Лідэр гурта Палац Алег Хаменка

Алег Хаменка: Каляды самае светлае беларускае свята

105
(абноўлена 15:08 06.12.2017)
Сёлета свой юбілей адзначае штогадовы фестываль "Калядны фэст", у якім возьме ўдзел гурт "Палац".

Напярэдадні зімовых святаў карэспандэнт Sputnik пагутарыў з лідэрам гурта "Палац" Алегам Хаменкам і даведаўся пра яго стаўленне да Калядаў.

— Якое ваша асабістае стаўленне да гэтага свята і ці можа ёсць у вас якія-небудзь успаміны з дзяцінства прыемныя, звязаныя з калядаваннем?

— Каляды — традыцыйнае свята, якое лічыцца самым вясёлым і самым значным у каляндарным абрадзе беларусаў, ну і для мяне, і ў нашай краіне да гэтага часу, мне здаецца, што гэта самае светлае і ў некаторым сэнсе апалітычнае свята са сваімі абрадамі, са сваімі традыцыямі, вельмі прыгожымі, вельмі красамоўнымі, пачастункамі, і ўвесь фолькавы сусвет якраз прысутнічае ў калядным свяце, бо некаторая атрыбутыка ў іншых святах у такім выдатным выглядзе не прадстаўлена.

— А што вам больш за ўсё падабаецца ў Калядах — хаджэнне па хатах, спевы і танцы ці, напрыклад, яскравасць касцюмаў?

— Мне больш за ўсё падапаецца легенда гэтага свята. Каляды — трыадзінае свята, якое важна ўвогуле для большасці культур сусвету, яшчэ пачынаючы ад Вавілона. У Беларусі дахрысціянскія каляды ўяўлялі сабой тры святы, тры куцці, бо было тры моманты, якія трэба было перайсці дзеля таго, каб падвесці вынікі, сустрэць нешта новае і зноў штурхнуцца да таго, каб рухацца наперад. Тое ж самае мы бачым і ў хрысціянскай традыцыі — нараджэнне Збавіцеля, прызнанне Збавіцеля і ахрышчэнне Збавіцеля — гэтыя самыя тры куцці. І легенда, на падставе яе і адбываюцца ўсе калядныя абрады, асэнсаванне таго, як гэта можа рухацца, тады і новыя рэчы можна таксама прыдумляць, дзякуючы таму, што ёсць вось гэтая цудная легенда.

— Можа, вы можаце прыгадаць які-небудзь цікавы выпадак, звязаны з Калядамі?

— Было шмат цікавых выпадкаў. Да мяне прыходзяць дзеці. У Малінаўцы, гэтым спальным раёне, чамусьці нехта неяк з гэтых дзяцей (я іх не ведаю) дазнаўся, што я там жыву і што я заўсёды пакаштую, калі зайдуць на Каляды. Дарэчы, такая даўнішняя традыцыя была, што калядоўшчыкаў абавязкова чакалі. Мала таго, калі калядоўшчыкі не заходзілі ў якую-небудзь хату, то нават крыўдавалі. І дзеці прыходзяць да мяне на Каляды — і па Грыгарыянскім, і па Юліянскім календары — і ўсё, што ў мяне ёсць, я ім аддаю, яны гэта памятаюць. Канешне, яны хутчэй апрануты па-карнавальнаму, чым калядоўшчыкі. Але ва ўсялякім выпадку гэта вельмі цікава, і такі выпадак штогод адбываецца, ён мяне цешыць, і я чакаю, што яны і ў гэтым годзе завітаюць.

Увогуле, былі розныя прыгоды пад Каляды. Гэтыя жарты былі заўсёды звязаны з сябрамі. І елка, і зайчык, і гарэлка, і кіўбасы — з гэтымі рэчамі можа быць процьма цікавых выпадкаў.

Юбілейны 10-ты "Калядны фэст" адбудзецца 25 снежня ў сталічным клубе Re: Public. 

105
Тэги:
Каляды, Алег Хаменка, Беларусь
Тэмы:
Беларускія Каляды (39)
По теме
Беларускія Каляды

У Сочы 99-гадовая ветэран ВАВ паўдзельнічала ў гонках на багі відэа

14
(абноўлена 11:47 04.05.2021)
Для гэтага Марыя Калтакова з Белгарада адправілася ў Сочы, на чарнаморскі курорт. Экстрэмальны заезд у гарах бабуля прысвяціла свайму любімаму святу - Дню Перамогі. Як гэта было - глядзіце на відэа.

