Мінск, 27 сне — Sputnik. У гэты дзень у 1912 годзе ў Чэрвені (Ігумен) Мінскай вобласці нарадзіўся Уладзімір Адамавіч Кароль,вядомы савецкі архітэктар, адзін з сааўтараў мемарыяла "Брэсцкая крэпасць-герой".
Аднак не толькі гэтым знакавым помнікам Вялікай Айчыннай вайны увайшоў у гісторыю яе удзельнік, абронца Ленінграда. У 1945 годзе Уладімір Адамавіч вяртаецца на радзіму і прыступае да распрацоўкі праекта планіроўкі і застройкі цэнтра зруйнаванага Мінска. Сумесна з суаўтарамі У. А. Кароль распрацаваў у 1948-1969 гадах генеральны план Мінска, Ленінскага праспекта (праспекта Незалежнасці) ад плошчы Перамогі да плошчы Калініна, цэнтральнай плошчы, Галоўнага паштамта і Цэнтральнага тэлеграфа Мінска, помніка на плошчы Перамогі.
У якасці прадстаўніка Беларусі прымаў удзел у рабоце Камітэта па жыллёвым пытанні, будаўніцтве і горадабудаўніцтве Еўрапейскай эканамічнай камісіі Арганізацыі Аб'яднаных Нацый.
З 1947 года Уладзімір Адамавіч пачаў працаваць выкладчыкам, а затым і загадчыкам кафедры горадабудаўніцтва архітэктурнага факультэта Беларускага політэхнічнага інстытута.
У 1970 годзе Уладзімір Адамовіч Кароль быў удастоены звання народнага архітэктара СССР. Яго імя носіць адна з вуліц горада Мінска.
