Велікоднае набажэнства прайшло ў ноч на нядзелю ў Архікатэдральным саборы Святога Імя Найсвяцейшай Дзевы Марыі ў Мінску. Рэлігійнае мерапрыемства сабрала сотні вернікаў, а святую імшу правёў Арцыбіскуп мітрапаліт Мінска-Магілёўскі Тадэвуш Кандрусевіч.
Праваслаўныя вернікі адзначылі уваскрасенне Хрыста ў Свята-Духавым Кафедральным саборы беларускай сталіцы. Сотні вернікаў сабраліся на хросны ход, які адбыўся каля храма. Затым прайшло святочнае набажэнства, якое правёў мітрапаліт Мінскі і Заслаўскі Павел, Патрыяршы экзарх усяе Беларусі.
Уваскрасенне Хрыста — галоўнае свята для ўсяго хрысціянскага свету, якое абвяшчае перамогу святла над цемрай і якое нясе вялікую радасць і надзею на вечнае жыццё. У дзень Вялікадня ў вернікаў надыходзіць разгавенне пасля доўгага посту, і трапеза ў хрысціян самая вытанчаная — кулічы, яйкі, мясныя стравы і тварог. Велікодныя ўрачыстасці працягваюцца 40 дзён — да Ушэсця — і ўвесь гэты час вернікі сустракаюць адзін аднаго прывітаннем "Хрыстос Уваскрос!".
