Кадр з фільму Ідзі і глядзі

Дзесяць лепшых беларускіх фільмаў пра Вялікую Айчынную вайну

741
(абноўлена 18:36 08.05.2020)
З нагоды святкавання Дня перамогі Sputnik зрабіў сваю версію лепшых фільмаў пра вайну ад беларускага кінематографа.

Беларускія фільмы пра вайну адметныя праз рэалістычнасць, праўдзівасць і нерв драматургіі, што нікога не пакідаюць абыякавымі.

Ідзі і глядзі (1985)

Бадай, самы праўдзівы фільм пра жахі найвялікшага ліхалецця ХХ стагодзя. Рэжысёр Элем Клімаў ішоў да яго стварэння ўсё сваё жыццё. Клімаў пабычыў твар вайны на свае ўласныя вочы, нажаль, у дзіцячым узросце, што зрабіла незагойную рану на яго сэрцы. Са слоў рэжысёра, ён ведаў ужо з той пары, што павінен зняць фільм пра вайну. Без упрыгожванняў. Без выдумак.

Кадр з фільму Элема Клімава Ідзі і глядзі
© Sputnik / Яўген Коктыш
Кадр з фільму Элема Клімава "Ідзі і глядзі"

Выдумак няма ў стужцы, выдумак няма і ў тым, што падчас паказу фільму ў ЗША ля кінатэатраў дзяжурылі карэты "хуткай дапамогі" — людзі ад пабачанага страчвалі прытомнасць.

Падрабязней — >> "Лепшыя фільмы пра вайну: "Ідзі і глядзі".

Цераз могілкі (1965)

Віктар Тураў, як і Клімаў, бачыў вайну і маўчаць не мусіў. Адна з найвыбітнейшых постацей у гісторыі беларускага кінамастацтва, знакамітая сваімі экранізацыямі. Фільм "Цераз могілкі" быў зняты рэжысёрам у якасці дыпломнай работы, і ці мог падумаць тады Тураў, што пазней ён будзе ўнесены ЮНЕСКА ў спіс лепшых фільмаў свету.

Кадр з фільму Цераз могілкі
© Sputnik
Кадр з фільму "Цераз могілкі"

Фільм зняты паводле апавядання аднаіменнай аповесці Паўла Ніліна ў 1965 годзе. Глыбокая, філасоўская стужка, якая прымушае гледача задумацца над кожным нюансам, прааналізаваць асобныя, на першы погляд выпадковыя, сцэны. Фільм прасякнуты сімвалізмам.

Падрабязней — >> "Лепшыя фільмы пра вайну: "Цераз могілкі".

Знак бяды (1986)

Наймацнейшае апавяданне Васіля Быкава не пакінула абыякавым Міхаіла Пташука.

На здымках фільму Знак бяды
© Sputnik / РИА Новости
На здымках фільму "Знак бяды"

Здымкі фільму праходзілі на хутары Бартнікі ў Баранавіцкім раёне Брэсцкай вобласці. Ідэю здымаць менавіта там Пташуку падсказаў старшыня калгасу "Кастрычнік" Леў Аліферка, дзе некалі Пташук здымаў сваю стужку "Вазьму твой боль".

Фільм зняты тонка, з густам і адзначаны шэрагам міжнародных узнагарод.

Падрабязней — >> "Лепшыя фільмы пра вайну: "Знак бяды".

Трэцяя ракета (1963)

Менавіта праз гэты фільм твор Васіля Быкава трапіў на беларускія экраны ўпершыню. Стужка Рычарда Віктарава выйшла ў 1963 годзе. Характэрная адметнасць стужкі — адсутнасць галоўнага героя. Цягам усяго фільму на экране фігуруюць толькі шэсць чалавек рознай нацыянальнасці і ўсе рэжысёрам паказаны роўнымі перад тварам вайны.

Падрабязней — >> "Лепшыя фільмы пра вайну: "Трэцяя ракета".

Альпійская балада (1965)

Фільм пра гісторыю кахання скрозь прызму гарматаў і нястачы. Зноў за аснову ўзята апавяданне Быкава, гэтым разам рэжысёрам Барысам Сцяпанавым. Гэта гісторыя пра тры кароткія дні, якія героям падаліся бясконцымі. Дні, якія падаравалі былым вязням канцлагеру шчырае каханне і надзею на ратаванне.

