Міністр замежных спраў Турцыі Ахмет Давутоглу

Турцыя гатова ўвесці санкцыі супраць Расіі пры неабходнасці

79
(абноўлена 19:04 08.12.2015)
Прэм’ер-міністр краіны не ўтойвае, што пытанне ўвядзення абмежавальных мер уздымалася на пасяджэнні ўрада напярэдадні.

МІНСК, 8 сне — Sputnik. Турцыя гатова да ўвядзення санкцый у дачыненні да Расіі ў выпадку, калі ўзнікне такая неабходнасць, заявіў прэм'ер-міністр Ахмет Давутоглу.

У канцы лістапада 2015 года прэзідэнт РФ Уладзімір Пуцін падпісаў указ, згодна з якім у дачыненні да Турцыі ўводзяцца спецыяльныя эканамічныя меры. У прыватнасці, гаворка ідзе аб спыненні чартэрных паветраных перавозак паміж краінамі, спыненні продажу турыстычных пуцёвак у Турцыю, увядзенні дадатковых мер кантролю ў расійскіх партах на Чорным і Азоўскім морах. З 1 студзеня 2016-га ўводзіцца візавы рэжым для паездак грамадзян Турцыі ў РФ.

Апрача таго, 1 снежня прэм'ер-міністр Расіі Дзмітрый Мядзведзеў падпісаў пастанову аб прымяненні спецыяльных эканамічных мер супраць Турцыі. Пастановай Кабміна ад 30 лістапада зацверджаны пералік сельгаспрадукцыі, сыравіны і харчавання, краінай паходжання якіх з'яўляецца Турцыя і якія забароненыя з 1 студзеня 2016 года да ўвозу ў Расію.

"Турцыя — не тая краіна, якой можна стварыць праблемы такімі метадамі. Калі мы палічым патрэбным, то ўвядзем у адказ свае санкцыі, гэта пытанне абмяркоўвалася на пасяджэнні ўрада ў панядзелак. Але спадзяемся, што крызіс з Расіяй будзе пераадолены, і да гэтых мер звяртацца не прыйдзецца", — заявіў Давутоглу, выступаючы на пасяджэнні фракцыі кіруючай Партыі справядлівасці і развіцця ў парламенце Турцыі ў аўторак.

Адносіны Расіі і Турцыі перажываюць крызіс пасля таго, як 24 лістапада турэцкі знішчальнік F-16 збіў у Сірыі расійскі бамбавік Су-24. Прэзідэнт РФ Уладзімір Пуцін назваў гэта "ўдарам у спіну" з боку памагатых тэрарыстаў.

79
Тэги:
Палітычны працэс, Палітыка, Турцыя, Расія, Еўропа, Увесь свет
Беларуска-украінская мяжа

Украіна ўвяла дадатковыя абмежаванні на мяжы з Беларуссю

5
(абноўлена 10:48 13.04.2021)
Чым выкліканы абмежаванні, украінскім бокам не тлумачыцца, аднак пазначана, што яны ўводзяцца "з мэтай... абароны нацыянальнай бяспекі".

МІНСК, 13 кра – Sputnik. Дзяржаўная пагранічная служба Украіны ўвяла дадатковыя абмежаванні на мяжы з Беларуссю, такое паведамленне размешчана на старонцы ў сацсетках украінскага ведамства.

Абмежаванні дзейнічаюць у межах Ровенскай вобласці з 12 красавіка да 31 снежня 2021 года. Яны датычацца Бярозаўскай, Старасельскай, Высоцкай, Міляцкай, Локніцкай і Зарэчненскай аб'яднаных тэрытарыяльных суполак Сарненскага і Варашскага раёнаў.

Пад забарону трапляюць:

  • любыя (акрамя сельгас) работы з 22:00 да 6:00 у паласе ад пагранзнакаў у глыбіню памежнай паласы на адлегласць да 100 метраў;
  • перасоўванне з 22:00 да 6:00 транспарту і людзей (акрамя тэхнікі і абсталявання, якія былі задзейнічаны ў сельгасработах) па дарогах, якія не вядуць да лініі дзяржаўнай мяжы і не праходзяць праз пункты пропуску;
  • прыпынак цягнікоў (акрамя пасажырскіх) пры ўездзе на тэрыторыю Украіны да чыгуначнай станцыі "Сарны" і ў адваротным кірунку.

