Документы

Таварыш У пра адносіны краўдэканомікі і літаратуры

143
(абноўлена 13:45 23.12.2015)
Пісьменнік Таварыш У паўтара месяцы збірае сродкі на выданне свайго зборніка эсэ на краўдфандынгавай платформе Ulej і напярэдадні міжнароднай канферэнцыі па краўдфандынгу разважае пра фінансавую падтрымку літаратуры.

МІНСК, 28 кас — Sputnik. Міжнародная канферэнцыя па краўдэканоміке пройдзе ў Мінску ўжо на гэтым тыдні. Гэтым годам запрацавала першая пляцоўка краўдфандынга ў краіне — Ulej. Аб мэтазгоднасці збіраць сродкі праз мясцовы краўдфандынг Sputnik спытаў пісьменніка і мастака Таварыша У, які аб'явіў збор сродкаў на зборнік сваіх эсэ "Набедні".

Зборнік павінен складацца з артыкулаў пісьменніка, што выйшлі ў часопісу ".сапиенс". Да заканчэння збору застаецца пяць дзён. У фінансаванні ўжо ўзялі ўдзел 27 спонсараў, але ж з шасці мільёнаў пакуль сабрана крыху болей трох. Між тым Таварыш У на праект паглядае не без аптымізму.

"Было б добра, каб удзельнічаць маглі не толькі беларусы, замежных крыніцаў фінансавання не хапае. Але ж і на такі поспех я не разлічваў — актыўных людзей хапае. Не ведаю, ці атрымаецца сабраць неабходную суму да канца тэрміну", — кажа Таварыш У.

Пісьменнік дадае, што на літаратуру ўвогуле ахвяруюць не надта актыўна — на "парк у родным двары ці на інсталяцыю з бульбы скідваліся б ахвотней".

"Літаратура памірае, гэта раней стаялі ў чарзе за творамі Дастаеўскага. У мяне быў выдавец у Кіеве, але гэта было ў часы, калі на літаратуру давалі добрыя гранты. Але ж тое выдавецтва ўжо абанкруцілася. Нават пяць гадоў таму людзі з тоўстымі кашалькамі верылі ў літаратуру, а зараз гэта цэхавая справа — людзі чытаюць адзін аднога, адзін аднога і хваляць", — патлумачыў пісьменнік літаратурны заняпад.

143
Тэги:
Ulej, Товарищ У, Мінск, Беларусь, Увесь свет
Дырэктар па навуковай рабоце Фонду развіцця і падтрымкі Міжнароднага дыскусійнага клуба Валдай Фёдар Лук'янаў

Якія памылкі еўрапейскай інтэграцыі трэба ўлічыць Беларусі і Расіі - эксперт

19
(абноўлена 11:33 05.04.2021)
Як інтэграцыйны праект Еўрасаюза апынуўся ў глыбокім крызісе яшчэ да пачатку пандэміі каронавіруса і якія кіраўнічыя рашэнні гэтаму спрыялі, разважае публіцыст, палітолаг, галоўны рэдактар часопіса "Россия в глобальной политике" Фёдар Лук'янаў.
Какие ошибки европейской интеграции надо учесть Беларуси и России ― эксперт

На сённяшні дзень мала хто адмаўляе, што еўрапейская інтэграцыя ў параўнанні з перыядам свайго развіцця ў другой палове XX стагоддзя падышла да вычарпання мадэлі, адзначае суразмоўца Sputnik.

Папярэдняе дзесяцігоддзе стала перыядам пастаянных крызісаў у Еўропе - даўгавых праблем, бежанцаў, brexit і іншых праблемных момантаў, з якімі неабходна нешта рабіць, адзначае Лук'янаў.

"Сфарміравалася ўяўленне пра тое, што будуць сур'ёзныя змены, і гэтыя змены пойдуць перш за ўсё з Германіі, таму што, а хто яшчэ? Германія і канцлер Меркель занялі пазіцыю краіны самай моцнай эканамічна, стабільнай палітычна і гатовай узяць на сябе адказнасць. Але за мінулыя 6 гадоў гэтае ўяўленне знікла, Германія апынулася не падрыхтаванай, і да пандэміі Еўрасаюз падышоў у стане вельмі нервовым", - разважае Лук'янаў.

Далей адна за другой сталі разбурацца спачатку ідэйныя, а затым і адміністрацыйныя структуры, дзякуючы якім еўрапейская інтэграцыя калісьці развівалася. "Апынуўшыся перад тварам праблемы, уся еўрапейская салідарнасць абсыпалася як мішура на ёлцы", адзначае эксперт.

Характэрна, што наратыў пра еўрапейскуюй салідарнасці пацярпеў роўна ў той момант, калі мог вельмі моцна выйграць, мяркуе Лук'янаў, "таму што на хвалі пандэміі ўсе тыя сілы, якія былі нацыяналістычна папулісцкімі ў асобных краінах, апынуліся нямоглымі са сваімі лозунгамі перад масавым захворваннем".

"Але самае страшнае не ў тым, што каштоўнасці абвяшчалі адны, а рэальнасць апынулася іншай. Страшней, што Еўракамісія і адпаведныя інстытуты дапусцілі гіганцкую памылку ў перамовах аб пастаўках вакцын, зыходзячы з таго, што цэнтралізавана атрымаецца лепш. Пакуль яны гандляваліся па кошце, Еўрасаюз апынуўся ў хвасце чаргі за вакцынамі. І зараз пазіцыя многіх краін ЕС, якія гатовы прымаць рашэнні самастойна без еўрапейскіх рэгулятараў, гэта наймагутны ўдар па ўсім прынцыпе еўрапейскай інтэграцыі", - распавядае Лук'янаў.

