Кушлянскі фэст прайшоў у сядзібе Францішка Багушэвіча: было гучна

Кушлянскі фэст прайшоў у музее-сядзібе Францішка Багушэвіча 29 чэрвеня.

Гэта не першы фэст, які праводзіць Дзяржаўны музей гісторыі беларускай літаратуры.

Лозунг "Кушлянскага фэсту – 2019" гучыць як "Усім будзе чутна: ад краю да краю!", а калі падзяліцца фота ў сацсетках - яшчэ і бачна.

На фэсце працаваў невялікі кірмаш рамеснікаў.

Можна было навучыцца рабіць традыцыйную беларускую выцінанку.

З дапамогай ручнога ткацтва можна рабіць паясы дзе заўгодна.

Трэба толькі замацаваць ніткі, з якіх сплятаецца пояс.

На фэсце можна было падсілкавацца рознымі прысмакамі.

Надвор'е выдалася добрае, таму адпачыць на прыродзе паехалі шмат аматараў беларускай музыкі і танцаў.

На фэсце таксама прайшоў сапраўдны "Дударскі батл".

Як пад гукі музыкі не пусціцца ў скокі!

За музыкамі і танцорамі прыемна назіраць.

Званы таксама ствараюць выдатную музыку, якую чуваць вельмі далёка. У даўніну лічылі, што званы могуць адпудзіць нячысцікаў ад сяла.

Традыцыйныя беларускія спевы таксама прагучалі на фестывалі.

Шмат хто з удзельнікаў свята прыехаў у народных уборах.

Маладыя паненкі з задавальненнем пазіравалі каля сядзібы.

Забіяцкія народныя танцы, дарэчы, вельмі простыя - далучыцца да карагода або паспрабаваць станцаваць у пары можа нават той, хто ніколі не танцаваў.

Калі хлопцаў няма, даводзіцца танцаваць і з сяброўкамі.

Падчас фестывалю наведвальнікаў чакалі розныя цікавыя квэсты і забаўкі.

На фэсце выступіла Кацярына Ваданосава.

Свята скончылася а пятай гадзіне вечара, яно атрымалася сапраўды ўтульным і душэўным.