Ветэран асядлала жалезны багі ўпершыню. Мяркуючы па словах Марыі Дзянісаўны, яе чаканні тэхніка цалкам апраўдала.

"Уражанні цудоўныя, нечаканыя, не думала, што я буду так: налева, направа, пад горку, уверх, дрэвы перасягнулі. Усе выдатна!" - распавяла 99-гадовая ветэран ВАВ.

Зрэшты, гэта не адзінае дасягненне бабулі за апошнія гады. Марыя Калтакова -13-разовая рэкардсменка Кнігі рэкордаў Расіі. Яна кіравала танкам, удзельнічала ў чэмпіянаце па кулявой стральбе, ездзіла на картынг, лётала ў аэратрубе.

У 1942 году Марыя Дзянісаўна сышла добраахвотнікам на фронт. У баях была двойчы паранена. За гады вайны выратавала жыцці больш як 300 параненых салдат, за што ўзнагароджана медалём "За адвагу". Вызваляла ад захопнікаў Украіну, Польшчу, Чэхаславакію.

Перамогу Марыя Калтакова сустрэла ў Празе 14 мая 1945 года.

Глядзіце таксама:

14
Тэги:
відэа, Дзень Перамогі, ВАВ, Ветэраны, Сочы
Салісты ансамбля Песняры Анатоль Кашапараў і Леанід Барткевіч

"Класіку трэба берагчы": Кашапараў не стрымаў эмоцый у памяць аб Барткевічы

94
(абноўлена 13:17 14.04.2021)
Усім, хто датычны да класікі, трэба цёплае стаўленне, перакананы саліст залатога складу "Песняроў" Анатоль Кашапараў; на яго думку, у лёсе яго сябра і калегі Леаніда Барткевіча сваю ролю адыграў, у тым ліку, і недахоп увагі з боку дзяржавы.
"Классику надо оберегать": Кашепаров не сдержал эмоций в память о Борткевиче

Саліст залатога складу "Песняроў" Анатоль Кашапараў цяпер знаходзіцца ў ЗША, у гутарцы з вядучым радыё Sputnik Вячаславам Шарапавым ён падзяліўся асабістымі ўспамінамі пра Леаніда Барткевіча, які памёр напярэдадні ў адной з мінскіх бальніц.

"Чарговы самародак сышоў з нашага калектыву. Шмат зайздроснікаў, на жаль, жыццё такое, што нас стала атачаць шмат нядобрых людзей. Я думаю, што недахоп увагі, можа, нават ад нашай рэспублікі да ўсіх. Крыўдна. За дзяржаву крыўдна", - падзяліўся сваім меркаваннем Кашапараў.

"Лёня быў... Ён быццам ў гэтым жыцці хацеў папоўніць тое, чаго яму не хапала. Ён быў вялікі фантазёр, шмат ствараў. Але гэта адбывалася не ад таго, што ён хацеў нейкага зла або намеру, а проста ад недахопу не тое што ўвагі, ну нельга так ставіцца, разумееце. Усё ж такі калектыў быў і застаўся, і ў далейшым былі нядрэнныя напрацоўкі. Нельга так рабіць. На жаль, сышоў чарговы чалавек пасля Мулявіна. Проста так нельга. І ў цішыні, і ўсё .. Ён казаў, што кватэру далі і зямлю выдзелілі. Гэта ўсё пашанцавала, ён на маладой быў жанаты, ім як маладым сем'ям далі", - распавёў Кашапараў.

Суразмоўца Sputnik расказаў, што напярэдадні прачнуўся вельмі рана і доўга не мог спаць пасля таго, як атрымаў мноства званкоў. "Усё-ўсё перадумаў: і чаму так адбываецца, чаму вакол столькі шмат злых людзей, я ведаю, што яны былі супраць Барткевіча і застаюцца супраць мяне, але гэта мяне не турбуе, гэта як сцяну ілбом прабіваць", прызнаўся Кашапараў.

"Мне сапраўды вельмі балюча, што сышоў чалавек", - на гэтай фразе чуваць, як суразмоўца Sputnik плача.

"Я не скажу, што таленавітых няма, вядома ж, яны вакол. Але трэба вось гэта святое, класіку гэтую трэба ахоўваць. І хто быў датычны да гэтай класікі, да гэтага святога, да іх трэба таксама цёплае стаўленне, не трэба гэтых злых слоў, не трэба нічога. Людзі, супакойцеся, кароткае жыццё. Вы бачыце, як гэта ўсё сканчаецца. Планаў наладзяць, а ўсё гэта ... ", - сказаў Кашапараў.

