.

Пераважна без ападкаў, невялікія кароткачасовыя дажджы і мокры снег магчымыя толькі раніцай месцамі па паўднёвым усходзе. Ноччу падмарозіць да 0..-3°С, месцамі будзе +1..+5°С, а днём паветра прагрэецца да +11°С па ўсходзе і +19°С па захадзе Беларусі.

У нядзелю, 24 мая, начных замаразкаў ужо не будзе. Днём амаль па ўсёй краіне пройдуць кароткачасовыя дажджы, ноччу тэмпература паветра будзе знаходзіцца ў межах +2..+9°С, днём паднімецца да +11..+18°С.

Тыдзень пачнецца без начных маразоў

У пачатку будучага працоўнага тыдня істотных зменаў надвор'я чакаць не даводзіцца. У панядзелак кароткачасовыя дажджы пройдуць амаль па ўсёй Беларусі (днём у асобных раёнах будуць грымець навальніцы), а ў аўторак прагназуюцца толькі месцамі. Начныя тэмпературы 25-26 мая будуць трымацца ў межах +3..+10°С, пасля абеду паветра стане прагравацца да +12..+20°С.

Па дадзеных сэрвісу папярэдніх прагнозаў надвор'я Gismeteo.by, яшчэ ледзь цяплей у краіне стане бліжэй да сярэдзіны наступнага тыдня. Але кліматычнае лета прыйдзе ў Беларусь разам з каляндарным: цяплей за +20°С у Мінску будзе толькі ў пачатку чэрвеня. Аднак не варта забываць, што доўгатэрміновыя прагнозы нярэдка аказваюцца памылковымі.

17
Тэги:
Беларусь, Прагноз надвор'я
Школьны клас

З-за марозу ў некаторых беларускіх школах адмянілі заняткі

21
(абноўлена 13:15 18.01.2021)
Халоднае надвор'е ўсталявалася ў краіне яшчэ на мінулым тыдні: ноччу тэмпература паветра апускалася да –29°С.

МІНСК, 18 сту – Sputnik. У некаторых школах з-за марозу адмененыя заняткі ў 1-11-х класах, у асноўным гэта тычыцца ўстаноў адукацыі Мінскага раёна, распавяла Sputnik прэс-сакратар Міністэрства адукацыі Беларусі Людміла Высоцкая.

"Менавіта ў Мінскім раёне зарэгістраваны самыя нізкія тэмпературныя паказчыкі на 7 раніцы ў панядзелак - мінус 25 градусаў і ніжэй. У сувязі з гэтым заняткі ў некаторых школах адменены", - патлумачыла прадстаўнік ведамства.

Людміла Высоцкая нагадала, што школы самі прымаюць рашэнні аб адмене заняткаў, калі слупок тэрмометра ў 7 раніцы паказвае ніжэй за 25 градусаў.

Вучань 11-га класа Дубаўлянскай сярэдняй школы (Мінскі раён) Уладзіслаў Сыракваш распавёў, што класны кіраўнік у нядзелю папрасіла школьнікаў не выходзіць на заняткі ў панядзелак. Гэтую інфармацыю Sputnik пацвердзілі ў адміністрацыі школы.

Марознае надвор'е ўсталявалася ў Беларусі яшчэ на мінулым тыдні, а ў ноч з нядзелі на панядзелак слупок тэрмометра апускаўся да -29°С. Па прагнозах сіноптыкаў, такое надвор'е пратрымаецца да серады, 20 студзеня, пасля чаго наступіць пацяпленне.

Дарэчы, моцныя маразы ўжо прывялі да смяротных зыходах: у Быхаўскім раёне была зафіксавана першая смерць ад холаду ў 2021 годзе, а халадовыя траўмы ўжо атрымалі амаль 2,5 тысячы чалавек.

