Нямецкі гурт Gregorian

Манахі Gregorian збіраюцца на "Еўрабачанне" ад Германіі

42
Зараз гурт ездзіць з гастролямі па Еўропе, у межах туру яны наведаюць і беларускую сталіцу.

МІНСК, 2 лют — Sputnik. Германія сёлета вырашыла здзівіць усіх — сярод 10 фіналістаў нацыянальнага адборачнага конкурсу на "Еўрабачанне" нечакана з'явіўся гурт Gregorian, які 8 сакавіка выступіць у Мінску ў Палацы спорту з вялікім шоў "Masters Of Chant. The Final Chapter Tour".

Gregorian падаюцца раптоўным, але вельмі цікавым варыянтам. На іх карысць кажа і арыгінальны падыход да поп-жанру, і вялікі сцэнічны досвід, і вядомасць: за 20 гадоў кар'еры яны выпусцілі больш за 10 альбомаў, якія разыйшліся па ўсім свеце шматмільённымі накладамі.

Яшчэ адзін плюс — усю вясну гурт правядзе ў маштабным (11 краін, 56 канцэртаў) развітальным туры па Еўропе, які ўключае выступленне 8 сакавіка ў Мінску. Гэта дапаможа мабілізаваць прыхільнікаў для галасавання ў "Еўрабачанні". Германіі ўдзел Gregorian амаль напэўна дасць высокае месца (летась немцы нават не выйшлі ў фінал), заслужанаму калектыву — магчымасць дадаць ўрачыстых нотак да фіналу кар'еры.

Пацешна, што да афіцыйнай падачы заяўкі Gregorian спыталі меркаванне прыхільнікаў адносна такога кроку. І яны большай часткай падтрымалі музыкаў: "Гэта будзе першы раз, калі я пагляджу "Еўрабачанне"… Вы занадта добрыя, каб вас там не было…".

Gregorian вядомыя ў першую чаргу сваімі каверамі сусветных поп- і рок-хітоў, але ў адборы яны прымуць удзел з уласнай песняй "Masters Of Chant" — загалоўнай кампазіцыяй развітальнага альбома "Masters Of Chant. The Final Chapter", які быў выпушчаны ўвосень. Дыск адразу трапіў у топ-5 гіт-параду ў Германіі і атрымаў "залаты" статус. Фінал нацыянальнага адборачнага тура ў Германіі адбудзецца 25 лютага, пераможцу вызначыць галасаванне тэлегледачоў.

Нямецкі гурт Gregorian наведаюць беларускую сталіцу ў межах праграмы "The Final Chapter" 8 сакавіка. Канцэрт адбудзецца ў Палацы спорту, пачатак а 19-й гадзіне. Кошт квіткоў складае ад 470 тыс. да 1 млн 20 тыс. беларускіх рубёў. 

42
Тэги:
канцэрт, музычная падзея, Музычны гурт, Музычныя жанры, Музыка, Еўрабачанне, Палац спорту, Gregorian, Еўропа, Германія, Беларусь
Тэмы:
Еўрабачанне-2016 (23)
Медыцынскі работнік і нованароджанае дзіця ў акушэрскім аддзяленні кавід-шпіталя

Калі антыцелы да COVID перадаюцца ад маці да дзіцяці, распавялі навукоўцы

14
(абноўлена 09:55 01.12.2020)
Медыкі зарэгістравалі некалькі выпадкаў, калі ў здаровага дзіцяці былі выяўлены антыцелы да каронавіруснай інфекцыі.

МІНСК, 5 сне - Sputnik. Антыцелы да каронавіруса могуць перадавацца ад маці да дзіцяці пры грудным выкормліванні, заявіла намеснік дырэктара па клініка-аналітычнай працы ЦНДІ эпідэміялогіі Расспажыўнагляду Наталля Пшанічная.

Разам з тым эксперт дадала, што пры такой умове антыцелы хутка разбураюцца. Дзіця абаронена, пакуль атрымлівае грудное малако.

"Антыцелы да SARS-CoV2 IgG і IgA могуць выяўляцца ў грудным малацэ маці, якая перанесла COVID-19. Антыцелы ад маці c грудным малаком таксама могуць перадавацца немаўлятам, але яны хутка разбураюцца. Таму дзіця тэарэтычна можа мець нейкую абарону ад COVID-19 , пакуль атрымлівае грудное малако", - адзначыла Наталля Пшанічная.

