Прафілактыка грыпу ў дзіцячым садку

Міністэрства аховы здароўя: амаль 40 беларусаў захварэлі на свіны грып

112
(абноўлена 10:40 01.02.2016)
Медыкі заклікаюць насельніцтва не панікаваць ў сувязі з грыпам Н1N1, запэўніваючы, што гэта звычайная сезонная эпідсітуацыя.

МІНСК, 1 лют — Sputnik. Сітуацыя ў Беларусі з захворваннем на "свіны грып" не выклікае турботы, за ўвесь сезон у краіне выяўлена каля 40 выпадкаў, паведаміў у праграме "Галоўны эфір" на тэлеканале "Беларусь 1" галоўны дзяржаўны санітарны ўрач Беларусі Ігар Гаеўскі.

У суседніх краінах — Расіі і Украіне назіраецца ўсплёск смяротнасці ад грыпу. Ва Украіне афіцыйна пацверджана 155 смяротных зыходаў. У Расіі — 126 чалавек.

"На сённяшні дзень на грып Н1N1, які ўсіх хвалюе, усяго за ўвесь перыяд, які ёсць, дзесьці 38 выпадкаў зарэгістравана. Ён ёсць. Калі б яго не было, было б дзіўна: ва ўсіх ёсць, а ў беларусаў няма. Ёсць і у беларусаў, але нічога страшнага. І ўсе выпадкі — у людзей непрышчэпленых", — заявіў Гаеўскі.

Ён заклікаў насельніцтва не панікаваць ў сувязі з павышэннем ўзроўню захворвання на грып і ВРІ.

"Нічога такога ў нашай краіне не адбываецца, з чаго можна было б намаляваць нейкія негатыўныя прагнозы. Кожны год у гэты перыяд ёсць ўздым захворвання. Сітуацыя ў гэтым годзе ідэнтычная мінуламу году", — падкрэсліў ён.

Гаеўскі нагадаў, што вірус Н1N1, штам так званага свінога грыпу, цыркулюе ў краіне і ў свеце з 2009 года сярод нас. Галоўны дзяржаўны санітарны ўрач растлумачыў, што спакойнай сітуацыі з захворваннем на грып у краіне ўдалося дабіцца дзякуючы таму, што прышчапілі больш за 40% насельніцтва.

112
Тэги:
H1N1, Грып і ВРЗ, Захвораванні, Грамадства, Міністэрства аховы здароўя Рэспублікі Беларусь, Ігар Гаеўскі, Беларусь
Датэрміновае галасаванне на выбарах прэзідэнта 2020 у Гомельскай вобласці

Лукашэнка вырашыў праверыць законнасць альтэрнатыўнага падліку галасоў

0
(абноўлена 12:36 06.08.2020)
У Беларусі стартавала грамадская ініцыятыва па падліку галасоў выбаршчыкаў, якая закліканая забяспечыць празрыстасць падліку галасоў на выбарах прэзідэнта.

МІНСК, 6 жні - Sputnik. Неабходна даць прававую ацэнку альтэрнатыўнага падліку галасоў на выбарах кіраўніка дзяржавы, заявіў прэзідэнт Беларусі ў Палацы Незалежнасці ў ходзе спецыяльнай нарады, прысвечанай пытанням бяспекі падчас выбараў.

"Яшчэ адна тэма, якая ўсплыла, гэта альтэрнатыўны падлік галасоў у дзень выбараў. І Генеральнай пракуратуры, і судам варта даць ацэнку законнасці падобных ініцыятыў. У судах, калі такія звароты туды паступяць", - цытуе Лукашэнку БелТА.

На думку прэзідэнта, усе беларусы, якія прыйшлі на выбарчыя ўчасткі, павінны мець магчымасць зрабіць гэта ў спакойнай і святочнай абстаноўцы, не баючыся, што хтосьці ўмяшаецца ў свабоднае волевыяўленне.

Дадатковыя меры бяспекі

"Зразумела, што выбары пачаліся, датэрміновае галасаванне ідзе, але будзе нялішнім з улікам вопыту на сённяшні дзень яшчэ раз ацаніць бягучую сітуацыю і, калі спатрэбіцца, выпрацаваць дадатковыя меры па забеспячэнні бяспекі на бліжэйшы перыяд", - канстатаваў кіраўнік дзяржавы.

Пры гэтым ён звярнуў увагу, што абстаноўка уладам вядомая, але разам з тым ёсць і новыя фактары, таму чыноўнікам трэба прапанаваць рашэнні па гэтых пытаннях.

Лукашэнка нагадаў сілавому блоку аб пастаўленай раней задачы - прыцягнуць да адказнасці ўсіх, хто агучыў пагрозы ў адрас дзяржаўных служачых у адпаведнасці з айчынным заканадаўствам.

"У нас дастаткова рэсурсаў, каб абараніць людзей дзяржавы, якія сёння фактычна бясплатна, бязвыплатна працуюць на краіну", - падкрэсліў ён.

Як кантралююць ход выбараў

Асноўнымі інструментамі кантролю на выбарах-2020 застаюцца назіральнікі. Выбаркамамі акрэдытавана больш як 48 тысяч нацыянальных назіральнікаў, якія прадстаўляюць розныя платформы і кірункі: ад "Белай Русі" да ініцыятывы "Сумленныя людзі". Таксама накіраваныя ў Беларусь і замежныя назіральнікі: ад выканаўчага камітэта СНД і міжпарламенцкай асамблеі СНД.

