Дым з труб, архіўны фотаздымак

ААН назвала 2021 год вырашальным для планеты

20
(абноўлена 19:33 19.02.2021)
У арганізацыі лічаць, што чалавецтву трэба прыняць неадкладныя меры па скарачэнні шкодных выкідаў у атмасферу, каб не сутыкнуцца з новымі прыроднымі катаклізмамі і пандэміямі.

МІНСК, 21 лют – Sputnik. Чалавецтва робіць Зямлю непрыдатнай для жыцця, таму прыйшоў час прымаць рашучыя меры для выратавання планеты, гаворыцца ў новым дакладзе Арганізацыі Аб'яднаных Нацый.

"Мы павінны ўжо цяпер быць упэўнены ў тым, што зможам не толькі забяспечыць умовы для рэзкага зніжэння выкідаў на працягу бліжэйшага дзесяцігоддзя, але і стварыць новае асяроддзе для захавання біяразнастайнасці, а таксама прыняць шэраг сур'ёзных мер для памяншэння забруджвання", - заявіў генеральны сакратар ААН Антоніу Гутэрыш.

Даклад налічвае 168 старонак і называецца "Прымірэнне з прыродай". Яго аўтар сэр Роберт Уотсан папярэджвае, што калі не прыняць тэрміновых мер, новыя пакаленні будуць жыць у свеце экстрэмальных з'яў надвор'я, узровень мора значна падвысіцца, многія расліны і жывёлы знікнуць, а аб харчовай бяспекі можна будзе забыцца ўсім краінам без выключэння.

Аўтар дакладу заклікае ўсе краіны свету рэзка скараціць выкіды парніковых газаў, а таксама прапануе задумацца пра граматную і экалагічную перапрацоўку смецця.

У ААН не выключаюць, што ў бліжэйшыя дзесяцігоддзі чалавецтва сутыкнецца з новымі пандэміямі, якія паўстануць на фоне прыродных і кліматычных змяненняў. Зрэшты, забруджванне паветра і вады ўжо стала смяротнай праблемай для мільёнаў.

Штогод з-за хвароб, звязаных з забруджваннем паветра, заўчасна памірае 6,5 мільёна чалавек, а з-за дрэннай вады - яшчэ 1,8 мільёна, большая частка з іх - дзеці. Голад - бяда, якая закранула яшчэ 700 мільёнаў чалавек, а беднасць - каля 1,3 мільярда, канстатавалі ў ААН. А больш за мільён відаў раслін і жывёл з васьмі мільёнаў, якія насяляюць планету, знаходзяцца пад пагрозай знікнення.

Чытайце таксама:

20
Тэги:
планета, прыродныя катаклізмы, ААН

Ніягарскі вадаспад у лёдзе - фота

77
(абноўлена 21:13 25.02.2021)
  • Від на Ніягарскі вадаспад сярод лёду ў Канадзе
  • Лёд і снежнае покрыва каля края вадаспаду Падкова.
  • Турысты накіроўваюцца сюды палюбавацца гэтым чароўным цудам прыроды.
  • Аэраздымка Ніягарскага вадаспаду з боку ЗША.
  • Мужчына з дзіцем ля Ніягарскага вадаспаду ў Канадзе.
  • Самы магутны вадаспад у Паўночнай Амерыцы часткова замёрз.
  • Такое адбываецца даволі часта, у мінулым годзе вадаспад таксама скоўвала лёдам.
  • Воды Ніягары ператварыліся ў велізарныя крыгі.
  • Аэраздымка Ніягарскага вадаспаду ў ЗША
  • Від на Ніягарскі вадаспад сярод лёду ў Канадзе
Гук равучай вады Ніягарскага вадаспаду, які звычайна разносіцца на кіламетры вакол, сціх - з-за моцных маразоў вадаспад часткова замёрз.

Такая з'ява адбываецца досыць часта, аднак турысты ўсё роўна накіроўваюцца сюды палюбавацца гэтым чароўным цудам прыроды.

На поўнач штата Нью-Йорк і канадскую правінцыю Антарыё абрынуўся шторм, тэмпература апусцілася да 20 градусаў марозу, і самы магутны вадаспад у Паўночнай Амерыцы часткова замёрз.

Такое адбываецца даволі часта, у мінулым годзе вадаспад таксама скоўвала лёдам. А вось цалкам вадаспад замярзаў у 1848 і 1912 гадах.

Глядзіце, як выглядаюць на фота "Падкова", "Амерыканскі вадаспад" і "Фата", якія складаюць комплекс Ніягарскага вадаспаду.

77
  • Від на Ніягарскі вадаспад сярод лёду ў Канадзе
    © REUTERS / Moe Doiron

    З-за моцных маразоў вадаспад часткова замёрз.

  • Лёд і снежнае покрыва каля края вадаспаду Падкова.
    © REUTERS / MOE DOIRON

    Лёд і снежнае покрыва каля края вадаспаду "Падкова".

  • Турысты накіроўваюцца сюды палюбавацца гэтым чароўным цудам прыроды.
    © REUTERS / Moe Doiron

    Турысты накіроўваюцца сюды палюбавацца гэтым чароўным цудам прыроды.

  • Аэраздымка Ніягарскага вадаспаду з боку ЗША.
    © REUTERS / Dronebase

    Аэраздымка Ніягарскага вадаспаду з боку ЗША.

