Сваякі і блізкія затрыманых падчас пратэстаў у чаканні ў ЦІП на Акрэсціна.

Многія знаходзяцца тут ужо пятыя суткі.

Каля Акрэсціна - шмат валанцёраў, якія дапамагаюць родным і затрыманым.

Пасля прэзідэнцкіх выбараў у Беларусі падчас акцый пратэсту было затрымана каля сямі тысяч чалавек.

Сёння ўначы некаторыя з іх пачалі выходзіць на волю.

Затрыманых выпускаюць пад абавязацельствы няўдзелу ў несанкцыянаваных мерапрыемствах.

Сваякі і блізкія дзяжураць гадзінамі, складаюць спісы затрыманых.

Людзі каля ізалятара плачуць, абураюцца, падтрымліваюць адзін аднаго.

Спрабуюць даведацца інфармацыю ў фельчараў хуткай дапамогі.

Затрыманыя падчас пратэстаў выходзяць з ізалятара.

Як запэўніла старшыня Савета рэспублікі Наталля Качанава, на вечар чацвярга адпушчаныя больш за тысячу чалавек.

Большасць яшчэ застаецца ў ізалятары.

Многія скардзіліся на начныя збіванні.

Затрыманыя падчас пратэстаў паказваюць фотакарэспандэнтам свае траўмы і пабоі.

Раненні ад гумовых куляў.

Інфармацыю пра здзекі тут жа абверг намеснік міністра ўнутраных спраў Беларусі Аляксандр Барсукоў, які ўначы прыязджаў да ЦІП.

Некаторым адразу спатрэбілася дапамога хуткай.

Хуткая забірае збітага затрыманага, які толькі што выйшаў з ЦІП на Акрэсціна.

Затрыманыя падчас пратэстаў выходзяць з ЦІП на Акрэсціна.

Родныя сустракаюць выпушчаных з ЦІП на Акрэсціна.

Жанчыны ў белым і з кветкамі выйшлі ў сераду 12 жніўня на вуліцы Мінска з мірным пратэстам і заклікам "Не гвалту!"

Акцыю "ў белым" падтрымалі ў абласных гарадах: у Гомелі (на фота), у Гродне, Віцебску (дзе не абышлося без затрыманняў), у Брэсце.

Увечары на акцыю салідарнасці выйшлі медыкі. Яны збіраліся каля БДМУ ў Мінску.

Яны правялі мірную акцыю пратэсту ў Мінску з патрабаваньнем спыніць гвалт.

Да пратэстоўцаў прыйшоў кіраўнік Міністэрства аховы здароўя Уладзімір Каранік і прапанаваў "правесці размову". Аднак урачы адмовіліся размаўляць з ім.

Чыноўнік назваў акцыю пратэсту медыкаў зрэжысаванай.

На праспекце Пушкіна на месца гібелі пратэстоўца людзі другі дзень нясуць кветкі.

Пасля абеду 12-жніўня там пачалі збірацца мітынгоўцы.

Людзі выступаюць супраць гвалту падчас мірных пратэстаў.

Сваякі і сябры затрыманых удзельнікаў мітынгаў сабраліся каля следчага ізалятара ў Мінску 12 жніўня. Беларусы спрабуюць высветліць стан блізкіх ва ўрачоў, якія прыязджаюць да ізалятара. Тыя, каго выпускаюць, распавядаюць сваякам падрабязнасці ўтрымання ў ізалятары.

Спецтэхніка выязджае з ізалятара часовага ўтрымання на Акрэсціна. Тут утрымліваюцца зняволеныя на розныя тэрміны за ўдзел у пратэстах.

Жанчына з дзіцем на руках размаўляе па ўнутранай сувязі, каб даведацца пра свайго сваяка. Амаль шэсць тысяч чалавек былі затрыманыя за тры дні акцый пратэсту ў Беларусі, родныя і блізкія спрабуюць іх знайсці.

Вайскоўцы МУС Беларусі назіраюць з даху следчага ізалятара ў Мінску.

На вуліцы Акрэсціна цэлы дзень стаялі сотні сваякоў затрыманых. Хтосьці хацеў перадаць ваду, ежу і зменную бялізну сваім родным, хтосьці спрабаваў даведацца месцазнаходжанне блізкіх. У шэсць вечара людзям зачыталі абноўленыя спісы затрыманых.

Родныя і блізкія дзяжураць каля Акрэсціна і сёння ў надзеі, што пачнуць адпускаць затрыманых падчас акцый пратэстаў.

Пастаянна фармуюцца спісы з людзей, лёс якіх да гэтага часу не вядомы.

Бліжэй да вечара 12 жніўня людзі зноў сталі збірацца на пратэсты ў розных гарадах Беларусі. На фота: мірныя пратэсты ў Гомелі.

Людзі сабраліся і каля станцыі метро "Уручча", дзе актыўныя супрацьстаянні з сілавікамі былі 11 жніўня. Людзі, якія сабраліся, трымаюць у руках кветкі ці махаюць аўтамабілям. Пратэстоўцы выступаюць супраць гвалту і, такое адчуванне, што да іх прыслухаліся.

Па праспекце Незалежнасці прайшлі маршам людзі, якія адлюстроўвалі мірны пратэст супраць гвалту.

Калі ў цэнтры затрыманняў і сілавога супрацьстаяння не было, то ў некаторых раёнах сталіцы - напрыклад, у Малінаўцы - сілавікі выкарыстоўвалі зброю.

На праспекце Дзяржынскага, каля станцыі метро "Грушаўка" і іншых раёнах былі заўважаныя атрады АМАП. Каля парку імя Паўлава, дзе напярэдадні амапаўцы з ужываннем гумовых куль і светлашумавых гранат разганялі актывістаў, зноў сабраліся пратэстоўцы - яны сталі ў ланцуг салідарнасьці.

Невялікія групы пратэстуючых былі заўважаныя ў сераду ў Гомелі. Некаторыя з удзельнікаў мірных акцый пратэсту і самі не маглі разабрацца, дзе канкрэтна трэба збірацца.

Каля будынка цырка, дзе днём сталі ў ланцуг дзяўчыны ў белым, вечарам сабраліся мужчыны. Іх было да 100 чалавек, яны проста стаялі, размаўлялі паміж сабой. Каля 22 гадзін мірна пратэстоўцы раптам знайшлі лідараў. Некалькі чалавек у балаклавах пачалі шумець, заклікаць прысутных да актыўных дзеянняў, у руках у іх былі драўляныя палкі. Хтосьці з мітынгоўцаў назваў іх правакатарамі. Тым не менш людзям у балаклавах атрымалася павесці за сабой каля паўсотні пратэстуючых у бок плошчы Леніна.

У Гомелі не абышлося без затрыманняў. Як паведамілі сёння ў МУС, за ўдзел у несанкцыянаваных масавых мерапрыемствах затрыманыя каля 700 чалавек.