Начныя маразы ўзмацняюцца: да канца тыдня ў Беларусі да –28°С
(абноўлена 22:22 16.02.2021)
Па папярэдніх дадзеных Гідрамета, услед за маразамі ў рэспубліку прыйдзе пацяпленне – ужо на выхадных днём чакаецца каля нуля.МІНСК, 17 лют – Sputnik. Марознае надвор'е захаваецца ў Беларусі да канца працоўнага тыдня, начныя маразы будуць узмацняцца, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Паводле інфармацыі сіноптыкаў, у бліжэйшыя дні тэрыторыя рэспублікі будзе знаходзіцца ў вобласці павышанага ціску, якая і стане фарміраваць умовы надвор'я ў краіне.
Так, у сераду 17 лютага ў Беларусі чакаецца пераменная воблачнасць, месцамі пройдзе невялікі снег. Днём на паўднёвым захадзе чакаецца –2°С, на ўсходзе рэспублікі - каля –10°С.
У чацвер і пятніцу Беларусь будзе знаходзіцца пад уплывам халоднага арктычнага паветра.
У чацвер 18 лютага ноччу месцамі тэмпература паветра апусціцца да –25°С, днём яна будзе знаходзіцца ў межах ад –7 да –14°С.
У пятніцу 19 лютага будзе без ападкаў, ноччу ў асобных рэгіёнах слупкі тэрмометраў пры праясненнях пакажуць –28°С, днём па краіне - ад –7 да –14°С, на паўднёвым захадзе - –3 ... –6°С.
Па папярэдніх дадзеных Гідрамета, услед за маразамі ў рэспубліку прыйдзе пацяпленне - ужо на выхадных днём чакаецца каля нуля.
Чытайце таксама:
- Надвор'е на бліжэйшыя дні: беларусаў чакае тэмпература ад плюс 1°С да мінус 26°С
- Не бяда і "люты, што наробіць плюты…", абы ў хаце было добрае надвор’е
- Моцныя снегапады ў еўрапейскіх краінах: у рэгіёнах паралізаваны рух транспарту
Тэги:
Ніягарскі вадаспад у лёдзе - фота
(абноўлена 21:13 25.02.2021)
Такая з'ява адбываецца досыць часта, аднак турысты ўсё роўна накіроўваюцца сюды палюбавацца гэтым чароўным цудам прыроды.
На поўнач штата Нью-Йорк і канадскую правінцыю Антарыё абрынуўся шторм, тэмпература апусцілася да 20 градусаў марозу, і самы магутны вадаспад у Паўночнай Амерыцы часткова замёрз.
Такое адбываецца даволі часта, у мінулым годзе вадаспад таксама скоўвала лёдам. А вось цалкам вадаспад замярзаў у 1848 і 1912 гадах.
Глядзіце, як выглядаюць на фота "Падкова", "Амерыканскі вадаспад" і "Фата", якія складаюць комплекс Ніягарскага вадаспаду.
© REUTERS / Moe DoironЗ-за моцных маразоў вадаспад часткова замёрз.
© REUTERS / MOE DOIRONЛёд і снежнае покрыва каля края вадаспаду "Падкова".
© REUTERS / Moe DoironТурысты накіроўваюцца сюды палюбавацца гэтым чароўным цудам прыроды.
© REUTERS / DronebaseАэраздымка Ніягарскага вадаспаду з боку ЗША.
© REUTERS / Moe DoironМужчына з дзіцем ля Ніягарскага вадаспаду ў Канадзе.
© REUTERS / Moe DoironСамы магутны вадаспад у Паўночнай Амерыцы часткова замёрз.
© REUTERS / Moe DoironТакое адбываецца даволі часта, у мінулым годзе вадаспад таксама скоўвала лёдам.
© REUTERS / HANDOUTВоды Ніягары ператварыліся ў велізарныя крыгі.
© REUTERS / DronebaseСлавуты на ўвесь свет вадаспад прымае штогод каля 20 мільёнаў турыстаў. Погляду наведвальнікаў зімой паўстае проста казачная карціна.
© REUTERS / Moe DoironСвой пачатак ён бярэ на тэрыторыі ЗША, але самыя зачаравальныя віды дасталіся Канадзе.
Тэги:
У жыцці за палярным кругам ёсць адзін плюс - і вось ён. Відэа
(абноўлена 20:27 26.02.2021)
Ніколі не бачылі паўночнага ззяння? Глядзіце на відэа, які выгляд на неба адкрыўся жыхарам пасёлка ў Мурманскай вобласці. Не грэе - затое як свеціць!За звыклай для паўночных шырот, але вельмі відовішчнай прыроднай з'явай - паўночным ззяннем - маглі назіраць жыхары пасёлка Ура-Губа ў Мурманскай вобласці.
На кадрах, знятых з ужываннем тэхналогіі паскоранай кіназдымкі таймлапс, захавана палатно нябеснага святлення смарагдавых адценняў з пурпурнымі бакамі.
Aurora Borealis, або паўночнае ззянне - гэта свячэнне верхніх слаёў атмасфер планет, якія валодаюць магнітасфэрай, з прычыны іх узаемадзеяння з зараджанымі часціцамі сонечнага ветру.
Глядзіце на відэа, як выглядае адна з галоўных ці, па меншай меры, прыгожых прычын пажыць за палярным кругам.
Тэги:
Які сёння дзень: 2 сакавіка 2021 года
(абноўлена 18:06 01.03.2021)
Гэты дзень з'яўляецца шэсцьдзясят першым па грыгарыянскім календары, таму да канца года засталося 304 дні.Якія падзеі адбыліся 2 сакавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 2 сакавіка
- У 1992 годзе Беларусь устанавіла дыпламатычныя адносіны з Польшчай.
- У 1994 годзе Вярхоўны Савет Беларусі пpагаласаваў за пpэзідэнцкyю фоpмy кipавання.
Хто нарадзіўся 2 сакавіка
- 1562 год: Крыштаф Дарагастайскі, дзяржаўны дзеяч ВКЛ, доктар медыцыны.
- 1896 год: Станіслаў Глякоўскі, каталіцкі святар, беларускі рэлігійна-грамадскі дзеяч, выдавец.
- 1918 год: Алесь Бачыла, беларускі паэт.
- 1931 год: Леніна Міронава, беларускі архітэктар, педагог, мастацтвазнаўца.
Таксама сёння нарадзіліся чэшскі кампазітар Бедржых Сметана, яўрэйскi пiсьменнiк Шолам-Алейхем і прэзідэнт СССР Міхаіл Гарбачоў.
2 сакавіка ў народным календары
Сёння праваслаўныя вернікі шануюць памяць вялікапакутніка Фёдара, якому моляцца пра знаходку страчаных рэчаў і людзей, якія зніклі без вестак. Таксама лічыцца, што святы абараняе дом ад злодзеяў.
У народзе лічылі, што сны, якія бачылі з 1 на 2 сакавіка, хутка спраўдзяцца.
Калі 2 сакавіка шмат ледзяшоў, будзе добры ўраджай. Калі аблокі плывуць з заходу – будзе дождж.