21
Тэги:
Беларусь, Міністэрства адукацыі РБ, Надвор'е, мароз, школы

Вы ў іх абавязкова закахаецеся! Самыя прыгожыя птушкі Беларусі

230
(абноўлена 18:21 16.01.2021)
  • Зімародак
  • Даўгахвостая сініца
  • Залацістыя шчуркі
  • Белая блакітніца
  • Шчыгел
  • Сіваваронка
  • Удод
  • Чырвоны каршун
  • Сіпуха
  • Варакушка
  • Вялікі стракаты дзяцел
  • Шпак
Прапануем вам паглядзець на самых прыгожых птушак краіны - ад белай блакітніцы, якую рэдка можна ўбачыць, да звыклага ўсім, але не менш выдатнага шпака.

Птушкі - гэта не толькі неад'емная частка экасістэмы, але і бясконцая крыніца натхнення для паэтаў. Ды і проста нагода радасці для вачэй кожнага з нас. Магчыма, вы рэдка ўглядаліся ў птушак і нават не ведаеце, якія прыгажуні-птушкі жывуць у Беларусі.

Прапануем вам паглядзець на самых прыгожых птушак Беларусі. Некаторыя з іх, нажаль, сустракаюцца сёння зусім рэдка - напрыклад, сіваваронкі, - іншыя ж побач з намі вельмі часта - як, напрыклад, дзятлы.

Паглядзіце гэтыя фатаграфіі і закахайцеся ў птушак гэтак жа, як мы.

230
  • Зімародак
    © Public Domain / 谷崎かおる / Kingfisher

    Зімародак ў Беларусі - нешматлікі від. Гняздуецца на рэках Буг, Іслач, Нёман, Сож. У 2016 годзе гэты госць з тропікаў стаў сімвалам Валожынскага раёна, дзе знаходзіцца Налібоцкая пушча.

  • Даўгахвостая сініца
    © CC0 / Pixabay / Sabine Löwer

    Даўгахвостая сініца, або апалоўнік - пухнаты ружавата-белы шарык з доўгім хвастом, самая дробная птушка Беларусі. Цалкам магчыма, яна стане птушкай 2021 года ў Беларусі, так як перамагла ў народным галасаванні.

  • Залацістыя шчуркі

    Залацістыя шчуркі - адны з самых яркіх птушачак не толькі ў Беларусі, але і ў Еўропе. Гэтыя красуні пачалі гнездавацца на тэрыторыі Беларусі толькі адносна нядаўна - у 1980-х гадах. Гэтая птушачка б'е злоўленую казурку аб цвёрдую паверхню і старанна расціскае, каб не быць уджаленай пры праглынанні, а крылы і хітынавы панцыр насякомых пазней вырыгвае ў выглядзе маленькіх шарыкаў.

  • Белая блакітніца

    Белая блакітніца - беласнежна-блакітная - крыху менш за вялікую сініцу, але крыху буйнейшая за блакітніцу, жыве ў пойменных лясах з густым падлескам.

  • Шчыгел

    Чорнагаловы шчыгел - самая маляўнічая птушачка. Яркі і прыкметны, залаты ўюрок (так яго называюць англічане) быў птушкай 2018 года ў Беларусі. Шчыглы выбіраюць для гнездавання зялёныя насаджэнні ў прыдарожнай паласе, паркі, скверы, таму пакутуюць ад актыўнай абрэзкі дрэў.

  • Сіваваронка

    Пералётная птушка сіваваронка з вельмі прыгожым зелянява-блакітным з пералівамі і іржава-карычневым апярэннем гняздуецца ў дуплах і сілкуецца буйнымі казуркамі. З-за зарастання лугоў кожная сустрэча з сіваваронкай сёння стала вялікай рэдкасцю, ужо ў бліжэйшыя гады гэты від можа цалкам знікнуць з тэрыторыі Беларусі.

