Музычны гурт TonqiXod

TonqiXod прэзентаваў дэбютны альбом у тэатры

439
(абноўлена 15:14 03.02.2016)
Удзельнікі беларускага музычнага таварыства "TonqiXod" адыгралі першы вялікі сольны канцэрт у Рэспубліканскім тэатры беларускай драматургіі.

Юлія Хвошч, Sputnik

TonqiXod — даволі малады беларускі гурт, які хуткімі тэмпамі набірае папулярнасць. За два гады актыўнай дзейнасці калектыў назбіраў досыць матэрыялу для першага дыску "Pradmova", які стаў лепшым рок-альбомам па выніках 2014 году на думку Experty.by. Інтэрнэт-рэліз альбому адбыўся яшчэ ў снежні мінулага года, але вялікі і першы канцэрт, прысвечаны да такой падзеі, яны далі толькі 20 красавіка ў тэатры.

Сольнік у тэатры

Выхад дэбютнага альбому стаў для маладых беларускіх музыкаў пэўным этапам у творчасці. Разам з гэтай падзеяй скончыўся перыяд вечных падрыхтовак, да і асабіста для сябе хлопцы, нарэшце, на адметным этапе паставілі кропку. Інтэрнэт-рэліз альбому набыў шэраг добрых водгукаў ад музычных крытыкаў, не толькі беларускіх, але і па-за межамі краіны.

Прэзентацыя альбому прайшла ў… тэатры. Гэтае месца было абрана зыходзячы выключна з матэрыяльных меркаванняў. Музыкі хацелі знайсці прыдатную пляцоўку, якая б задавальняла і па гуку, і па кошце. У Мінску ёсць шэраг канцэртных клубаў, але з гукам там не вельмі. Ёсць клубы і з прыстойным гукам, але кошт на арэнду вельмі вялікі. Да і хацелася нечага выключнага для такой урачыстай падзеі.

Абставіны склаліся так, што TonqiXod рызыкнулі сыграць у тэатры, тым больш, што па кошце і якасці гучання хлопцаў усё задаволіла.

У нашай музыцы шмат усялякіх нюансаў і хацелася б, каб яны былі пачутыя. Хацелася чагосьці выключнага, а не нейкую звыклую пляцоўку, і мы падумалі, што канцэрт у тэатры будзе цікавым для ўсіх. Так і атрымалася", — кажа Уладзь Лянкевіч, вакаліст і гітарыст TonqiXod.

Да таго ж музыкам было цікава папрацаваць у тэатры. Хлопцам дапамагаў персанал тэатру, і ўсё прайшло так, як і планавалася.

TonqiXod
© Sputnik / Николай Куксачёв
TonqiXod

Сам канцэрт як падзею, са слоў музыкаў, яны яшчэ не паспелі цалкам асэнсаваць і пакуль не ведаюць, ці дасць ён нейкія вынікі, але вельмі спадзяюцца. У любым выпадку, ўдзельнікі гурта лічаць, што для іх гэта вопыт, таму што яны "упершыню выступалі на вялікай пляцоўцы і ўпершыню ўсё было па-даросламу".

Адметныя ад іншых

ТonqiXod моцна адрозніваецца ад іншных маладых калектываў стылістыкай, унікальным гучаннем, тэкстамі і адсутнасцю бас-гітары. "Калі Максіму цікава граць басовую партыю на клавішах, няхай гэта робіць. Мы ж яго не прымушалі", — жартуе барабаншчык калектыву Андрэй Аляксеенка.

Але самі музыкі сцвярджаюць, што нічога спецыяльна для сваёй адметнасці не рабілі і не ставілі для сябе мэты адрознівацца ад іншых. Першасная мэта таварыства: рабіць музыку, якую ім цікава граць, якая ім самім падабаецца. "І мы проста кіруемся гэтым прынцыпам".

"Я, увогуле, прыхільнік такой канцэпцыі, што кожны мае сваю адметнасць. Калі чалавек знойдзе здольнасць і магчымасць і ў яго ёсць жаданне гэтую адметнасць у нечым выразіць, то ўсе гурты і будуць адметнымі. Але толькі ў тым выпадку, калі ты захочаш зрабіць сапраўды штосьці сваё, ад сябе", — кажа Уладзь Лянкевіч.

Са слоў музыкаў, ім пашанцавала прыдумаць, тое, што яны робяць, і гэта загучала "прыкольна". Насамрэч, цалкам магчыма, што амаль пры тых жа складніках, магло б адбыцца штосьці істотна больш пасрэднае.