Альтэрнатыўны метад кантролю за выбарамі з'явіўся ўпершыню на гэтых выбарах. Платформу "Голас" стварылі на спецыяльным хатаконе: пры дапамозе месенджараў распрацоўшчыкі прапануюць выбаршчыкам адправіць фатаграфіі сваіх бюлетэняў, каб ажыццявіць незалежны падлік галасоў. Як заяўляла кіраўнік ЦВК Лідзія Ярмошына, пытанне фатаграфавання бюлетэняў заканадаўствам не рэгулюецца, аднак публікацыя такіх здымкаў да закрыцця участкаў можа быць расцэненая як агітацыя.

Працэс будзе забяспечаны

Беларускі прэзідэнт запэўніў, што самым уважлівым чынам назірае за сітуацыяй, якая разгортваецца вакол датэрміновага галасавання ў ходзе выбарчай кампаніі.

"Годна, прыгожа ідуць людзі. Нікому не замінаюць. Хтосьці на дачу хоча паехаць у выхадныя дні, нехта туды, хтосьці сюды. Як звычайна. Мы ж не па пошце галасуем, як у некаторых дзяржавах", - адзначыў Лукашэнка.

Пасля чаго рэзюмаваў, што ў рэспубліцы ёсць для галасавання ўчасткі, дзе праходзіць волевыяўленне. Беларусы ідуць на іх і аддаюць свае галасы.

"І мы павінны забяспечыць гэты працэс", - заклікаў чыноўнікаў кіраўнік дзяржавы.

ЦВК зарэгістраваў кандыдатамі ў прэзідэнты пецярых прэтэндэнтаў. Экс-банкіру Віктару Бабарыку і былому кіраўніку ПВТ Валерыю Цапкалу ў рэгістрацыі было адмоўлена.

У выбарчыя бюлетэні патрапілі імёны Андрэя Дзмітрыева, Ганны Канапацкой, Аляксандра Лукашэнкі, Сяргея Чарэчня і Святланы Ціханоўскай. Галасаванне на выбарах кіраўніка дзяржавы адбудзецца 9 жніўня.

0
Тэги:
Аляксандр Лукашэнка, Выбары
Тэмы:
Выбары прэзідэнта Беларусі - 2020
Кандыдат у прэзідэнты Святлана Ціханоўская

У Мінску затрымлівалі давераную асобу Святланы Ціханоўскай

3
(абноўлена 12:59 06.08.2020)
За што Марыю Мароз затрымалі, пакуль не вядома. У праваахоўных органах удакладнілі, што "яе, хутчэй за ўсё, затрымлівалі не супрацоўнікі ГУУС Мінска, а аператыўнікі ДФР або АБЭП".

МІНСК, 6 жні - Sputnik. Давераная асоба кандыдата ў прэзідэнты Святланы Ціханоўскай Марыя Мароз затрыманая ў Мінску, паведамілі ў чацвер у аб'яднаным штабе кандыдата.

Пра затрыманне Мароз стала вядома днём у чацвер. У аб'яднаным штабе палітыка гэтую інфармацыю пацвердзілі.
"Была затрыманая людзьмі, якія прадставіліся супрацоўнікамі МУС, каля 11 раніцы сёння пры выхадзе з літоўскага пасольства пасля падачы дакументаў на візу", - распавялі ў аб'яднаным штабе.

Штаб Святланы Ціханоўскай, а таксама штабы Валерыя Цапкалы і Віктара Бабарыкі, якія падтрымліваюць кандыдата, працягваюць сваю працу.

На пытанне Sputnik аб затрыманні Мароз у ГУУС Мінгарвыканкама сказалі, што такой інфармацыяй на дадзены момант не маюць.

У праваахоўных органах Sputnik пацвердзілі інфармацыю аб затрыманні Мароз, але ўдакладнілі, што "яе, хутчэй за ўсё, затрымлівалі не супрацоўнікі ГУУС Мінска, а аператыўнікі ДФР або АБЭП". Там таксама адзначылі, што "можа быць, яе проста даставілі для высвятлення асобы, альбо высвятлення нейкіх іншых абставінаў".

У сваю чаргу афіцыйны прадстаўнік МУС Беларусі Вольга Чамоданова паведаміла Sputnik, што "інфармацыі пра затрыманне дадзенай асобы (Марыі Мароз Sputnik) у МУС няма. Магчыма, яе запрасілі. Затрымалі і запрасілі - гэта два цалкам розных паняцця".

Як пазней паведамілі ў штабе Ціханоўскай, у 12:45 Марыю Мароз праваахоўнікі адпусцілі. Прычына правядзення гутаркі пакуль не вядомая.

У жніўні былі затрыманыя некалькі іншых давераных асоб Ціханоўскай, у тым ліку Валянцін Троцкі і Мікалай Маслоўскі.

У ходзе кампаніі па зборы подпісаў таксама затрымліваўся шэраг сяброў ініцыятыўнай групы Святланы Ціханоўскай, у тым ліку - кіраўнік групы, яе муж Сяргей Ціханоўскі, які на дадзены момант знаходзіцца ў СІЗА і падазраецца ў арганізацыі масавых беспарадках і гвалце ў дачыненьні да супрацоўніка міліцыі.

3
Тэги:
Святлана Ціханоўская, Беларусь, Выбары
Тэмы:
Выбары прэзідэнта Беларусі - 2020