Саліст "Песняроў" падзяліўся ўспамінамі: "У тыя часы многа чаго не было, шмотак не хапала добрых, дзесьці ў крамах не зусім усё было, але была вось гэтая душэўнасць. Прыходзіш ў госці, і стол адразу накрываўся . Вось гэтага цяпер няма, людзі сталі як робаты ", сказаў ён.

"З Лёнем былі і раней сябрамі, вядома, у апошнія гады ён адкрыўся трошкі з іншага боку. Царства яму нябеснае, вельмі шкада, што я ў сілу абставінаў не магу зараз у Мінск трапіць", - дадаў Кашапараў.

Цырымонія развітання з заслужаным артыстам Леанідам Барткевічам пройдзе ў чацвер, 15 красавіка, грамадзянская паніхіда плануецца ў будынку Белдзяржфілармоніі ў Мінску, пахаванне пройдзе на Усходніх могілках у сталіцы. Аб смерці вядомага артыста стала вядома ў аўторак 13 красавіка, Леанід Барткевіч памёр у бальніцы ад ускладненняў пасля цукровага дыябету, не дажыўшы крыху больш за месяц да 72-га дня нараджэння.

Чытайце таксама:

94
Тэги:
дзяржава, "Песняры", Ленід Барткевіч, Анатоль Кашапараў
Прэм'ер-міністр Беларусі Раман Галоўчанка

Жорсткае цэнавое рэгуляванне пракаменціраваў прэм'ер Беларусі

10
(абноўлена 09:15 15.05.2021)
Змяненне цэн на сацыяльна-значныя тавары першай неабходнасці ў Беларусі з 1 сакавіка не павінна перавышаць 0,2% у месяц.

МІНСК, 15 тра - Sputnik. Беларускія ўлады пазітыўна ацэньваюць жорсткае рэгуляванне цэн на сацыяльна-значныя прадукты, заявіў прэм'ер-міністр Раман Галоўчанка.

"Уведзена дастаткова жорсткае цэнавае рэгуляванне, яно сябе апраўдала. Мы глядзім на мэтазгоднасць яго падаўжэння або спынення, гэтае пытанне цяпер абмяркоўваецца", - заявіў ён падчас рабочай паездкі ў Брэсцкую вобласць.

Відэа яго выступлення распаўсюдзіла прэс-служба Савета міністраў. Па словах прэм'ера, важнае рашэнне было прынята ў той момант, калі "сусветны рынак харчавання перажывае бум": кошты растуць амаль на ўсе віды прадукцыі.

"Каб гэтыя інфляцыйныя шокі ня пераносіліся ў поўнай меры на наша насельніцтва, мы не дапускаем росту цэн", - падкрэсліў Галоўчанка.

І дадаў, што на прадпрыемствах усіх форм уласнасці дастаткова запасаў мясной прадукцыі, каб цалкам забяспечыць унутраны рынак. Што тычыцца экспарту прадуктаў харчавання, то ён нарошчваецца толькі тады, калі задаволены патрэбнасці ўнутранага рынку.

Жорсткае цэнавое рэгуляванне ў Беларусі

Урад Беларусі ў лютым вырашыў, што з 1 сакавіка змяненне цэн на сацыяльна значныя тавары першай неабходнасці не можа перавышаць 0,2% у месяц. У пералік увайшлі 62 пазіцыі тавараў і прыкладна паўсотні лекаў.

Пастановай міністэрства антыманапольнага рэгулявання і гандлю таксама ўведзена цэнавае рэгуляванне на 18 груп сацыяльна значных тавараў з 1 студзеня па 29 чэрвеня ўключна.

Гэта датычыцца рыбы, мяса і каўбасных вырабаў, мяса курэй і курыных яек, сыроў, сметанковага, сланечнікавага і рапсавага алею, малочных прадуктаў. Таксама ў гэты пералік уваходзяць малако, кефір і смятана, пшанічная мука, хлеб, рыс, грэчка, аўсяныя шматкі, цукар, макароны, шэраг плодаагародніннай прадукцыі і дзіцячае харчаванне.

Чытайце таксама:

10
Тэги:
тавар, Беларусь, прэм'ер, цэны