Музычны крытык Дзмітрый Падбярэзскі

Падбярэзскі: у Мінску джаз трымаецца на энтузіязме

151
(абноўлена 11:32 28.01.2016)
Пра сучасны стан беларускага джаза Sputnik распавёў музычны эксперт Дзмітрый Падбярэзскі і зрабіў параўнальны аналіз са становішчам джазавай музыкі ў суседніх краінах.

Юлія Хвошч, Sputnik.

Музычны крытык Дзмітрый Падбярэзскі распавёў Sputnik пра тое, што сучасны беларускі джаз перажывае не лепшыя часы. Нават у краінах бліжэйшага замежжа справы з музыкай гэтага кірунку ідуць куды лепшым чынам. Што ж датычыцца беларускіх межаў, то найгоршым чынам для джазу абставіны складаюцца менавіта ў сталіцы і адзінае, што пакуль дае надзею — гэта фестывалі кшталту салігорскага дзіцячага "Джаз-тайм".  

Сярод прычын такога не радаснага становішча эксперт называе амаль поўную адсутнасць на Беларусі джазавых фестываляў нацыянальнага і міжнароднага ўзроўняў, незацікаўленасць галіны адукацыі ў развіцці маладых талентаў і падтрымцы іх на міжнародным узроўні, чаго не назіраецца ў суседніх краінах.

Бо на беларускай зямлі таленты насамрэч ёсць, проста ім трэба аказаць неабходную падтрымку.

На чым трымаецца джаз у Мінску

На думку суразмоўцы Sputnik, сітуацыя з джазавай музыкай зараз даволі складаная, а джаз трымаецца толькі на энтузіязме асобных людзей.

Падбярэзскі лічыць, што так адбываецца таму, што зараз на Беларусі амаль не ладзяцца джаз-фестывалі, музыка такога кірунку не падтрымліваецца на дзяржаўным узроўні.

"Вось, дзякаваць богу, з'явіўся гэты фестываль джаз каля Ратушы. Там беларускія музыкі, канешне ж, выступаюць. Таму што там правільная палітыка арганізатараў гэтага фестывалю. Што гэта за джазавы фестываль у Беларусі, калі там не выступаюць беларускія музыкі? Парадокс", — разважае Падбярэзскі.

"Разумееце, развіццё мясцовага джаза не магчыма без уласных джазавых фестываляў. Вось калі мы возьмем той джаз-фестываль, які праводзіць нацыянальны Аркестр пад кіраўніцтвам Міхаіла Фінберга — там удзельнічаюць толькі музыкі з аркестра Фінберга ды нехта з расіян".

"А потым усе будуць казаць: "а ў нас узровень такі…" А дзе ж не падымаць свой узровень як не ад кантакту з музыкамі з іншых краін? І таму, канешне, абавязкова павінен быць і нацыянальны фестываль джазавай музыкі. Абавязкова! Ёсць вялікая колькасць музыкаў, якія схільныя выконваць джаз і выконваюць яго час ад часу ў іншых гарадах", — адзначае эксперт.

Ён таксама адзначае, што ў развіцці джазавай музыкі не зацікаўлена і беларуская адукацыя, а ў Мінску джазавая музыка наогул трымаецца толькі на энтузіязме асобных людзей.  

"Я не магу казаць, што ў нас ёсць джазавая школа. Яе і не было. Былі асобныя энтузіясты, якія браліся выкладаць, як Валодзя Угольнік, але гэта асобныя людзі і нельга сказаць, што ва ўніверсітэце культуры і мастацтваў ёсць кафедра джазавага мастацтва. Ёсць кафедра эстраднага мастацтва, куды джаз уваходзіць адной з частак. І адтуль выходзяць часам вельмі адораныя хлопцы, якія фанацеюць ад музыкі".

Аднак суразмоўца тут жа адзначае, што ў рэшце рэшт зарабляюць гэтыя музыкі потым на жыццё выкананнем іншай музыкі, граючы ў кавер-бэндах, але знаходзяць магчымасць ствараць калектывы і граць разам джаз у вольны час.

