Дырэктар музея "Брэсцкая крэпасць": жывыя абаронцы яшчэ засталіся
(абноўлена 12:50 24.08.2016)
У Ленінградскай вобласці сваё 103-годдзе нядаўна адсвяткавала абаронца крэпасці Валянціна Кокарава.МІНСК, 24 жні — Sputnik. Кіраўнік мемарыяльнага комплексу Рыгор Бысюк не згодны са СМІ ў тым, што Барыс Фаерштэйн, якога не стала ў аўторак, быў апошнім з жывых абаронцаў крэпасці.
Раней СМІ паведамілі пра тое, што апошні абаронца Брэсцкай крэпасці Барыс Фаерштэйн памёр у ізраільскім горадзе Ашдод на 96 годзе жыцця ў аўторак. У музеі "Брэсцкая крэпасць" падкрэслілі: за лёсам абаронцаў па ўсім свеце сочаць, але Фаерштэйн не быў апошнім з жывых.
"Ён абараняў пяты форт, а не саму цытадэль. Але і сярод абаронцаў крэпасці ёсць яшчэ жывыя людзі, на шчасце. Да прыкладу, Валянціна Кокарава нядаўна адсвяткавала 103-годдзе", — распавёў Sputnik Бысюк.
Дырэктар музейнага комплексу падзяліўся ўспамінам: калі Кокаравай спаўнялася 100 гадоў, яна даслала ў падарунак зборнік сваёй паэзіі. Зараз абаронца жыве ў Ленінградскай вобласці.
"Мы сочым за лёсамі і маем стасункі з усімі астатнімі абаронцамі. Віншуем іх з днямі нараджэння. Вось пасля навін аб смерці Фаерштэйна мы накіравалі тэлеграму са спачуваннямі. Таксама ў жніўні пайшоў з жыцця першы кіраўнік музея Аркадзь Крупеннікаў, адпраўлялі тыдзень таму спачуванні", — падзяліўся дырэктар "Брэсцкай крэпасці".
Фаерштэйн, які памёр у аўторак, быў вызвалены з нямецкага палону ў маі 1945 года, а затым ён прайшоў савецкія фільтрацыйныя лагеры. Пазней ён з'ехаў у Джанкой, шмат гадоў працаваў школьным настаўнікам. Затым Фаерштэйн эміграваў у Ізраіль, дзе жыў у горадзе Ашдод.
Тэги:
Кіраўнік МЗС Беларусі заявіў пра масіраваны ціск на рэспубліку з боку Захаду
(абноўлена 11:37 25.02.2021)
Паводле яго слоў, беларускае знешнепалітычнае ведамства і замежустановы ў 2020 годзе ў поўнай меры адчулі рост глабальнай і рэгіянальнай нестабільнасці, геапалітычнага і геаэканамічнага саперніцтва.МІНСК, 25 лют – Sputnik. Беларусь у 2020 годзе падвергнулася масіраванаму вонкаваму ціску, уключаючы санкцыйны, з боку заходніх краін, заявіў міністр замежных спраў Уладзімір Макей.
У Мінску сёння праходзіць пасяджэнне калегіі МЗС Беларусі, на якім абмяркоўваюцца вынікі працы ведамства ў мінулым годзе
"У выніку гіпертрафаванай рэакцыі на вынікі праведзеных у нашай краіне прэзідэнцкіх выбараў Беларусь зведала масіраваны знешні ціск, уключаючы санкцыйны, з боку заходніх краін", - заявіў Макей.
Паводле яго слоў, у мінулым годзе МЗС і беларускім замежустановам на многіх напрамках работы прыйшлося дзейнічаць і рэагаваць на абстаноўку і знешнія фактары, якія імкліва змяняліся.
"Мы ў поўнай меры адчулі на сабе рост глабальнай і рэгіянальнай нестабільнасці, геапалітычнага і геаэканамічнага саперніцтва, сталі сведкамі нарастання напружанасці ў міжнародных адносінах і далейшага зрушэння акцэнтаў у сусветнай палітыцы з партнёрства ў плоскасць ўсё больш жорсткай канкурэнцыі, якія былі толькі пагоршаны пандэміяй каронавіруса", - сказаў міністр.
Плануецца, што на пасяджэнні калегіі выступіць прэм'ер-міністр Беларусі Раман Галоўчанка, а таксама беларускія паслы, акрэдытаваныя ў замежных краінах.
Па словах Макея, парадак дня досыць насычаны, і ў гэтым годзе крыху зменены традыцыйны фармат пасяджэння, пашыраны склад выступоўцаў. Плануецца заслухаць даклады некаторых паслоў па выніках работы ў мінулым годзе. Акрамя гэтага, па пытаннях прасоўвання беларускага экспарту на рынкі краін далёкай дугі чакаюцца выступленні кіраўнікоў міністэрстваў прамысловасці і сельскай гаспадаркі і харчавання.