Падрабязней — >> "Лепшыя фільмы пра вайну: "Альпійская балада".

Гадзіннік спыніўся апоўначы (1959)

А гэты фільм знакаміты праз ролю актрысы Рыты Гладунко і выкананне ёй песні ў доме ворага на беларускай мове, за што яна была адзначана першай прэміяй на кінафестывалі ў Кіеве. У год выхаду фільма яго прагледзела больш за 35 мільёнаў чалавек.

Фільм мае складаную гісторыю — ён быў пастаўлены "Беларусьфільмам" у 1959, але выйшаў на вялікія экраны толькі ў 1974-м пасля аднаўлення на кінастудыі імя Горкага.

Падрабязней — >> "Лепшыя фільмы пра вайну: "Гадзіннік спыніўся апоўначы".

Дзяўчынка шукае бацьку (1959)

"Беларусьфільм" славіўся не толькі фільмамі пра вайну, але і дзіцячымі. Калі ж дзве моцныя плыні спалучаюцца, то твор становіцца папулярным. Такім атрымалася экранізацыя Льва Голуба, майстра беларускага дзіцячага кіно, "Дзяўчынка шукае бацьку" паводле аднаіменнага апавядання Кастуся Губарэвіча. Фільм пра сапраўднае сяброўства, шчырасць і прыгоды дзяцей у савецкі час прыйшоўся да спадобы кожнаму.

Кадр з фільму Дзяўчынка шукае бацьку
© Sputnik / РИА Новости
Кадр з фільму "Дзяўчынка шукае бацьку"

Падрабязней — >> "Лепшыя фільмы пра вайну: "Дзяўчынка шукае бацьку".

Вуліца малодшага сына (1962)

Трагедыя адной жанчыны. Яе муж ідзе на фронт, а адзіны сын дапамагае партызанам у барацьбе з фашыстамі. Прайшоўшы праз шмат выпрабаванняў і пазбегнуўшы шмат небяспечных сітуацыі, яе сын падарваўся на міне ля сваёй хаты. Фільм-узор піянерскага геройства ў экранізацыі Льва Голуба.

Саша Корнеў у ролі Валодзі Дубініна ў фільме Л. Голуба Вуліца малодшага сына
© Sputnik / РИА Новости
Саша Корнеў у ролі Валодзі Дубініна ў фільме Л. Голуба "Вуліца малодшага сына"

Падрабязней — >> "Лепшыя фільмы пра вайну: "Вуліца малодшага сына".

У жніўні 44-га (2000)

Адзін з лепшых фільмаў Міхаіла Пташука паводле апавядання Уладзіміра Багамолава "Момант ісціны (у жніўні 44-га)". Фільм сумеснай вытворчасці Беларусі і Расіі пра дзейнасць контрразведкі і вышук шпіёнаў напрыканцы вайны на тэрыторыі Беларусі. Выдатны акцёрскі складнік і майстэрства Пташука зрабілі стужку па-сапраўднаму культавай.

Брэсцкая крэпасць (2010)

Рэжысёр Аляксандр Кот узяў за аснову сюжэта першыя дні абароны Брэсцкай крэпасці. Выдатныя дэкарацыі і спецэфекты прывабілі вялікую колькасць гледачоў, а майстэрства акцёраў і неўміручая тэма вайны прымусіла большасць з іх расчуліцца напрыканцы стужкі. На думку кінакрытыкаў, "Брэсцкая крэпасць" — найлепшы фільм пра вайну з батальнымі сцэнамі з часоў "Ідзі і глядзі" Элема Клімава.

741
Тэги:
Вялікая Айчынная вайна (1941-1945), Кіно, Беларусьфільм, Беларусь

Сяргей Лаўроў аб выніках працы расійскай дыпламатыі ў 2020 годзе

10
(абноўлена 14:32 18.01.2021)
Вялікая прэс-канферэнцыя кіраўніка расійскага МЗС упершыню прайшла цалкам у анлайн-фармаце. Кіраўнік расійскага МЗС адказаў на пытанні журналістаў па актуальных пытаннях міжнароднага парадку.