"Як правіла іх не шмат. У тым жа "Графіці" па серадах сустракаюцца маладыя джазавыя музыканты — і дзякаваць богу, што яны хоць раз на тыдзень маюць магчымасць пайграць тое, што падабаецца, і паджамаваць і за кошт гэтага ўсё яшчэ неяк трымаюцца ў мінскім джазе", — дадае Падбярэзскі.

Што адбываецца з джазам у суседніх краінах

Разважаючы пра стан джаза і музычную адукацыю ў Беларусі, суразмоўца Sputnik прыводзіць да прыкладу сітуацыю з джазам у краінах бліжэйшага замежжа — Літве і Расіі.

Падбярэзскі адразу адзначае, што сітуацыя ў Літве складаецца значна лепей хаця б з тае прычыны, што ў Літве джазу пачынаюць навучаць яшчэ ў дзіцячых музычных школах. Потым музычны каледж, потым кансерваторыя і асобны факультэт джазавага мастацтва ў Клайпедзе.

"Вось там людзі растуць і там штогод, калі я прыязджаю на чарговы фестываль у Бірштанас, я бачу музыкаў, якія граюць джаз ад самага малога ўзросту да выпускнікоў кансерваторыі".

"Больш за тое, там некалькі разоў выступалі вайсковыя аркестры пагранічнікаў. Яны выступалі там з джазавымі праграмамі, у нас хіба што толькі дзякуючы Колі Фядорынку, які служыць у аркестры штабу ўзброеных сіл Беларусі, гэты аркестр пару разоў паказваў джазавыя праграмы. Але гэта добра, я лічу, што гэта выдатна", — дадае Падбярэзскі.

Падчас размовы Падбярэзскі закрануў і сітуацыю ў расійскім джазе. Ён адзначыў, што і там джаз знаходзіцца куды ў больш прывабным стане, чым у Беларусі, у першую чаргу дзякуючы традыцыям.

"У 50-я гады ўжо актыўна, канешне, там ладзіліся джазавыя фестывалі, былі джазавыя кавярні і была студыя джазавай імправізацыі "Москворечье". Гэта ўжо традыцыі, якія сягаюць з сярэдзіны 50-х і бліжэй сюды", — распавядае Падбярэзскі.

Ён адзначае, што Піцер у параўнанні з Масквой заўжды быў больш сучасным у сэнсе джазавай музыкі, там было больш эксперыментаў, у той час як Масква заўсёды знаходзілася на хвалях мэйнстрыму. Яшчэ адным з цэнтраў расійскай джазавай культуры эксперт называе Растоў, дзе джаз пачалі выкладаць больш за 40 гадоў таму.

"Растоў — гэта школа класічнага джаза, мэйнстрыму, сучасны джаз там, па-мойму, ніхто не выконвае і дагэтуль. Вось выпускнікі растоўскай школы джазавай — яны не губляюцца ў свеце", — адзначае Падбярэзскі.

Салігорскі цуд

Як прыклад аднаго з самых самабытных і яскравых беларускіх фестываляў, які трэба абавязкова развіваць, Падбярэзскі прыводзіць фестываль дзіцячай эстраднай музыкі і джаза "Джаз-тайм", які ладзіцца ў Салігорску раз на два гады, і называе яго сапраўдным цудам.

У фестывалі прымаюць удзел навучэнцы дзіцячых школ і каледжаў ва ўзросце да 18 гадоў. Ён лічыцца міжнародным, але там у асноўным расіяне ўдзельнічаюць, спрабуюць даехаць і палякі, і літоўцы.

"Там такія цуды атрымліваюцца! Напрыклад, на адным фестывалі, апошнім ці перадапошнім, хлопчык выйшаў з домрай і пачаў пад акампанемент фартэп'яна граць Take Five — у мяне проста вочы на лоб палезлі. Ён не толькі тэму выканаў на домры(!!!), але потым і імправізацыю яшчэ нейкую зладзіў".

