Бітва за Мір: рэканструкцыя бою 1812 года прайшла ля сцен замка

Рэканструкцыя бітвы напалеонаўскіх войскаў і рускай арміі прайшла пад сценамі Мірскага замка ў суботу.

Яшчэ напярэдадні ўвечары войскі разбілі лагер на беразе ракі.

Уваход у лагер быў дазволены толькі рэканструктарам, а гасцям прыходзілася здавольвацца наглядам за бытам войскаў здалёк.

Бітва пачалася ў шэсць гадзін вечара.

Гледачы спяшаліся заняць лепшае месца ля агароджы, а некаторыя акупавалі замкавы вал, каб назіраць за бітвай з вышыні.

Французскія войскі маршыруюць да сваіх пазіцый.

Даволі цяжка ўявіць, як у такой яркай форме можна зрабіць засаду.

"Усё сваё нашу з сабой" - ранцы салдат бездакорныя ў сваёй дэталізацыі.

Кананіры зладжана коцяць гармату туды, дзе рыхтуецца наступленне.

Хоць стрэльбы не страляюць сапраўднымі патронамі, выглядае ўсё вельмі рэалістычна.

Калi страляе гармата, галоўнае - паспець адкрыць рот, інакш хадзіць потым з закладзенымі вушамі.

Гледачы, якія сабраліся каля агароджы з боку замка, былі крыху расчараваныя - асноўныя падзеі адбываліся ў садзе, і за дрэвамі складана было што-небудзь убачыць.

Так выглядала большасць сцэн бою для свецкіх рэканструктараў, якія не ўдзельнічалі ў бітве, аднак не выпусцілі выпадку размясціцца ў тыле войскаў.

Па шматлікіх просьбах вядучага мерапрыемства войскі выйшлі, нарэшце, на адкрытае месца.

Дзе іх, зразумела, чакала руская кавалерыя.

З'явіліся і першыя "забітыя".

Зрэшты, крыху адпачыўшы, яны ўставалі і як ні ў чым не бывала зноў ішлі ў атаку.

Рэканструкцыя бітвы доўжылася ўсяго каля гадзіны, але пакінула масу уражанняў.

Пасля бітвы рэканструктары вярнуліся ў лагер - адсвяткаваць перамогу сяброўства.

А над полем бітвы засталіся кружыць вароны, да смерці перапалоханыя стрэламі.