День почерка

Літаналіз прамоваў прэзiдэнтаў

184
(абноўлена 21:37 12.10.2015)
Мы вырашылі не запампоўваць сур'ёзных праграмаў, каб вызначыць, якімі словамі Лукашэнка, Пуцін і Абама карысталіся падчас сваіх выступаў у ААН часцей. Замест гэтага закінулі іхнія прамовы перад Асамблеяй на просценькі сайт-аналізатар – "Я пишу, как…"

Алена Васільева, Sputnik.

Даводзім да вашай увагі, што вынікі аналізу нас значна ўразілі: беларускі прэзідэнт піша як амерыканскі фантаст сэр Артур Кларк, прамова расійскага лідэра была ацэнена як эсе вядомага амерыканскага эсэіста Дэвіда Фостера Уолэсам. Барак Абама выступіў праграме-аналізатару нагадаў змрочнага Лафкрафта, вядомага аўтара жахлівага фентезі. І цяпер падрабязней.

Аляксандр Луканэшка vs Артур Кларк

Александр Лукашенко во время выступления на Генассамблее ООН
© REUTERS / Eduardo Munoz
Александр Лукашенко во время выступления на Генассамблее ООН

"Меньше всего я хочу, чтобы мои слова с этой трибуны во второй день еще раз прозвучали пророчески, но сегодня нельзя избавиться от ощущения, что в мире маячит призрак очередного большого конфликта, если не войны", — гаварыў з трыбуны ААН беларускі лідар.

Сэр Артур Кларк, за якога прыняла праграма Лукашэнка, англійскі пісьменнік, вучоны, футуролаг, які вядомы за працу разам са Стэнлі Кубрыкам па стварэнні культавага навукова-фантастычнага фільма "Космическая одиссея 2001". У 1999 годзе Кларк атрымаў рыцарскі тытул ад Елізаветы ІІ.

Барак Абама vs Лаўкрафт

Барак Обама выступает на Генассамблее ООН
© REUTERS / Carlo Allegri
Барак Обама выступает на Генассамблее ООН

Барак Абама, здаецца, зусім развучыўся радавацца сонцу, цяплу і іншаму Нью-Йоркскаму шчасцю, якое даруе Гальфстрым. Пэўна, з гэтай прычыны яго прамова падалася праграме недазваляльна змрочнай, надта Лаўкрафтаўскай.

Але ж мы разглядаем прэзідэнцкія прамовы выключна з літаратурнага пункту погляду, таму зазначым проста, што сам Лаўкрафт аказаў настолькі важны ўплыў на ўвесь маскульт, што ягоныя творы аб'ядналі нават у асобны жанр — лаўкрафтаўскія жахі. 

Уладзімір Пуцін vs Дэвид Фостер Уолэс

Владимир Путин во время выступления на Генассамблее ООН
© REUTERS / Mike Segar
Владимир Путин во время выступления на Генассамблее ООН

Апошняй мы падверглі праграмнаму незалежнаму даследванню прамову Пуціна — пра "эканамічны эгаізм" і Украіну. Праграма параўнала яе з Уолэсам.

Дарэчы, у свой час крытыка разгледзела ва Уолэсе аднаго з найбольш перспектыўных празаікаў рубяжа вякоў, а ягоныя навелы пераведзеныя на шматлікія мовы.

 

184
Тэги:
ААН, ЗША
Марыя Калеснікава: я не збіраюся з'язджаць з Беларусі

Марыя Калеснікава: я не збіраюся з'язджаць з Беларусі

26
Калеснікава не выключае, што ўчорашнюю шматгадзінную гутарку Ціханоўскай і ЦВК можна расцэньваць як ціск на кандыдата.

МІНСК, 11 жні-Sputnik. Паплечніца кандыдата ў прэзідэнты Беларусі Святланы Ціханоўскай Марыя Калеснікава заявіла, што не збіраецца з'язджаць з Беларусі. Адпаведную заяву яна зрабіла на прэс-канферэнцыі ў аўторак, перадае карэспандэнт Sputnik.

Паплечніца Святланы Ціханоўскай таксама не выключае, што ўчорашнюю шматгадзінную гутарку Ціханоўскай і ЦВК можна расцэньваць як ціск на кандыдата.

Па словах Калеснікавай, гутарку ў кабінеце кіраўніка ЦВК са Святланай Ціханоўскай праводзілі "высокапастаўленыя прадстаўнікі сілавых структур".