Падбярэзскі таксама ўзгадаў гісторыю, як на фестываль аднойчы прыехаў джазавы квінтэт ці сікстэт з вёскі са Смалявіцкага раёна і здзівіў усіх майстэрствам выканання. "Гэта з вёскі! Дзе магчымасцей значна менш".

Эксперт адзначыў, што дзякуючы гэтаму фестывалю адкрыўся выдатны біг-бэнд з Крупак, школы мастацтваў, "дзе дзеці па-сапраўднаму граюць джаз".

"Я ўжо не кажу пра гэты аркестр з самога Салігорска, які пастаянна ці то ў Расію ездзіць, ці то ў Швецыю. Яны гастралююць. Іх нармальна ўспрымаюць. То бок вось дайце толькі шанс музыкам паказаць", — перакананы Падбярэзскі.

Суразмоўца таксама адзначыў, што развіццё дзіцячых творчых калектываў у многім залежыць ад таго, якія педагогі. "Я пачаў ездзіць на фестываль у Салігорск з другога, па-мойму, фестывалю, і розніца другога і шостага фестываляў проста кідаецца ў вочы".

"Арганізацыя выдатная (у Салігорску), публікі досыць, апарат класны стаіць — варта толькі захацець і ўсё можна зрабіць, як кажуць", — падсумаваў Падбярэзскі. 

151
Тэги:
Музычныя жанры, Культурнае развіццё, Музыка, Дзмітрый Падбярэзскі, Беларусь
Тэмы:
Беларуская музыка: ад панку да пост-барду (24)
Праца марскога гандлёвага порта Усць-Луга

Эксперт: выгаднае рашэнне аб пераводзе беларускіх грузаў у парты РФ знойдзецца

7
(абноўлена 17:09 24.09.2020)
Прэзідэнт Беларусі ў адказ на крытыку ўладаў балтыйскіх рэспублік заявіў пра гатоўнасць пераарыентаваць экспарт калійных угнаенняў і нафтапрадуктаў на расійскія парты.

МІНСК, 24 вер - Sputnik. Хуткасць і аб'ёмы пераводу беларускага экспарту на расійскія парты залежыць ад цэн і скідак, заявіў у эфіры тэлемоста ў МПЦ Sputnik рэдактар аналітычнага анлайн-часопіса "Геоэнергетика.ru" Барыс Марцінкевіч.

Адказваючы на пытанне - якія перспектывы пераарыентацыі беларускага экспарту з партоў балтыйскіх рэспублік на расійскія гавані, аналітык нагадаў, што у 2018 годзе прэзідэнт Расіі Уладзімір Пуцін прапаноўваў перанакіраваць грузапатокі калію і нафтапрадуктаў.

"Такія пастаўкі разава ажыццяўляліся. З улікам транспартнага пляча, нягледзячы на тое, што РЖД падалі 50% зніжкі, з улікам аплаты паслуг стывідорных кампаній (якія займаюцца пагрузкай і разгрузкай судоў - Sputnik) у Прыморску і Усць-Лузе, атрымалася, што Беларусь пераплаціла. На гэтым эксперымент і быў спынены", - распавёў расійскі эксперт.

Паводле яго слоў, пазіцыя беларускага боку, які адмовіўся плаціць лішнія дзесяць долараў, была справядлівай. Таму транзітныя маршруты захавалі сваю прывязку да партоў балтыйскіх рэспублік.

Пасля таго, як прэзідэнт Беларусі заявіў аб гатоўнасці выключыць грузы з партоў на Прыбалтыцы, пачаліся перамовы. Перамовы зоймуць пэўны час.
"Гэта не адбываецца ў рэжыме абваранай кошкі. Тут чакаюць перамовы і з РЖД, з уладальнікамі чыгуначных цыстэрнаў, са стывідорных кампаній, з партамі, якія пашырылі свае магутнасці. Узаемавыгаднае рашэнне будзе знойдзена, было б жаданне", - спадзяецца Барыс Марцінкевіч.