Міністр замежных спраў РФ Сяргей Лаўроў даў у панядзелак, 18 студзеня, прэс-канферэнцыю.

Тэма вялікай прэс-канферэнцыі кіраўніка расійскага МЗС - вынікі працы расійскай дыпламатыі ў 2020 годзе. Мерапрыемства праходзіць штогод у першыя працоўныя тыдні студзеня.

У выніках года мінулага - пандэмія каронавіруса і яе ўплыў на міжнародную палітыку, канфлікт у Нагорным Карабаху, выбары ў Беларусі і пратэсты, якія рушылі за імі, напружанасць у адносінах з ЗША, па-ранейшаму не вырашаная сітуацыя ў Данбасе. Але і бягучы год ужо пазначыў шэраг неадназначных сітуацый: новая адміністрацыя ЗША, выхад Расіі з Дамовы па адкрытым небе, ДСНУ, тэрмін якой мінае.

Прэс-канферэнцыя ўпершыню прайшла цалкам у анлайн-фармаце.

10
Тэги:
Сяргей Лаўроў, МЗС РФ, Расія
Урач-педыятр, кандыдат медыцынскіх навук Яўген Камароўскі

Антыбіётыкі "для прафілактыкі": піць ці не піць, раіць доктар Камароўскі

24
(абноўлена 15:23 15.01.2021)
Як антыбіётыкі ўплываюць на каронавірусную інфекцыю, і ці варта займацца самалячэннем, разважае ўрач-педыятр, кандыдат медыцынскіх навук Яўген Камароўскі.
Стоит ли пить антибиотики "для профилактики": отвечает доктор Комаровский

Чаму не ўсе лекавыя прэпараты эфектыўны ў барацьбе з COVID, разважае доктар Камароўскі.

Ва ўсім свеце каронавірусную інфекцыю дыягнаставалі ўжо ў 92 мільёнаў чалавек. Такія дадзеныя прыводзіць Універсітэт Хопкінса. Ахвярамі COVID сталі ўжо амаль 2 мільёны чалавек. З-за таго, што вірус па-ранейшаму мала вывучаны, многія пацыенты больш давяраюць лекам, якія добра зарэкамендавалі сябе ў барацьбе з іншымі хваробамі. Але, да прыкладу, да антыбіётыкаў ёсць пытанні, адзначае доктар Камароўскі ў сваім Youtube-канале.

"З тых, хто мае нейкія сімптомы віруснай інфекцыі, абсалютная большасць наогул на гэта не рэагуе. Працягвае з гэтымі соплямі жыць звычайным жыццём, хадзіць на працу... І паспяхова здаравее!", - упэўнены ён.

Па словах доктара, арганізм чалавека ў пераважнай большасці выпадкаў здольны не тое, што без антыбіётыкаў, а наогул без лекаў справіцца з рэспіраторнай віруснай інфекцыяй, і з каронавіруснай у прыватнасці. Але і адмаўляцца ад медыцынскай дапамогі не варта.

"Так, ёсць пэўныя прыкметы, калі трэба звяртацца па медыцынскую дапамогу. Іх, вядома, трэба ведаць. Але гэта не аргумент на карысць выкарыстання антыбіётыкаў. Абсалютная большасць тых, хто не прымаў антыбіётыкі пры каронавірусе, ходзіць, мае зносіны, і даўным-даўно на працы ці ў школе", - кажа Камароўскі.

Нагадаем, адразу ў некалькіх краінах, у тым ліку і ў Беларусі, цяпер праходзіць вакцынацыя расійскім прэпаратам "Спутник V". Гэта першая ў свеце зарэгістраваная вакцына для прафілактыкі COVID-19, распрацаваная НІЦЭМ ім. Гамалеі.

"Спутник V" створаны на вывучанай і праверанай платформе адэнавірусных вектараў чалавека, важнымі перавагамі якой з'яўляюцца бяспека, эфектыўнасць і адсутнасць доўгатэрміновых негатыўных наступстваў.

Каментарый лекара-педыятра, кандыдата медыцынскіх навук Яўгена Камароўскага слухайце ў аўдыёзапісе на радыё Sputnik Беларусь.

