Для перамогі рост і сямейнае становішча не галоўнае, важна выдатна выглядаць і мець багаты ўнутраны свет. Шукае рэдкія асобнікі і, што дзіўна, знаходзіць подыум-школа мадэльнага агенцтва Сяргея Нагорнага. Пасля двух месяцаў штодзённых рэпетыцый хлопцы перастаюць чырванець і саромецца ўласнага цела, прагнуць славы і прыгод (напрыклад, скокнуць з парашутам).
Зала ледзь не расплакалася, калі вядучыя зачытвалі ўрыўкі з аўтабіяграфіі канкурсантаў: "адказны і вельмі таварыскі", "люблю рыбалку і сваіх дзяцей", "мару навучыцца граць на фартэпіяна", "не ўяўляю сваё жыццё без сцэны", "валодаю рознымі тэхнікамі масажу", "мама, тата, я вас вельмі люблю"…
Дадаў фарбаў у партрэты дыджэй гарадскога радыё Анастасія Лісоўская. "Хто такі Гамэр?" — "Герой "Сімпсанаў"", "Самы экстрэмальны ўчынак у тваім жыцці?" — "Забіў ў цемры камара", "Хто аўтар выразу "прыгажосць выратуе свет"?" — "Магчыма, Пушкарова". Прынамсі, з пачуццём гумару ў хлопцаў усё ў парадку.
Потым ужо, за кулісамі, канкурсанты прызнаюцца, што бліц-апытанне Анастасіі было самым складаным выпрабаваннем. Што было далей, чытайце і глядзіце ў фотастужцы Sputnik.
