У сталічным Батанічным садзе 14 лютага адкрыўся фестываль велізарных кітайскіх ліхтароў. Некалькі дзясяткаў майстроў 12 дзён збіралі незвычайныя фігуры з металу і тканіны, усе матэрыялы для гэтага спецыяльна везлі з Паднябеснай. Дзякуючы падсветцы фігуры здаюцца бязважкімі.
У парку да 31 сакавіка пасяліліся панды, гарылы, сланы, бегемоты, выраслі незвычайныя расліны - усяго больш за 500 экспанатаў. Галоўнай фігурай стаў гіганцкі цмок. Але дакрануцца да незвычайных ліхтароў нельга, каб не пашкодзіць тканіну.
1/15
© Sputnik / Альфред Микус
Фестываль гіганцкіх кітайскіх ліхтароў адкрыўся на тэрыторыі Батанічнага саду ў Мінску.
2/15
© Sputnik / Альфред Микус
Кожны дзень да 31 сакавіка тут можна ўбачыць больш за 25 светлавых кампазіцый вышынёй ад 2 да 5 метраў і даўжынёй да 20 метраў.
3/15
© Sputnik / Альфред Микус
Шыкоўныя экспанаты створаны камандай кітайскіх майстроў.
4/15
© Sputnik / Альфред Микус
У экспанатах злучыліся шматвяковае мастацтва кітайскіх ліхтароў і сучасныя тэхналогіі.
5/15
© Sputnik / Альфред Микус
Фігуры створаны з металічнага каркаса і тканіны рознага колеру. Знутры канструкцыя падсвятляецца.
6/15
© Sputnik / Альфред Микус
Дзякуючы такой тэхналогіі экспанаты здаюцца бязважкімі.
7/15
© Sputnik / Альфред Микус
Усяго ў садзе размясцілі каля 50 фігур, сярод якіх - жывёлы, птушкі, расліны.
8/15
© Sputnik / Альфред Микус
Многія вобразы створаны на стыку рэальнасці і фантазіі.
9/15
© Sputnik / Альфред Микус
Захапляцца незвычайнымі фігурамі можна толькі на адлегласці - наведвальнікам нельга дакрануцца да скульптур, якія агароджаныя стужкай.
10/15
© Sputnik / Альфред Микус
Аднак рабіць памятныя фота ніхто не забараняў, гэта нават трэба рабіць.
11/15
© Sputnik / Альфред Микус
Каб надаць парку больш рэальную атмасферу, стваральнікі паспрабавалі "ажывіць" звяроў - хтосьці рыкае, хтосьці рохкае.
12/15
© Sputnik / Альфред Микус
Адной з галоўных фігур светлавой інсталяцыі стаў цмок як знакавы сімвал кітайскай культуры.
13/15
© Sputnik
Мантаж парку, па словах арганізатараў, заняў амаль два тыдні. Усе камплектуючыя былі спецыяльна прывезены з Кітая.
14/15
© Sputnik / Альфред Микус
Каб убачыць незвычайныя фігуры першымі, мінчане задоўга сабраліся ля Батанічнага саду.
15/15
© Sputnik / Альфред Микус
Стваральнікі натхніліся традыцыйным "Святам ліхтароў" - звычаю ўжо больш за дзве тысячы гадоў.