Пры гэтым аналітык лічыць, што рашэнне можа быць знойдзена, калі РЖД "крыху ўціснецца" і знойдуцца "кемлівыя" стывідорныя кампаніі. Калі беларускія НПЗ будуць працаваць у звыклым рэжыме, то аб'ём каля шасці мільёнаў тон нафтапрадуктаў гатовая прыняць Ленінградская вобласць замест Клайпеды.

"Усё пытанне ў тым, як узгодняць цэны і скідкі", - канстатаваў ён.

7
Тэги:
Эканоміка, Расія, Беларусь
Галоўны рэдактар аналітычнага часопіса Геоэнергетика.ru Барыс Марцінкевіч

Эксперт: Беларусь атрымае газ па расійскіх коштах пры адной умове

28
(абноўлена 17:09 24.09.2020)
Пераход на фарміраванне цэн на прыродны газ па еўрапейскай схеме на спотавым рынку для беларускага боку можа быць звязаны з рызыкай не атрымаць энергарэсурсы ў выпадку адсутнасці перадаплаты паставак.

МІНСК, 24 вер - Sputnik. Беларусь можа атрымаць блакітнае паліва па цэнах для Смаленскай вобласці, заявіў у эфіры тэлемоста ў МПЦ Sputnik рэдактар аналітычнага анлайн-часопіса "Геоэнергетика.ru" Барыс Марцінкевіч.

Адказваючы на пытанне, пры якіх умовах беларускі бок можа разлічваць на расійскі газ па кошце як для Смаленскай вобласці, эксперт сказаў, што "адказ на гэтае пытанне ўжо неаднаразова давала кіраўніцтва Расіі".

"У любым выпадку, калі ўзнікне, нарэшце, гарманізацыя падатковага заканадаўства ўнутры Саюзнай дзяржавы, то можна казаць аб зніжэнні цэн для Беларусі да ўзроўня, які маецца цяпер на тэрыторыі Смаленскай вобласці", - сказаў ён.

Па словах Барыса Марцінкевіча, перашкодай для ўвасаблення ў жыццё гэтага рашэння стала адсутнасць жадання ў беларускага боку выконваць дарожную карту па інтэграцыі ў сферы энергетыкі напрыканцы мінулага года.

"Цяпер у жыцці Беларусі наступіў іншы этап. Пасля візіту Лукашэнкі ў Сочы, дзе прайшлі перамовы з Пуціным, гаворка зноў зайшла аб неабходнасці выконваць гэтыя 32 дарожныя карты, якія патрэбныя для рэалізацыі саюзнай дамовы. Яна была падпісана ў мінулым стагоддзі, настаў час напоўніць яе новымі сэнсамі", - нагадаў расійскі аналітык.

У адказе на пытанне, а ці можа Мінск перайсці на спотавыя закупкі газу, ён падкрэсліў, што калі Беларусь хоча рызыкаваць гэтак жа, як Еўропа, і пераходзіць на спотавы гандаль, тады трэба разбірацца, як выглядаюць еўрапейскія правілы гандлю газам на біржы.

"Там няма такога паняцця, як адкладзены плацёж. Калі зараз вядуцца перамовы аб даванні новага міждзяржаўнага крэдыту Расіі для Беларусі і асноўная яго частка будзе накіравана на ліквідацыю запазычанасці перад Газпрамам, то ў рэжыме спотавага гандлю такая сітуацыя немагчымая", - канстатаваў Барыс Марцінкевіч.

Справа ў тым, што без ажыццяўлення плацяжу за газ ніхто не пастаўляе блакітнае паліва. У выпадку, калі няма грошай на закупку газу, ён проста не ідзе.

"Ці спадабаецца Беларусі такі рэжым? Ці спадабаецца гэта спажыўцам у Беларусі, як прамысловым, так і фізічным? Мне здаецца, што не", - упэўнены расійскі эксперт.

Нагадаем, у сярэдзіне верасня пасол Беларусі ў Расіі Уладзімір Сямашка і міністр энергетыкі рэспублікі Віктар Карнкевіч абмеркавалі з кіраўніком "Газпрама" Аляксеем Мілерам пытанні далейшага супрацоўніцтва.