Давераная асоба Ціханоўскай Вольга Кавалькова лічыць, што на кандыдата аказваўся ціск. Сама Ціханоўская не хацела пакідаць краіну да таго, як пайшла ў ЦВК.

Штаб Віктара Бабарыкі працягвае сваю працу, зараз там сканцэнтраваныя на падтрымцы ініцыятыў па кантролі за вынікамі выбараў, а таксама па падтрымцы беларусаў.

"Мы афіцыйна аб'яўляем набор валанцёраў для хуткай узаемадапамогі. Нам патрэбныя людзі", - сказала Калеснікава на прэс-канферэнцыі ў Мінску.

Як патлумачыла Калеснікава, дапамога будзе прадастаўляцца як пацярпелым членам выбарчых камісій, у тым ліку, у перанавучанні абароне правоў і пошуку новай працы, таксама штаб спадзяецца дапамагаць пацярпелым падчас пратэстаў у Мінску.

"Цяпер вельмі важная ўзаемападтрымка і ўзаемадапамога адзін аднаму", - лічыць Калеснікава.

Давераная асоба Святланы Ціханоўскай Вольга Кавалькова падкрэсліла, што штаб кандыдата таксама працягвае працу. Цяпер яны маюць намер апратэстоўваць вынікі выбараў. Пры гэтым Кавалькова падкрэслівае, што штаб заклікае адмовіцца ад гвалту як удзельнікаў пратэсту, так і ўлады. Развіццё сітуацыі Кавалькова бачыць у магчымасці перамоваў з уладамі па тэме спынення гвалту і пераглядзе вынікаў выбараў.

З чаго ўсё пачалося

Напярэдадні Цэнтрвыбаркам Беларусі агучыў папярэднія вынікі выбараў прэзідэнта. Паводле папярэдніх звестак, дзейны кіраўнік дзяржавы Аляксандр Лукашэнка набраў 80,08%, Святлана Ціханоўская апынулася на другім месцы з 10,09%.

Ціханоўская абвясціла, што не прызнае іх, паколькі агучаныя аб'яднаным штабам дадзеныя аб выніках галасавання на асобных участках казалі пра адваротнае - там Ціханоўская набірала істотна больш за 50%. Учора ўдзень кандыдат падала скаргу ў ЦВК.

Пазней у СМІ з'явілася інфармацыя аб тым, што Святлана Ціханоўская перастала выходзіць на сувязь. Пра тое, што яна пакінула Беларусь і цяпер знаходзіцца ў Літве, стала вядома раніцай у аўторак: у штабе паведамілі, што яе "вывезлі беларускія ўлады".

26
Тэги:
Беларусь, Выбары
Тэмы:
Выбары прэзідэнта Беларусі - 2020
Дзмітрыеў мае намер абскардзіць у ЦВК вынікі выбараў

Дзмітрыеў мае намер абскардзіць у ЦВК вынікі выбараў

10
(абноўлена 11:46 11.08.2020)
Раней скаргу ў Цэнтрвыбаркам падала Святлана Ціханоўская, якая атрымала на прэзідэнцкіх выбарах у Беларусі другі вынік.

МІНСК, 11 жні - Sputnik. Кандыдат у прэзідэнты Беларусі Андрэй Дзмітрыеў заявіў, што мае намер падаць у Цэнтрвыбаркам скаргу на вынікі прэзідэнцкіх выбараў, якія адбыліся 9 жніўня, пацвердзіў Дзмітрыеў.

"Заўтра ў 12:00 я падаю скаргу ў Цэнтрвыбаркам. Усе падрабязнасці заўтра", - сказаў ён Sputnik.

Напярэдадні скаргу ў Цэнтрвыбаркам аднесла кандыдат у прэзідэнта Святлана Ціханоўская. Раней на прэс-канферэнцыі ў Мінску яна заявіла, што не прызнае вынікі выбараў. Яна прабыла ў ЦВК каля трох гадзін, але так і не выйшла да журналістаў. Юрыст аб'яднанага штаба Максім Знак распавёў, што скарга пададзеная, будзе зарэгістравала і разгледжаная. Паводле яго слоў, адначасова са Святланай адбылася размова з прадстаўнікамі дзяржаўных органаў, "змест размовы, я думаю, пракаментуе сама Святлана, я пры ім не прысутнічаў", распавёў Знак.

Раніцай у аўторак стала вядома, што кандыдат у прэзідэнты Беларусі Святлана Ціханоўская пакінула краіну, яна знаходзіцца ў Літве. Пазней кіраўнік МЗС Літвы Лінас Лінкявічус распавёў літоўскаму тэлебачанню, што Ціханоўская была затрыманая прыкладна на 7 гадзін, пасля чаго яе вывезлі з Беларусі.