Медыкам вядомыя выпадкі, калі ў здаровага немаўля былі антыцелы да каронавіруса. Эксперт патлумачыла, што ў гэтых дзяцей назіралася хуткае зніжэнне тытраў антыцелаў да SARS-CoV2, што сведчыць аб тым, што антыцелы належалі іх маці.

14
Тэги:
каронавірус
Тэмы:
Каронавірус COVID-19
Генеральны дырэктар МІА Россия сегодня Дзмітрый Кісялёў

Кісялёў заклікаў улады Латвіі спыніць пераслед аўтараў Sputnik

22
Гендырэктар МІА "Россия сегодня" лічыць, што паміж дзяржавамі гэтыя дзеянні выглядаюць як дробны укол Расіі.

МІНСК, 4 сне - Sputnik. Генеральны дырэктар МІА "Россия сегодня" Дзмітрый Кісялёў заклікаў улады Латвіі спыніць пераслед журналістаў, якія пішуць для Sputnik і Baltnews.

Sputnik Блізкае замежжа раней паведаміў, што рускамоўным латвійскім журналістам, у тым ліку тым, якія супрацоўнічаюць з парталамі Baltnews і Sputnik Латвія, прад'яўленыя абвінавачванні па артыкуле аб парушэнні рэжыму санкцый Еўрасаюза, у іх прайшлі ператрусы, узятая падпіска аб нявыездзе. Па дадзеных агенцтва, абвінавачванні прад'яўленыя па артыкуле 84 крымінальнага закона Латвіі - парушэнне рэжыму санкцый Еўрасаюза, пакаранне - ад грашовага штрафу да турэмнага зняволення. Sputnik Латвія і Baltnews звязаны з медыягрупай МІА "Россия сегодня". Пры гэтым латвійскія журналісты, якія пішуць для гэтых СМІ, не з'яўляюцца іх супрацоўнікамі, а выступаюць толькі як пазаштатныя аўтары. Як адзначылі ў МЗС РФ, санкцыі маюць персанальны характар, адносяцца асабіста да генеральнага дырэктара МІА "Россия сегодня" Дзмітрыя Кісялёва і не могуць распаўсюджвацца на ўсіх, хто супрацоўнічае з медыяхолдынгам.

Латвія хоча быць свяцейшай за Папу

"Гэта неправамерна пашыральнае тлумачэнне санкцый ЕС супраць арганізацыяў. Бо ёсць персанальныя санкцыі, а ёсць санкцыі супраць расійскіх арганізацый і кампаній. Гэта не адно і тое ж. На мяне персанальна як на прыватную асобу санкцыі ЕС распаўсюджваюцца. Медыягрупа "Россия сегодня", куды ўваходзіць і інфармацыйнае агенцтва Sputnik, пад санкцыямі не знаходзіцца. Здавалася б, элементарна. Латвія хоча быць, што называецца, свяцейшай за Папу і тлумачыць персанальныя санкцыі як санкцыі супраць арганізацыі. Ёсць у гэтым нейкая зламыснасць", - сказаў Кісялёў РІА "Новости".

Ён лічыць, што паміж дзяржавамі гэтыя дзеянні выглядаюць як дробны укол Расіі.

"Навошта пры гэтым затрымліваць грамадзян Латвіі і пагражаць ім крымінальным пераследам? Яны нічога дрэннага не рабілі. Гэта свабодныя журналісты, аўтары, стрынгеры, грамадскія дзеячы, якія, не будучы ў штаце агенцтва Sputnik, проста пісалі туды тэксты ці адпраўлялі фота, рэалізуючы сваё права на самавыяўленне. Што ў гэтым кепскага? За што пераследваць людзей?" - задаўся пытаннем Кісялёў.

Паводле яго слоў, "у Расіі ўсё гэта ўяўляецца дзікаватым". "Нічога падобнага тут не практыкуецца. Усе пішуць куды хочуць і што хочуць. Нікому і ў галаву не прыходзіць людзей за гэта пераследваць. Адчапіцеся ад людзей у Рызе і не ганьбіцеся! Усё гэта выглядае як глупства", - сказаў на заканчэнне ён.