Чытайце таксама:
- МЗС Беларусі: Захад спрабуе ціснуць на суд з дапамогай дыпламатаў
- МЗС РБ: парушэнні краінамі Захаду праў чалавека можна пералічваць гадзінамі
- ЗША увялі санкцыі ў дачыненні да 43 беларускіх чыноўнікаў
Тэги:
Па якіх прынцыпах краіны АДКБ будуць рэгуляваць інтэрнэт - Выбарны
(абноўлена 10:33 25.02.2021)
У асобных краінах у перыяд пандэміі рост кіберзлачыннасці дасягнуў 90%, у бліжэйшы год краінам АДКБ трэба ўзмацніць каардынацыю ў сферы бяспекі і рэгулявання інтэрнэту, адзначае кіраўнік пастаяннай камісіі ПА АДКБ па пытаннях бяспекі Анатоль Выбарны.Какие общие принципы регулирования интернета разработает ОДКБ ― Выборный
Сёння тыя выклікі і пагрозы, пра якія мы раней меркавалі, становяцца ўсё больш выдасканаленымі і патрабуюць выпрацоўкі новых метадаў процідзеяння ім, адзначыў суразмоўца.
Кібербулінг, напрыклад, гэта як раз той выпадак, калі праз інтэрнэт-прастору, выкарыстоўваючы лічбавыя тэхналогіі і новыя магчымасці, можна ўздзейнічаць на псіхіку, асабліва падрастаючага пакалення. Але гэта праблема не толькі адной дзяржавы - гэта праблема ўсіх нашых дзяржаў", - распавёў Выбарны.
З улікам тых новых выклікаў і пагроз, з якімі ўжо сутыкаюцца ці могуць сутыкнуцца краіны-члены АДКБ у бліжэйшай перспектыве (а гэта актыўнасць НАТА каля межаў Беларусі і Расіі, санкцыйная палітыка і ў цэлым узрослае напружанне на міжнароднай арэне) цяпер сфармаваўся магутны запыт на ўдасканаленне заканадаўства, лічыць спікер.
Заканадаўчыя новаўвядзенні павінны "перасягнуць абарончы парадак дня, калі мы толькі рэагуем на тыя ці іншыя факты", адзначыў ён.
Як перамагчы ў "вайне за мазгі"
У канцы 2020 года АДКБ прыняла канцэпцыю агульнага плана дзеянняў у супрацьдзеянні кібервызавам і пагрозам, у адпаведнасці з якой мяркуецца прыняць шэраг мадэльных актаў - аб забеспячэнні бяспекі крытычна важных аб'ектаў інфармацыйнай інфраструктуры, аб абароне інфармацыі і кібербяспецы, а таксама выпрацаваць агульныя прынцыпы ў рэгуляванні інтэрнэту.
Па словах Выбарнага, у перыяд пандэміі многія аспекты жыцця перайшлі ў анлайн, "адпаведна, мы ўбачылі і рост злачыннасці, у некаторых дзяржавах у інтэрнэце і лічбавых тэхналогіях ён дасягнуў 90%".
"Галоўным выклікам для бяспекі краін АДКБ зараз з'яўляецца дзейнасць, як мы бачым, і замежных дзяржаў, падрыхтоўка і вядзенне барацьбы ў інфармацыйнай прасторы, паколькі галоўная і ключавая задача - гэта вайна ў інфармацыйным полі за мазгі. Усяму свету вядома, што выхадцы з СНД - гэта таленавітыя людзі і выдатная моладзь. Таму барацьба за іх, псіхалагічнае і інтэлектуальнае ўздзеянне важны нашым так званым "сябрам", - сказаў Выбарны.
Для знешніх ігракоў вельмі важнай мэтай з'яўляецца дэстабілізацыя ўнутрыпалітычнай і сацыяльнай атмасферы ўнутры дзяржаў АДКБ, і пагроза кібератак павялічваецца ў сувязі з распаўсюджваннем мабільных сетак 5 пакалення, дадаў эксперт.
Чытайце таксама:
- Зась распавёў пра пазіцыю АДКБ па сітуацыі ў Беларусі
- Мінск прыме дадатковыя меры ў выпадку эскалацыі з боку Захаду - Мінабароны
- У новай канцэпцыі знешняй палітыкі Беларусі ўлічаць пазіцыю Захаду - МЗС
Тэги:
Які сёння дзень: 26 лютага 2021 года
(абноўлена 17:29 21.02.2021)
Гэты дзень з'яўляецца пяцьдзесят сёмым па грыгарыянскім календары, таму да канца года засталося 308 дзён.Якія падзеі адбыліся 26 лютага і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 26 лютага
- У 1932 годзе ў Мінску пачала выдавацца газета "Літаратура і мастацтва".
- У 1992 годзе Беларусь і Фінляндыя ўстанавілі дыпламатычныя адносіны.
Хто нарадзіўся 25 лютага
- 1912 год: Уладзімір Карпаў, беларускі пісьменнік.
- 1918 год: Пётр Машэраў, кіраўнік Беларускай ССР.
- 1929 год: Георгій Колас, беларускі пісьменнік.
Таксама сёння нарадзіліся французскі пісьменнік Віктор Гюго і рускі пісьменнік Аляксандр Праханаў.
26 лютага ў народным календары
Сёння праваслаўныя вернікі шануюць памяць вялебнага Марцініана Палесцінскага, якога ў народзе называюць Мартын, і Стэфана Неманя, або ў народзе – Сцяпана.
Святому Мартыну моляцца пра збаўленне ад спакусаў, асабліва – жаночых. Таксама гэты дзень лічыўся добрым, каб прыбраць у хаце – гэта абяцала дабрабыт і ўдачу ў справах.
Калі снег у гэты дзень пачаў раставаць, вясна будзе цёплая. Пахмурны дзень, наадварот, абвяшчае пра познюю і халодную вясну.