Паводле папярэдніх звестак, на выбарах, якія прайшлі 9 жніўня, перамог дзейны кіраўнік дзяржавы, ён набраў 80,08% галасоў, Святлана Ціханоўская апынулася на другім месцы з 10,09%. У Дзмітрыева - чацвёрты вынік, за яго прагаласавалі 1,21% выбаршчыкаў.

10
Тэги:
Беларусь, Выбары, Андрэй Дзмітрыеў
Тэмы:
Выбары прэзідэнта Беларусі - 2020
Які сёння дзень: 12 жніўня 2020 года

Які сёння дзень: 12 жніўня 2020 года

0
(абноўлена 11:46 11.08.2020)
Гэты дзень з'яўляецца дзвесце дваццаць пятым па Грыгарыянскім календары, да канца года застаецца 141 дзень.

А вы ведалі, што ў гэты дзень у 2004 годзе была заснаваная беларуская Вікіпедыя? Якія яшчэ падзеі адбыліся 12 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 12 жніўня

  • У 1383 годзе войска крыжакоў разам з Вітаўтам заняла Трокі і аблажыла Вільню.
  • У 1399 годзе ў бітвы на Ворскле армію ВКЛ разбілі войскі Залатой Арды.
  • У 1581 годзе выйшла асноўнае выданне Астрожскай Бібліі.
  • У 1654 годзе адбылася бітва пад Шкловам, у якой войска ВКЛ на чале з Радзівілам перамагло расійскія войскі на чале з Чаркаскім.
  • У 1794 Вільня капітулявала перад расійскімі войскамі.
  • У 1812 годзе адбылася Гарадзечанская бітва – найвялікшая падчас вайны з Напалеонам.
  • У 2004 годзе была заснаваная беларуская версія Вікіпедыі.

Хто нарадзіўся 12 жніўня

  • 1817 год: Ігнат Храпавіцкі, беларускі фалькларыст, паэт, грамадскі дзеяч.
  • 1893 год: Аляксандар Ружанцоў, беларускі пісьменнік, бібліёграф, вайсковы дзеяч.
  • 1896 год: Янка Чарапук, беларускі грамадзка-палітычны дзяяч, арганізатар беларускай суполкі ў Чыкага.
  • 1956 год: Мікалай Статкевіч, лідэр Беларускай сацыял-дэмакратычнай партыі.
  • 1966 год: Лера Сом, беларуская паэтка, бард

Таксама ў гэты дзень нарадзіліся англійскі паэт-рамантык Роберт Саўці, амэрыканскі фінансіст і грамадзкі дзеяч Джордж Сорас і Эрвін Шродынгер, аўстрыйскі фізык, стваральнік квантавай мэханікі.

12 жніўня ў народным календары

У гэты дзень шануюць памяць апосталаў-сямідзесятнікаў Сілуана і Сілы (Сіласа). У апошняга прасілі дапамогі ў цяжкіх работах у полі і верылі, што Сіла сваёй моццу дзеліцца ў гэты дзень з травамі і карэннем. 12 жніўня было спрыяльным днём, каб навязаць венікаў з асіны – верылі, што імі можна не только добра папарыцца ў лазні, але і абараніцца ад дурнога вока.

Але любімай раслінай апостала Сілы лічыўся лопух. Гэтая расліна мае лекавыя ўласцівасці, прычым у народнай медыцыне ўжываюць і лісце, і карані, і ягады лапуха. Настоем каранёў загойвалі раны, а таксама, дадаўшы ў яго мёд і алей, ужывалі для умацаваня валасоў.

На Сілу, калі спрыяла надвор'е, працягвалі сеяць жыта, а таксама жаць лён. А вызначалі, ці будзе дождж у гэты дзень, так: калі ўжо з ранку душна ды насякомыя ўюцца, будзе лівень. Калі ж прахалодна і вецер, няхай і хмарна, увесь дзень будзе суха. Гаворылі: "Хто на Сілу жыта сее, у таго на хлеб надзея". Лён звычайна жалі жанчыны, потым церабілі, а выцераблены ўкладвалі, каб прасушыць.

Таксама 12 жніўня маліліся Івану Ваяру. Верылі, што ён дапаможа знайсці злодзеяў і рабаўнікоў, вярнуць скрадзенае. Нячысцікі таксама хаваліся ў гэты дзень ад Івана.  

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей
По теме
Які сёння дзень: каляндар знакавых падзей