Пра беларускія маладыя гурты любяць казаць, што іх музыка "падобная на ўсё на свеце", ці, наадварот, "не падобны ні на што на беларускай прасторы". ТonqiXod лічаць: гэта звязана з тым, што шмат калектываў імкнуцца кагосьці паўтараць.

Амаль усе калектывы на пачатку сваёй творчай дзейнасці бяруць за ўзор выдатныя музычныя творы, выконваюць іх і такім чынам вучацца. Але, са слоў  музыкаў, трэба дакладна разумець, "калі гэта вучнёўскі шаблонны паўтор, а калі гэта ўжо спроба нарадзіць сваё".

Пра планы на будычыню

У планах гурта падрыхтаваць праграму для другога альбому, удасканаліць свае музычныя і вакальныя здольнасці і далей развівацца ў музычным плане. "Гэта трошкі пафасна, але заўседы хочацца імкнуцца да чагосьці вышэйшага", —  кажа клавішнік калектыву Максім Субач.

Максім Субач і Анрэй Аляксеенка, TonqiXod
© Sputnik / Николай Куксачёв
Максім Субач і Анрэй Аляксеенка, TonqiXod

Зараз калектыў працуе над новай праграмай, некаторыя песні, якія не ўвайшілі ў альбом, ужо можна пачуць на іх выступах. Са слоў музыкаў, ім будзе цікава зрабіць нешта новае. Да канца бягучага года ТonqiXod плануюць зафіксаваць новы матэрыял у выглядзе другога альбому ці запісаў. Але прама загадваць і казаць што, калі і як хлопцы пакуль не жадаюць.

У бліжэйшых планах гурта праехацца з канцэртамі па абласных цэнтрах Беларусі, выступіць у іншых гарадах. "Мы плануем гастролі. Пакуль усе зоркі не склаліся, але магчыма ўдасца наведаць пару-тройку гарадоў з канцэртамі. Гэта было б цікава. Нам у прынцыпе цікава канцэрты граць", — кажа Уладзімір Лянкевіч.

Пра амбіцыі

Кожны творчы гурт мае свае амбіцыі. TonqiXod — не выключэнне. Але іх мары досыць сціплыя і канкрэтныя. "Ёсць жаданне, каб гурт не быў прорвай, у якую ўкладаешся эмацыйна і фінансава, а адтуль нічога не атрымліваеш, каб нейкі фідбэк быў. Ну і, канешне, не разваліцца, пісаць музыку і ўмець яе выканаць", — распавядаюць музыкі.

Удзельнікі гурту лічаць, што не павінны нікога пераконваць у тым, што яны граюць сапраўды цікавую музыку. І не толькі яны, але і ўсе іншыя прыстойныя беларускія гурты, якія, усё ж такі, ёсць. Самі беларусы павінны пачаць цікавіцца беларускай музыкай, а не гурты павінны прасіць усіх і кожнага паслухаць запіс, лічаць удзельнікі TonqiXod.

Уладзімір Лянкевіч, TonqiXod
© Sputnik / Николай Куксачёв
Уладзімір Лянкевіч, TonqiXod

Зараз гурт набірае папулярнасць, да іх станоўча ставяцца музычныя крытыкі, і ўдзельнікі гурта пачалі адчуваць, што "гэта ўсё не дарэмна, што гэта не проста аб сценку". Добрыя водгукі іх падбадзёрваюць і даюць сілы займацца музыкай далей. Усе ведаюць, што большасць гуртоў проста разваліваюцца, не паспеўшы нават выйсці ў людзі. І толькі таму, што ў вакууме доўга не працягнеш. Толькі на ўнутраным запале працаваць цяжкавата… Таму таленавітыя людзі бліжэй да 30 кідаюць музыку і мяняюць лад жыцця.

Як пісаўся першы альбом

Запіс альбому пачаўся з таго, што Уладзімір Лянкевіч прыняў удзел і атрымаў перамогу ў літаратурным конкурсе. Прызам для пераможцы была магчымасць запісаць свой верш у студыі пад музыку, таксама прадугледжваліся здымкі кліпу. І тут Уладзімір кажа, што ў яго ёсць свой гурт, які сам зможа напісаць музыку. Так і зрабілі.

Вершам, з якім Уладзімір перамог у конкурсе, быў "Насыпаць горы". "На гэты верш прыдумалі даволі хутка музыку, усё запісалі, музыка добра гучала і гэта нас часткова падбадзёрыла, стала такім стартавым крокам. Заўсёды цяжкавата зрабіць першы крок. Здаецца, што гэта так адказна, трэба запісваць альбом, як так зрабіць, каб было добра. А тут запісалі — і нармальна. Давай яшчэ запішам."