Сарамліва маўчаць мы не будзем

У сваю чаргу член СПЧ, выканаўчы дырэктар медыягрупа "Россия сегодня" Кірыл Вышынскі назваў падобныя дзеянні латвійскіх уладаў "заганнай практыкай пераследу іншадумства".

Вышынскі правёў аналогію з тым, што зараз адбываецца ў Латвіі з падзеямі ў Эстоніі пачатку года.

"Я хачу нагадаць, што яшчэ ўзімку пад такой жа падставай пра магчымае парушэнне санкцыйных мер у дачыненні да кіраўніка нашага агенцтва, Дзмітрыя Кісялёва, былі выдадзены ў службу бяспекі, спецыяльную службу Эстоніі нашы калегі. І ім тады пагражалі крымінальным пераследам за вось гэта вось міфічнае парушэнне еўрапейскіх санкцый", - распавёў Вышынскі.

Журналіст нагадаў, што Кісялёў не з'яўляецца ні заснавальнікам, ні ўласнікам медыягрупы "Россия сегодня", у якую ўваходзіць Sputnik. Больш за тое, затрыманыя ўчора ў Латвіі людзі не лічацца супрацоўнікамі выдання, а толькі прапануюць свае матэрыялы.

"Гэта выразна прадуманае ў адной рамцы, практычна па тых жа лекалах дзеянне, якое прымяняецца да тых журналістаў, якія пішуць па-ранейшаму па-руску і самае галоўнае - выказваюць свае ацэнкі ў дачыненні да сітуацыі ў Прыбалтыцы, у Латвіі, у Эстоніі, якія не супадаюць з афіцыйнымі ацэнкамі латвійскіх СМІ, падкантрольных уладам, і наогул з афіцыйным пунктам гледжання латвійскіх уладаў. Інакш як ціскам на журналістаў назваць гэта немагчыма. Гэта абсалютна заганная практыка пераследу іншадумства", - лічыць Вышынскі.

Акрамя таго, член СПЧ звярнуў увагу на тое, што падобная практыка ўласцівая у асноўным краінам, якія імкнуцца быць прыкладам захавання правоў чалавека і дэкларуюць сваю прыхільнасць да "еўрапейскіх каштоўнасцяў".

"Пераслед журналістаў за іх выказванні дакладна не ўкладаецца ні ў якія ні ў еўрапейскія, ні ў іншыя агульнасусветныя каштоўнасці, дакладна не адпавядае ніякім уяўленням аб правах і свабодах, якія задакументаваныя і задэклараваныя ў велізарнай колькасці міжнародных дакументаў", - заявіў Вышынскі.

Аб тым, што адбылося, на думку прадстаўніка МІА "Россия сегодня", неабходна казаць максімальна шырока.

"Я дазволю сабе зараз сказаць ад імя агенцтва: мы імкнемся зрабіць усё для таго, каб прыцягнуць максімальную ўвагу, у тым ліку і прафесійных арганізацый, праваабарончых арганізацый, да сітуацыі, якая склалася вакол нашых калегаў. Мы гэтага не пакінем, сарамліва маўчаць з гэтай нагоды не будзем", - дадаў Вышынскі.

22
Тэги:
Sputnik Латвія, Дзмітрый Кісялёў
Гуканне вясны

Тэст: што азначаюць беларускія фразеалагізмы?

1143
(абноўлена 16:02 04.12.2020)
Прайдзіце тэст і даведайцеся, ці зможаце вы правільна падабраць аналаг беларускаму фразеалагізму ў рускай мове.

Фразеалагізмы, якія існуюць у розных мовах свету, часам вельмі падобныя і нават агульныя, калі яны, напрыклад, узятыя са Святога Пісання. Але ў кожнага народа ёсць свае, адметныя трапныя выразы, якія пазначаюць адное і тое ж паняцце, але з дапамогай розных лексічных сродкаў, іншага асацыятыўнага раду.

Прайдзіце тэст на Sputnik і паспрабуйце суаднесці беларускія фразеалагізмы з рускімі.

Вучыце мову разам з намі:

1143
Тэги:
тэст, Беларуская мова
Тэмы:
Вучым беларускую мову