Кантракты паміж ПАТ "Газпрам" і ААТ "Газпрам трансгаз Беларусь" на пастаўку газу ў Беларусь і яго транспарціроўку па тэрыторыі рэспублікі сапраўдныя да канца 2020 года. У лютым гэтага года "Газпрам" і ўрад Беларусі падпісалі пратакол аб парадку фарміравання цэн пры пастаўцы прыроднага газу. Кошт адной тысячы кубамэтраў газу для Беларусі на 2020 год была вызначана ў памеры 127 долараў.

28
Тэги:
Расія, Беларусь, газ, Эканоміка

Прыгажосць і грацыя: захапляемся беларускімі конікамі

0
(абноўлена 17:08 25.09.2020)
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коні на конеферме ў ААТ Палеская ніва
  • Коней купляюць у асноўным беларусы.
  • Коні на конеферме ў ААТ Палеская ніва
  • Коні на конеферме ў ААТ Палеская ніва
Напэўна няма на свеце чалавека, які не быў бы зачараваны прыгажосцю каня, не любаващся яго грацыяй, дакладнасцю і правільнасцю рухаў.

Адзін з такіх людзей - Мікалай Ажог, цяпер пенсіянер, а ў мінулым стагоддзі старшыня аднаго з самых рэнтабельных калгасаў Беларусі "Палеская Ніва" Столінскага раёна. На рэспубліканскай выставе племянной жывёлагадоўлі, якая праходзіла ў Брэсце ў 1998 годзе, ён прапанаваў юнай расіянцы, выпускніцы Новасібірскага Дзяржаўнага аграрнага ўніверсітэта Марыне стаць разам з ім стваральнікам коннага завода на базе сваёй гаспадаркі.

Справа ў тым, што 1992 годзе Марына, ураджэнка Краснаярскага краю, па спецыяльнасці заатэхнік, трапіла пры апошнім саюзным размеркаванні НДАУ ў Ганцавіцкі раён, дзе і працавала з коньмі. З тых часоў Марына Ярмоліч з'яўляецца нязменным кіраўніком аднаго з лепшых у краіне конезаводаў у вёсцы Рамель Столінскага раёна.

Зараз тут змяшчаецца больш за 300 коней, у большай частцы беларускай запражной пароды. Аднак спецыялісты прадпрыемства вырошчваюць і ўнікальных коней, напрыклад, спартыўны конь пароды галандскі цеплакроўны (KWPN) Інфларанц народжаная ў Галандыі і набыта за 15 тысяч еўра. Другі вараны прыгажун Сансіс набыты палескімі заатэхнікамі ў Германіі за 5 тысяч еўра.

Увогуле ў рэмельскіх конегадоўцаў добры густ. Услухайцеся, якія прыгожыя імёны ў цяперашніх лепшых коней конезавода: Інфант, Попел, Алімпіяда, Абляпіха, Лісма, Грэйс, Лісяня, Праталінка, Балівар.

Глядзіце ў фотастужцы Sputnik лепшыя кадры з коньмі - гонарам конезаводчыкаў беларускай фермы.

0
  • Коні на конеферме ў ААТ Палеская ніва
    © Sputnik Виктор Драчев

    На конеферме ў ААТ "Палеская ніва" разводзяць коней ужо больш за 20 гадоў.

  • Коні на конеферме ў ААТ Палеская ніва
    © Sputnik Виктор Драчев

    Ферма размешчана на Століншчыне.

  • Коні на конеферме ў ААТ Палеская ніва
    © Sputnik Виктор Драчев

    Зараз тут змяшчаецца больш за 300 коней, у большай частцы беларускай запражнай пароды.

  • Коні на конеферме ў ААТ Палеская ніва
    © Sputnik Виктор Драчев

    Аднак спецыялісты прадпрыемства вырошчваюць і іншых унікальных коней.

  • Коні на конеферме ў ААТ Палеская ніва
    © Sputnik Виктор Драчев

    Напрыклад, спартыўная конь пароды галандскі цеплакроўны (KWPN) Інфларанц, аматар водных працэдур, народжаны ў Галандыі і набыты за 15 тысяч еўра.