Чытайце таксама:

19
Тэги:
Фёдар Лук'янаў, Часопіс, палітолаг, рашэнне, каронавірус, пандэмія, крызіс, Еўрасаюз, праект, эксперт, Расія, Беларусь, Інтэграцыя
Тэмы:
Саюзная дзяржава Беларусі і Расіі

Расійскі журналіст Уладзімір Мамантаў пра будучыню Беларусі і Расіі - відэа

21
(абноўлена 13:01 30.03.2021)
2 красавіка спаўняецца 25 гадоў з дня падпісання Дагавора "Аб стварэнні Супольнасці Расіі і Беларусі". Пра будучыню Саюзнай дзяржавы разважае Уладзімір Мамантаў.

Якія выклікі стаяць перад Масквой і Мінскам на сённяшні дзень? Чаму Захад пастаянна перашкаджае інтэграцыі дзвюх краін? Навошта Расія дае крэдыты Беларусі? І якая будучыня чакае Саюзную дзяржаву?

Пра гэта і іншае Sputnik пагутарыў з генеральным дырэктарам радыёстанцыі "Говорит Москва", Старшынёй Савета дырэктараў газеты "Комсомольская правда" Уладзімірам Мамантавым.

21
Тэги:
Саюзная дзяржава, відэа, Расія, Беларусь, будучыня, Уладзімір Мамантаў, журналіст
Тэмы:
Саюзная дзяржава Беларусі і Расіі
Будынак КДБ Беларусі

КДБ пацвердзіў інфармацыю аб затрыманні Кастусёва і Фядуты

20
(абноўлена 17:57 13.04.2021)
СМІ ужо другія суткі абмяркоўваюць прапажу лідэра найстарэйшай апазыцыйнай партыі і вядомага палітолага, праваахоўныя органы заявілі аб затрыманні толькі ў аўторак.

МІНСК, 13 кра – Sputnik. Камітэт дзяржаўнай бяспекі пацвердзіў затрыманне беларускага палітолага, былога члена каманды Аляксандра Лукашэнкі, Аляксандра Фядуты, а таксама кіраўніка БНФ Рыгора Кастусёва, паведаміла БелТА са спасылкай на ведамства.

У паведамленні гаворыцца, што Фядута і Кастусёў затрыманы ў рамках расследавання распачатай крымінальнай справы ў парадку артыкула 108 КПК Беларусі па непасрэдна ўзніклым падазрэнні ў здзяйсненні злачынства.

Поўная інфармацыя па гэтай сітуацыі будзе прадастаўлена пасля правядзення неадкладных следчых дзеянняў і аператыўна-вышуковых мерапрыемстваў.

Прапажа Фядуты

Як паведамляў Sputnik, заява аб згубе Фядуты паступіла ў аддзел МУС Расіі па Прэсненскім раёне Масквы ў ноч на панядзелак. На той момант ён не выходзіў на сувязь больш за суткі.

Хто такі Аляксандр Фядута?

Фядута ў 1994 годзе быў у камандзе Аляксандра Лукашэнкі, займаў пасаду начальніка ўпраўлення грамадска-палітычнай інфармацыі Адміністрацыі прэзідэнта. У 2005 годзе напісаў першую палітычную біяграфію прэзідэнта Беларусі.

У 2010 годзе ў перыяд выбарчай кампаніі быў у камандзе кандыдата ў прэзідэнты Уладзіміра Някляева, разам з ім ствараў грамадзянскую кампанію "Гавары праўду!" (у 2014 годзе скончыў працу ў ёй).

Фядута быў затрыманы 20 снежня 2010 года і змешчаны пад варту, да красавіка 2011 года знаходзіўся ў СІЗА КДБ, а потым яго вызвалілі пад падпіску аб нявыездзе. Праз месяц Фядута быў прысуджаны да двух гадоў пазбаўлення волі ўмоўна з выпрабавальным тэрмінам у два гады па справе аб масавых беспарадках 19 снежня 2010 года.

Лідэр партыі БНФ

Рыгор Кастусёў з'яўляецца старшынёй партыі "Беларускі народны фронт". Раней у сацсетках БНФ з'явілася інфармацыя аб тым, што ён знаходзіцца ў мінскім СІЗА КДБ "па крымінальнай справе". Сваякі даведаліся аб затрыманні пасля таго, як ім патэлефанавалі з Камітэта дзяржбяспекі.

Паводле інфармацыі СМІ, затрыманне адбылося напярэдадні ўвечары ў Шклове (Магілёўская вобласць).

Рыгор Кастусёў у палітыцы больш за 30 гадоў. У партыю "Беларускі народны фронт" ён уступіў у 1989 годзе, з 2009 года займаў пасаду намесніка старшыні партыі, а ў 2017 годзе палітык узначаліў БНФ. У 2010-м вылучаўся кандыдатам у прэзідэнты, пасля выбараў з-за ўдзелу ў акцыі пратэсту быў затрыманы праваахоўнымі органамі, аднак асуджаны не быў.

Чытайце таксама:

20
Тэги:
орган, палітолаг, партыя, СМІ, Аляксандр Фядута, Рыгор Кастусёў, затрыманне, інфармацыя, КДБ РБ
Тэмы:
Пратэсты пасля выбараў у Беларусі