  • Удод

    Стыляга удод любіць прылятаць на поўдзень нашай краіны. Ахвотна селіцца ў разрэджаных дубровах, ва ўзлесках саспелых хваёвых бароў. Нярэдка выяўляецца па рачных поймах з ўчасткамі алешніку або асобнымі старымі дрэвамі.

  • Чырвоны каршун

    А як вам гэты прыгажун? Чырвоны каршун гняздуецца толькі ў параўнальна мала закранутых дзейнасцю чалавека кутках паўднёва-заходняй частцы рэспублікі. Па тэрыторыі Беларусі праходзіць паўночна-ўсходняя мяжа арэала гэтага драпежніка.

  • Сіпуха
    © CC0 / Pixabay / ian kelsall

    Гэтая драпежная прыгажуня - рэдкая птушка ў нашых краях. Але ўсё ж сіпуха залятае на гнездаванне на поўнач і ўсход Беларусі.

  • Варакушка

    Стройная вытанчаная варакушка гняздуецца ў хмызняках па берагах вадаёмаў, жыве скрытна і спявае пераважна ўвечары і ўначы. Самец "носіць" на грудзях яркае блакітнае кашне.

  • Вялікі стракаты дзяцел
    © CC0 / PxHere

    Вялікага пярэстага дзятла можна сустрэць практычна ў любым месцы, дзе ёсць дрэвы. Гэта самы звычайны прадстаўнік сямейства на тэрыторыі Беларусі. Але ж гэта не значыць, што ён не варты быць уключаным у топ самых прыгожых птушак.

  • Шпак

    Шпака ў Беларусі можна ўбачыць вельмі часта, але прыгледзьцеся: які прыгажун!

Тэги:
Птушкі Беларусі, Беларусь

Лаўроў: Вашынгтон выкарыстаў пандэмію ў сваёй знешняй палітыцы

0
(абноўлена 15:30 18.01.2021)
ЗША разам са сваімі саюзнікамі спрабавалі выкарыстаць пандэмію ў асабістых мэтах, заявіў кіраўнік МЗС Расіі Сяргей Лаўроў. Падрабязнасці - глядзіце на відэа.

"Некаторыя нашы калегі заходнія, перш за ўсё ЗША і бліжэйшыя саюзнікі, спрабавалі выкарыстаць сітуацыю (з пандэміяй - Sputnik) для нарошчвання сваіх метадаў ціску, шантажу, ультыматумаў, нелегітымных дзеянняў з увядзеннем абмежавальных аднабаковых рэстрыкцый, ну і іншых форм умяшанняў ва ўнутраныя справы многіх краін, у тым ліку і нашага бліжэйшага суседа - Беларусі", - сказаў Лаўроў на штогадовай прэс-канферэнцыі ў панядзелак.

У канцы снежня мінулага года ЗША увялі санкцыі супраць шэрага беларускіх чыноўнікаў і сілавікоў. Да гэтага сенат адобрыў законапраект "Аб суверэнітэце, правах чалавека і дэмакратыі ў Беларусі" і ўключыў яго ў праект бюджэту на 2021 год. Згодна з дакументам, абмежаванні могуць быць уведзены не толькі супраць членаў ЦВК і беларускіх чыноўнікаў, але і ў дачыненні да прадстаўнікоў Саюзнай дзяржавы і расійскіх грамадзян, "якія прымалі значны ўдзел у пераследзе СМІ".

Раней расійскі міністр адзначаў, што Вашынгтон паводзіць сябе "як слон у пасуднай краме", што датычыцца сітуацыі на Блізкім Усходзе. Па словах кіраўніка МЗС РФ, ЗША спрабуюць разбурыць Сірыйскую Арабскую рэспубліку.

Ён дадаў, што такая знешняя палітыка Штатаў павярнулася цяжкімі наступствамі для краін Блізкага Усходу і іх насельніцтва.

Чытайце таксама:

0
Тэги:
ЗША, МЗС РФ, Сяргей Лаўроў