  • Мужчына з дзіцем ля Ніягарскага вадаспаду ў Канадзе.
    © REUTERS / Moe Doiron

    Мужчына з дзіцем ля Ніягарскага вадаспаду ў Канадзе.

  • Самы магутны вадаспад у Паўночнай Амерыцы часткова замёрз.
    © REUTERS / Moe Doiron

    Самы магутны вадаспад у Паўночнай Амерыцы часткова замёрз.

  • Такое адбываецца даволі часта, у мінулым годзе вадаспад таксама скоўвала лёдам.
    © REUTERS / Moe Doiron

    Такое адбываецца даволі часта, у мінулым годзе вадаспад таксама скоўвала лёдам.

  • Воды Ніягары ператварыліся ў велізарныя крыгі.
    © REUTERS / HANDOUT

    Воды Ніягары ператварыліся ў велізарныя крыгі.

  • Аэраздымка Ніягарскага вадаспаду ў ЗША
    © REUTERS / Dronebase

    Славуты на ўвесь свет вадаспад прымае штогод каля 20 мільёнаў турыстаў. Погляду наведвальнікаў зімой паўстае проста казачная карціна.

  • Від на Ніягарскі вадаспад сярод лёду ў Канадзе
    © REUTERS / Moe Doiron

    Свой пачатак ён бярэ на тэрыторыі ЗША, але самыя зачаравальныя віды дасталіся Канадзе.

Тэги:
зіма, ЗША, Канада

У жыцці за палярным кругам ёсць адзін плюс - і вось ён. Відэа

21
(абноўлена 20:27 26.02.2021)
Ніколі не бачылі паўночнага ззяння? Глядзіце на відэа, які выгляд на неба адкрыўся жыхарам пасёлка ў Мурманскай вобласці. Не грэе - затое як свеціць!

За звыклай для паўночных шырот, але вельмі відовішчнай прыроднай з'явай - паўночным ззяннем - маглі назіраць жыхары пасёлка Ура-Губа ў Мурманскай вобласці.

На кадрах, знятых з ужываннем тэхналогіі паскоранай кіназдымкі таймлапс, захавана палатно нябеснага святлення смарагдавых адценняў з пурпурнымі бакамі.

Aurora Borealis, або паўночнае ззянне - гэта свячэнне верхніх слаёў атмасфер планет, якія валодаюць магнітасфэрай, з прычыны іх узаемадзеяння з зараджанымі часціцамі сонечнага ветру.

Глядзіце на відэа, як выглядае адна з галоўных ці, па меншай меры, прыгожых прычын пажыць за палярным кругам.

21
Тэги:
Паўночнае ззянне
Вучань у класе

Трэці этап рэпетыцыйнага тэсціравання пачаўся ў Беларусі

2
(абноўлена 13:10 02.03.2021)
Праверыць веды перад здачай цэнтралізаванага тэсціравання абітурыенты могуць у 107 пунктах РТ па ўсёй краіне, а таксама анлайн.

МІНСК, 2 сак – Sputnik. У Беларусі пачаўся трэці этап рэпетыцыйнага тэсціравання, ён будзе доўжыцца да канца красавіка, паведамілі Sputnik у Рэспубліканскім інстытуце кантролю ведаў (РІКВ).

Першы этап РТ адбыўся з кастрычніка па снежань 2020 года, другі - са студзеня па люты 2021-га.

"Што тычыцца раскладу ЦТ, яно стане вядома ўжо ў гэтым месяцы: Мінадукацыі апублікуе адпаведную пастанову", - паведамілі ў РІКВ.

Новае ў беларускім ЦТ

Нагадаем, што ў новай уступнай кампаніі 2021 года правілы ЦТ па ўсіх прадметах, акрамя рускай і беларускай мовы, злёгку змяніліся. Такім чынам, у бягучым годзе ў тэстах па хіміі, біялогіі, геаграфіі, грамадазнаўстве, гісторыі Беларусі, сусветнай гісторыі (найноўшы час), а таксама замежнай мове (англійскай, нямецкай, іспанскай, французскай) заданняў у частцы А стане менш.

Па ўсіх прыродазнаўчых прадметах з часткі А тэстаў прыбралі 10 заданняў (раней іх было 38, цяпер - 28), а ў В дадалі 4 задачы - зараз іх 16 замест 12. Што тычыцца тэсту па замежнай мове, то тут замест 48 заданняў у частцы А стала 30, а ў В будзе 18 задач - замест 12 ранейшых.

Пры гэтым час на праходжанне выпрабаванняў застаўся ранейшым.

Як раней пісаў Sputnik, першыя змены ў ЦТ адбыліся ў тэстах па матэматыцы і фізіцы. У тэставанні па гэтых прадметах з часткі А прыбралі дзве задачы (зараз іх 18 замест 20), у В дадалі дзве (цяпер 14 замест 12). Акрамя таго, у заданнях частцы А зараз можа быць некалькі правільных адказаў (раней правільны адказ мог быць толькі адзін).

Як распавялі ў РІКВ, змены зроблены для таго, каб "звесці" тэорыю верагоднасці "пры выкананні тэстаў да мінімуму, зрабіць цэнтралізаванае тэсціраванне больш справядлівым для добрасумленных абітурыентаў".

Чытайце таксама:

2
Тэги:
Абітурыенты, веды, Беларусь, Цэнтралізаванае тэсціраванне, Рэпетыцыйнае тэсціраванне