музычны гурт TonqiXod
© Sputnik / Николай Куксачёв
музычны гурт TonqiXod

Падчас запісу альбому музыкі ўвесь час знаходзіліся ў пошуку, пісаліся ў розных студыях, нешта, напрыклад клавішы, пісалася ў хатніх умовах. Недзе бралі абсталяванне ў арэнду.

"Дебютный диск TonqiXod так и ломится от хороших мелодий, ярких текстовых находок и ламповой теплоты звука… Здесь хватает и сложных структур, и ломаных размеров, но они не нагромождаются и не преобразуются в занудную жвачку, как это частенько случается в прог-роке", — піша музычны партал Ultra-music.com.

У гурта ўжо ёсць нейкія ідэі і бачанні запісу другога альбому. Калі ўсё складзецца, будзе матэрыял, будзе магчымасць і будуць грошы, то гурт паспрабуе знайсці нейкі іншы падыход да запісу.

Што рабіць з музыкай

Канешне, як і іншыя маладыя музыкі ТonqiXod мараць пра тое, каб становішча з беларускай музыкай змянілася ў лепшы бок. Каб беларусы пачалі з большай павагай ставіцца да таго, што граюць у краіне, пачалі б наведваць канцэрты і цікавіцца беларускай музыкай.

Але такі падыход, усё ж, больш разлічаны на сапраўднага аматара, актыўнага карыстальніка, чалавека, які цікавіцца беларускай музыкай. "Мне здаецца месцамі, што тут часткова ёсць праблема з "моцнымі людзьмі гэтага свету. Я маю на ўвазе тых, у чыіх руках знаходзяцца рэдактарскія аддзелы радыёстанцый, нейкіх тэлевізійных перадач, так званы "рупар беларускай грамадкасці", — разважаюць яны.

"Усе чамусьці сядзяць на стэрыятыпах. І многія з іх на стэрыятыпах 10-20-гадовай даўніны. Маўляў, калі па-беларуску спявае, то гэта адразу "За свабоду", а Лукашэнка плахі, альбо гэта бардаўская песня нікому не цікавая, альбо гэта ўсё не фармат. Але гэтыя межы куды больш гнуткія"— лічаць TonqiXod.

Музыкі лічаць, што калі б беларусы перагледзелі свае перакананні і адмовіліся б ад стэрыятыпаў, то становішча з беларускай музыкай значна палепшылася б.

Узнагароды

  • "Дэбют 2013" па версіі Еўрарадыё
  • Намінанты на прэмію "Дэбют года"-2013 па версіі Tuzin.fm
  • Намінанты на прэмію "Найлепшы дэбютны альбом 2014" па версіі Еўрарадыё
  • "Найлепшы дэбютны альбом 2014"
  • "Найлепшы рок-альбом 2014"
  • "Найлепшы беларускамоўны альбом 2014"
  • "Прыз штатных экспертаў" па версіі Experty.by
439
Тэги:
Музычны гурт, Музыка, Мастацтва, культура і мастацтва, TonqiXod, Беларусь
Тэмы:
Беларуская музыка: ад панку да пост-барду (24)
Урачы каля ложка пацыента

Праблемы з імунітэтам могуць з'явіцца ў тых, хто перахварэў на COVID-19

3
(абноўлена 11:16 10.07.2020)
Спецыялісты ўстанавілі, што інфікаванне каронавірусам можа ўплываць на лімфацыты і прыводзіць да доўгіх дысфункцый.

У людзей, якія перанеслі хваробу на каронавірус, могуць узнікнуць працяглыя збоі імунітэту, адпаведныя вынікі даследаванняў навукоўцаў з Інстытута вірусалогіі Ухань апублікаваныя на партале medrxiv.

Кітайскія медыкі правялі даследаванне ўздзеяння каронавіруса на лімфацыты (клеткі крыві, якія забяспечваюць імунітэт - Sputnik). Было ўстаноўлена, што для пацыентаў, інфіцыраваных COVID-19, тыповым сімптомам з'яўляецца лімфапенія (зніжэнне колькасці лімфацытаў у крыві - Sputnik).

У даследаванні прымалі ўдзел 55 пацыентаў, якія паправіліся пасля інфекцыі. Пасля іх клінічнага акрыяння праз 4-11 тыдняў навукоўцы выявілі памяншэнне колькасці лімфацытаў, пры гэтым тэндэнцыі да аднаўлення колькасці за гэты перыяд не назіралася.

"Гэта сведчыць аб тым, што інфекцыя SARS-CoV-2 глыбока ўплывае на лімфацыты і прыводзіць да доўгіх патэнцыйных дысфункцый", - адзначаецца ў даследаванні.

