Цэрэмонія ўзнагароджання ветэранаў у музее ВАВ

Сі Цзіньпін ўзнагародзіў медалямі беларускіх ветэранаў

9
(абноўлена 17:10 11.05.2015)
Беларусы ўнеслі вялікі ўклад у справу барацьбы з фашызмам, заявіў падчас ўзнагароджання кіраўнік КНР.

МІНСК, 11 мая — Sputnik. Старшыня Кітайскай Народнай Рэспублікі Сі Цзіньпін ўзнагародзіў медалямі міру 15 беларускіх ветэранаў, якія прымалі ўдзел падчас Другой сусветнай вайны ў баях на Далёкім Усходзе і Ціхім Акіяне, паведамляе "РИА Новости".

Ўзнагароджанне ветэранаў прайшло ў рамках наведвання старшынёй КНР Беларускага дзяржаўнага музея гісторыі Вялікай Айчыннай вайны. Ва ўрачыстай цырымоніі ўдзел прымаў і прэзідэнт Беларусі Аляксандр Лукашэнка.

"Вы ўнеслі вялікі ўклад у барацьбу з сусветным фашызмам, з'яўляецеся абаронцамі міру на зямлі", —  сказаў кітайскі лідэр. Сі Цзіньпін падкрэсліў, звяртаючыся да ветэранаў, што беларускі народ устойліва прымаў на сябе першы ўдар вайны.

"Перад тварам самай жахлівай ў гісторыі чалавецтва вайны беларускі народ праявіў вялікую мужнасць. Устойліва прыняў на сябе першы ўдар вайны. Сваім жыццём і крывёй беларусы абаранілі годнасць і незалежнасць свайго народа і дзяржавы. Менавіта сваім гераізмам беларускі народ заваяваў павагу і прызнанне народаў усяго свету", — сказаў старшыня КНР.

Сі Цзіньпін звярнуў увагу, што беларусы ў шэрагах савецкай арміі плячом да пляча з кітайскім народам вызвалялі Кітай ад японскіх захопнікаў і паскорылі разгром японскага мілітарызму.

"Менавіта ў гэтыя гады крывёю было змацавана баявое сяброўства. Беларусы ў складзе савецкай арміі ваявалі ў нашай краіне з японскімі агрэсарамі падчас паветраных баёў, а таксама баявых аперацый на паўночным усходзе нашай краіны. Яны паскорылі разгром японскага мілітарызму. Нізкі вам паклон!", — сказаў Сі Цзіньпін.

Старшыня КНР заявіў, што кітайскі народ памятае гэты подзвіг. Ён таксама выказаўся супраць перагляду вынікаў Другой сусветнай вайны і заявіў пра гатоўнасць КНР разам з іншымі народамі, у тым ліку з беларусамі, адстойваць яе вынікі.

9
Тэги:
Урачыстае мерапрыемства, Ветэраны, Узнагароды і прэміі, Другая сусветная вайна (1939-1945), Сі Цзіньпін, Мінск, Беларусь
Каментары