  • Коні на конеферме ў ААТ Палеская ніва
    © Sputnik Виктор Драчев

    Другі вараны прыгажун Сансіс набыты палескімі заатэхнікамі ў Германіі за 5 тысяч еўра.

  • Коні на конеферме ў ААТ Палеская ніва
    © Sputnik Виктор Драчев

    Конеферма ў ААТ "Палеская ніва" была створана з мэтай развядзення і рэалізацыі племянных і спартыўных коней высокай якасці.

  • Коні на конеферме ў ААТ Палеская ніва
    © Sputnik Виктор Драчев

    Трэнер Наталля Малішэўская любіць пакатацца верхам на Сангрыі.

  • Коні на конеферме ў ААТ Палеская ніва
    © Sputnik Виктор Драчев

    Увогуле ў рэмельскіх конегадоўцаў добры густ.

  • Коні на конеферме ў ААТ Палеская ніва
    © Sputnik Виктор Драчев

    Услухайцеся, якія прыгожыя імёны ў цяперашніх лепшых коней конезавода: Інфант, Попел, Алімпіяда, Абляпіха, Лісма, Грэйс, Праталінка, Балівар.

  • Коні на конеферме ў ААТ Палеская ніва
    © Sputnik Виктор Драчев

    Працаўніца конезавода Лілія Вітун любіць сваіх падапечных.

  • Коні на конеферме ў ААТ Палеская ніва
    © Sputnik Виктор Драчев

    Коні тут ёсць тракененскай, латвійскай пароды.

  • Коні на конеферме ў ААТ Палеская ніва
    © Sputnik Виктор Драчев

    Коней вырошчваюць на продаж.

  • Коні на конеферме ў ААТ Палеская ніва
    © Sputnik Виктор Драчев

    Тут наладжаны поўны цыкл ўзнаўлення коней з арганізацыяй вырошчвання і пачатковага трэнінгу маладняку.

  • Коні на конеферме ў ААТ Палеская ніва
    © Sputnik Виктор Драчев

    Многія з гэтых коней займаюць першыя месцы на конных выставах у Беларусі і Расіі, удзельнічаюць у розных дысцыплінах коннага спорту.

  • Коні на конеферме ў ААТ Палеская ніва
    © Sputnik Виктор Драчев

    Напэўна няма на свеце чалавека, які не быў бы зачараваны прыгажосцю каня.

  • Коні на конеферме ў ААТ Палеская ніва
    © Sputnik Виктор Драчев

    Беларуская запражная парода коней была зарэгістраваная ў 2000 годзе, хоць планамерная работа па селекцыі гэтых коней вялася больш за сто гадоў.

  • Коні на конеферме ў ААТ Палеская ніва
    © Sputnik Виктор Драчев

    Буланы жарабец Кветка нарадзіўся ў Віцебскай вобласці на племферме ААТ "Навасёлкі-Лучай" ў 2009 годзе. Па бацькоўскім баку ён праўнук знакамітага чэмпіёна ВДНХ 1961 года.

  • Коні на конеферме ў ААТ Палеская ніва
    © Sputnik Виктор Драчев

    На конеферме ён з'явіўся ў мінулым годзе. У гэтым годзе нарадзілася першая дачка Кветкі Грацыя.

  • Коней купляюць у асноўным беларусы.
    © Sputnik Виктор Драчев

    Коней купляюць у асноўным беларусы.

  • Коні на конеферме ў ААТ Палеская ніва
    © Sputnik Виктор Драчев

    Як прыватнікі - для аграсядзібаў і пракату, так і спартсмены - верхавых коней для выездкі, канкура і трохбор'я.

  • Коні на конеферме ў ААТ Палеская ніва
    © Sputnik Виктор Драчев

    Прадаць каня за мяжу амаль немагчыма: гэта - адзінкавы тавар, да якога акрамя ўсіх дакументаў прыкладаюцца яшчэ і ветэрынарныя аналізы, многія з якіх можна правесці толькі за мяжой і за немалыя грошы.

Тэги:
Жывёлы, Беларусь