Чытайце таксама:

24
Тэги:
каронавірус, парады ўрача
Тэмы:
Каронавірус COVID-19
Віктар Бабарыка

КДБ перадаў у Генэральную пракуратуру справу Віктара Бабарыкі

3
(абноўлена 16:14 18.01.2021)
Мера стрымання ў дачыненні да абвінавачаных пакінута ранейшай: сем чалавек, у тым ліку Бабарыка, знаходзяцца пад вартай, адзін - пад хатнім арыштам.

МІНСК, 18 сту – Sputnik. Следчае упраўленне КДБ перадала ў Генеральную пракуратуру для накіравання ў суд крымінальную справу ў дачыненні да топ-мэнэджараў ААТ "Белгазпрамбанк", паведамілі Sputnik у панядзелак у КДБ Беларусі.

"Абвінавачаныя і іх абаронцы азнаёміліся з матэрыяламі крымінальнай справы. Мера стрымання ў дачыненні да абвінавачаных пакінута ранейшай: сем чалавек, у тым ліку Бабарыка, знаходзяцца пад вартай, адзін - пад хатнім арыштам", - паведамілі ў Камітэце дзяржаўнай бяспекі.

Там адзначылі, што хадайніцтваў аб спыненні крымінальнага пераследу па прадугледжаных Крымінальным кодэксам падставах, а таксама аб правядзенні дадатковых следчых дзеянняў ніхто з абвінавачаных, за выключэннем Бабарыкі, не заявіў.

Абвінавачванне

Згодна з матэрыяламі справы, якую вёў КДБ, Бабарыка абвінавачваецца ў здзяйсненні злачынстваў, прадугледжаных ч. 3 арт. 430 і ч. 2 арт. 235, - атрыманні хабараў арганізаванай групай у асабліва буйным памеры, а таксама легалізацыі ("адмыванні") сродкаў, атрыманых злачынным шляхам у асабліва буйным памеры адпаведна. Бабарыка адзіны фігурант, які віну не прызнаў.

Паводле звестак КДБ, намеснікам старшыні праўлення банка Сяргею Шабану, Аляксандру Ільясюку, Кірылу Бадзею, Дзмітрыю Кузьмічу, а таксама былым першаму намесніку старшыні праўлення Аляксею Задойку і намесніку старшыні праўлення Сяргею Дабралету прад'яўлена абвінавачванне ў здзяйсненні злачынства, прадугледжанага ч.3 арт.430 (атрыманне хабару) КК Беларусі.

Заснавальніку ТАА "Актыўлізінг" Віктару Кабяку прад'яўленае абвінавачванне ў здзяйсненні злачынства па ч. 2 арт. 431 КК Рэспублікі Беларусь (дача хабару ў буйным памеры). У КДБ паведамілі, што "усе фігуранты цалкам прызналі сваю віну ў інкрымінаваных ім злачынствах, за выключэннем Бабарыкі".

Фінансавая міліцыя КДК прыйшла з вобыскамі ў Белгазпрамбанк, які раней узначальваў Бабарыка, 11 чэрвеня. Была ўзбуджана крымінальная справа за фінансавыя махінацыі: ухіленне ад выплаты падаткаў і "адмыванне" грошаў, атрыманых злачынным шляхам. Праз некалькі дзён быў затрыманы Бабарыка, яго сын і яшчэ шэраг падазроных. З 18 чэрвеня Віктар і Эдуард Бабарыка знаходзяцца пад вартай у СІЗА КДБ, 24 Ліпеня Бабарыка-старэйшаму было прад'яўлена новае абвінавачванне.

Раней тое, што адбываецца ў Белгазпрамбанку, пракаментавалі асноўныя акцыянеры - Газпром і Газпромбанк. У сумесным рэлізе кампаніі заявілі аб супрацьзаконным назначэннi часовай адміністрацыі і аб парушэнні ўладамі Беларусі як беларускага заканадаўства, так і дамоваў ЕАЭС.

Чытайце таксама:

3
Тэги:
Беларусь, Генеральная пракуратура Беларусі, КДБ РБ, Віктар Бабарыка