Як правіла, памяншэнне колькасці лімфацытаў магчыма пры ВІЧ - тады пашкоджанні імуннай сістэмы маюць хранічны характар. Аднак, як адзначаюць спецыялісты, ні адзін з каронавірусаў у імунных клетках размножвацца не можа. Мяркуецца, што пашкоджаныя новым каронавірусам клеткі могуць аднавіцца, аднак для гэтага спатрэбіцца некаторы час.

Раней навукоўцы высветлілі, што каронавірус здольны выклікаць парушэнні ў эндакрыннай сістэме. Па гэтай прычыне пасля выздараўлення ў пацыентаў можа развівацца поствірусных сіндром у выглядзе стомленасці.

3
Тэги:
каронавірус
Кузьміна: якія галіны эканомікі могуць выйграць ад сітуацыі з COVID-19

Кузьміна: якія галіны эканомікі могуць выйграць ад сітуацыі з COVID-19

4
(абноўлена 08:56 10.07.2020)
Пасля пандэміі каронавіруса адназначна застануцца ў выйгрышы сельская гаспадарка і аграпрамысловы комплекс у цэлым, лічыць палітолаг, загадчыца сектарам Беларусі, Малдовы і Украіны Цэнтра постсавецкіх даследаванняў НДІ ІМЭМА РАН Алена Кузьміна.
Кузьмина: какие отрасли экономики могут выиграть от ситуации с COVID-19

Аб эканамічных выкліках у перыяд пандэміі, магчымасцях і цяжкасцях выхаду з крызісу ішла размова падчас відэамоста "Масква - Мінск - Бішкек - Ерэван - Нур-Султан" у ММПЦ МІА "Россия сегодня". Як адзначыла Алена Кузьміна, у выйгрышы ад гэтай сітуацыі застанецца не толькі сельская гаспадарка, але і IT-сфера.

"Можа выйграць (ад сітуацыі з COVID-19 - Sputnik) сектар IT-тэхналогій, гэта бачна па дадзеных за пяць месяцаў 2020 года, у тым ліку электронны гандаль, некаторыя тэхналагічныя галіны, у іх ёсць інвестыцыйныя праграмы, ёсць магчымасці не задзейнічаць некаторыя з відаў прыродных рэсурсаў. Вось гэтыя галіны будуць развівацца", - адзначыла Кузьміна.

Яна нагадала, што Вышэйшы Еўразійскі савет прыняў асноўныя арыенціры макраэканамічнай палітыкі на 2020-ы год. Акрамя таго, у верасні будзе разгледжана праграма да 2025 года. Гаворка пра неабходнасць інвестыцый, у першую чаргу ўнутраных, так як знешніх "шмат не дачакаемся".

"Яшчэ адно важнае пытанне - гэта ўмовы для падтрымання стабільнага попыту. Неабходна падтрымліваць яго ў сваіх грамадзян і пашыраць экспартныя магчымасці. Прымаюцца эканамічныя меры: зялёны калідор для крытычна важных тавараў да абнулення ставак увазных мытных пошлін (у першую чаргу гаворка аб леках), а таксама сур'ёзны кантроль за імпартам і экспартам тавараў па ўсіх пунктах, якія неабходныя", - адзначыла Кузьміна.

Фрагмент выступу загадчыцы сектарам Беларусі, Малдовы і Украіны Цэнтра постсавецкіх даследаванняў НДІ ІМЭМА РАН Алены Кузьміной падчас тэлемосту "Масква - Мінск - Бішкек - Ерэван - Нур-Султан" у ММПЦ МІА "Россия сегодня" слухайце ў аўдыёзапісы на радыё Sputnik Беларусь.

4
Тэги:
каронавірус
Тэмы:
Каронавірус COVID-19

Калі пасажыр кусаецца: прышчэпкі, спецадзенне і дэзінфекцыя ў заатаксі

0
(абноўлена 12:11 08.07.2020)
Дэзінфікавалі, пакуль гэта не стала мэйнстрымам - у сэрвісе па перавозцы жывёл ўмелі карыстацца антысептыкамі і да таго, як грымнула пандэмія. Заснавальнік сэрвісу Яўген навучыў гледачоў Sputnik асноўным правілам дэзінфекцыі і распавёў пра самых незвычайных пасажыраў.

Некалькі гадоў таму Яўген і яго залацісты рэтрывер моклі пад дажджом у чаканні таксі. Машына мужчыны заглухла, а яго тады яшчэ зусім юны гадаванец паводзіў сябе занадта жыццярадасна, каб можна было дазволіць сабе ехаць на грамадскім транспарце - іншыя пасажыры ледзь ці былі б задаволеныя.

