Падсілкавацца і пакрасавацца: як гулялі на Глушанскім хутарку

Фестываль народнай культуры і рамёстваў прайшоў пад Бабруйскам у дзясяты раз.

Ад аднаго позірку на сталы, поўныя смакаты, можна язык праглынуць.

Прырода пацешыла руплівых гаспадароў добрым ураджаем.

Адсвяткаваць надыход ураджайнай восені сабраліся ў Глушы аматары народных традыцый.

Нягледзячы на тое, што ўжо пахаладала, вочы цешаць прыгожыя рознакаляровыя сукенкі, яркія, як краскі восені.

Восеньскі вяночак пасуе любой прыгажуні.

Вось яно - увасабленне прыгожай беларускай дзяўчыны, сінявокай і з доўгай касой.

У Глушы можна было сустрэць шмат цікавых персанажаў.

Восеньскія кветкі ўпрыгожылі кожны падворак.

А дзяўчыны ўвосень - яркія і прыгожыя, як кветкі.

Майстры прадставілі свае вырабы, шмат якія выклікалі добрую ўсмешку.

Хлопчыкаў, як заўсёды, цікавяць гульні "ў вайну".

Людзі сталага ўзросту прыглядаюцца да рэчаў, якія спатрэбяцца ў гаспадарцы.

А вось на гаршчкі можна было не толькі паглядзець і набыць іх сабе...

...але і ўбачыць, як іх робяць.

Калі холадна - заўсёды можна сагрэцца песняй і танцам.

Або выпіць што-небудзь - і зноў жа пайсці скакаць!

Толькі ўявіце гэты пах! Нажаль, выхадныя скончыліся, але на наступных - апранайцеся цяплей і развітайцеся з летнім сезонам, калі не паспелі: хутка ўжо абяцаюць снег.

Хоць да зімы яшчэ далёка, як усе спадзяюцца, гэта не перашкаджае крыху пакалядаваць.

Спадзяемся, восень яшчэ затрымаецца і мы зможам налюбавацца яе яркімі краскамі.