Так і не дачакаўшыся таксі, Яўген з гадаванцам адправіліся дадому пешшу. А зараз ён дапамагае іншым сабакаводам пазбегнуць падобнай сітуацыі.

Сабакі - самыя частыя кліенты сэрвісу заатаксі, які Яўген стварыў некалькі гадоў таму. Але ездзяць у вальерным адсеку не толькі яны - сярод пасажыраў ёсць, напрыклад, птушкі, а аднойчы ў ветэрынарную клініку ехала цыркавая малпачка.

З такімі пасажырамі дэзінфекцыя становіцца адным з найважнейшых складнікаў працы, так што скрынка з антысептыкамі розных відаў была ў машыне яшчэ да таго, як грымнула пандэмія.

Пасажырскае сядзенне па правую руку ад кіроўцы Яўген жартам называе сваім цокальным паверхам. У дазатары - розныя віды антысептыку. Ідэальна чыстых жывёл не бывае, тлумачыць уладальнік заатаксі, так што пасля кожнай паездкі мінімум 15-30 хвілін сыходзіць на дэзінфекцыю. Прычым як пасажырскага, так і вальернага адсекаў машыны.
Па просьбе карэспандэнтаў Sputnik са свайго вялізнага набору антысептыкаў Яўген падабраў адзін, які варта вазіць з сабой кожнаму аўтамабілісту. Асабліва ў перыяд пандэміі. Шмат часу дэзінфекцыя не адбярэ - сродак трэба нанесці на ўсе кантактныя паверхні і пакінуць прыкладна на 5-10 хвілін.

На гэты час дзверы і вокны машыны лепш зачыніць, а самому кіроўцу - прагуляцца на свежым паветры.
Каб антысептык не пакінуў у салоне разводаў, салон машыны варта трымаць у чысціні. Пад дзеяннем хімічных сродкаў увесь таемны бруд можа стаць відавочным.

У самога Яўгена на дэзінфекцыю сыходзіць і больш часу, і больш сродкаў - асабліва старанна трэба апрацаваць вальерны адсек. Часам мала прайсціся шчоткай і некалькімі відамі антысептыкаў - калі ў сабакі ёсць падазрэнне, скажам, на чумку, аўтамабіль адпраўляецца на кварцаванне. А гэта значыць, з працоўнага дня выпадае каля чатырох гадзін часу. Але грэбаваць бяспекай будучых пасажыраў нельга.

А каб пасажыр са слабым вестыбюлярным апаратам не дадаў працы, гаспадароў папярэджваюць: калі ваш гадаванец дрэнна пераносіць дарогу, паспрабуйце не карміць яго напярэдадні паездкі. Праўда, не ўсе прыслухоўваюцца да гэтай просьбы. Такія жаласлівыя кліенты, якія не ў сілах выстаяць перад тым, хто просіць вачыма свайго гадаванца, у выніку прыводзяць да праблем - час уборкі вальернага адсека значна павялічваецца.
Не ўсякая машына, якая прапануе паслугі перавозкі жывёл, можа прэтэндаваць на статус заатаксі, тлумачыць Яўген. І старанная дэзінфекцыя аўто - толькі адзін з абавязковых пунктаў.

Сам Яўген шмат увагі і сіл прыклаў і да афармлення вальернага адсека, і нават да падбору пераносак - у некаторых гаспадароў пераносак можа не быць, а шматлікіх жывёл перавозіць без іх нельга. Гэта папросту небяспечна.
У самога Яўгена ёсць акрамя эканамічнай і кіналагічная адукацыя. Пастаянныя чатырохлапыя пасажыры яго пазнаюць, а сам ён ведае мянушку і пачаткоўцаў - гаспадар пры запаўненні заяўкі на заказ абавязкова яе пазначае.

Але не ўсе пасажыры Яўгена едуць у суправаджэнні тых, што любяць гаспадароў. Некаторыя яго пасажыры - бяздомныя. Гаворка ідзе пра жывёл, якіх валанцёры ратуюць ад вуліцы і вязуць у ветклінікі. І далёка не ўсе з іх прыязна настроены ў дачыненні да чалавека, прызнае Яўген. Таму на ім спецыяльны касцюм, які сцерпіць і бруд, і кіпцюры звера.

Глядзіце на відэа Sputnik, як выглядае праца ў заатаксі, і запамінайце ўрокі дэзінфекцыі, якія спатрэбяцца ўладальнікам асабістага транспарту.

0
Тэги:
Хатнія жывёлы