Забаронена таксама падвозіць людзей без дакументаў. Пра любыя палёты лёгкаматорных лятальных апаратаў, квадракоптараў, беспілотнікаў неабходна інфармаваць пагранічнікаў.

Аб'язной дарогай карыстацца нельга. Паміж лініяй дзяржаўнай мяжы і пунктамі пропуску забаронена стаянка транспарту і тэхнікі на ўзбочынах дарог (калі толькі транспарт не зламаўся).

Судам і іншым плаўсродкам забаронена выходзіць на возера і вадаёмы, якія знаходзяцца ў памежным раёне. Вадалазныя працы таксама забаронены.

Як паказана, абмежаванні ўзгоднены з кіраўніком Ровенскай аблдзяржадміністрацыі, абласнымі ўпраўленнямі СБУ і Нацпаліцыі.
 Чым выкліканы падобныя меры, не тлумачыцца. Адзначаецца, што яны ўводзяцца "з мэтай узмацнення кантролю за выкананнем пагранічнага рэжыму, папярэджання правапарушэнняў і абароны нацыянальнай бяспекі".

30-годдзе дыпламатычных адносін

Раней міністр замежных спраў Беларусі Уладзімір Макей падкрэсліў, што Беларусь зацікаўлена ў развіцці "ўсёй гамы адносін" з Украінай, як эканамічных і палітычных, так і культурных.

"У нас і агульная мяжа - 1084 кіламетры. Мы таксама павінны думаць пра тое, каб яна была мяжой міра, а не мяжой разладу. Больш за тое, у снежні гэтага года мы будзем адзначаць 30-годдзе дыпламатычных адносін - і з якім багажом мы падыдзем да гэтай юбілейнай даты?" - задаў пытанне кіраўнік ведамства.

Чытайце таксама:

5
Тэги:
Нацыянальная бяспека, Бяспека, Абарона, Беларусь, мяжа, абмежаванне, Украіна
Аляксей Янукевіч і Дзмітрый Кастусёў

Затрыманы лідэр БНФ Рыгор Кастусёў

8
(абноўлена 12:10 13.04.2021)
Старшыня партыі "Беларускі народны фронт" знаходзіцца ў сталічным СІЗА КДБ па крымінальнай справе.

МІНСК, 13 кра - Sputnik. Затрымалі кіраўніка апазіцыйнай партыі Беларусі Рыгора Кастусёва, пра гэта паведамляецца ў сацсетках БНФ.

Зараз ён знаходзіцца ў СІЗА КДБ (так званая "Амерыканка") у Мінску, як удакладняецца, "па крымінальнай справе". Сваякі даведаліся аб затрыманні пасля таго, як ім патэлефанавалі з Камітэта дзяржбяспекі.

Па дадзеных СМІ, затрыманне адбылося напярэдадні ўвечары ў Шклове (Магілёўская вобласць).

Каментарыяў праваахоўных органаў з нагоды таго, што здарылася пакуль няма.

Рыгор Кастусёў у палітыцы больш за 30 гадоў. У партыю "Беларускі народны фронт" ён уступіў у 1989 годзе, з 2009 года займаў пасаду намесніка старшыні партыі, а ў 2017 годзе палітык узначаліў БНФ. У 2010 годзе вылучаўся кандыдатам у прэзідэнты, пасля выбараў з-за ўдзелу ў акцыі пратэсту быў затрыманы праваахоўным органамі, аднак асуджаны не быў.

Чытайце таксама:

8
Заслужаны артыст Беларусі Леанід Барткевіч

Памёр Леанід Барткевіч - саліст залатога складу "Песняроў"

2
(абноўлена 13:15 13.04.2021)
Пра смерць заслужанага артыста БССР Леаніда Барткевіча паведаміла Sputnik яго жонка. Яму быў 71 год.

МІНСК, 13 кра - Sputnik. Савецкі і беларускі эстрадны спявак Леанід Барткевіч быў салістам ВІА "Песняры" з 1970 па 1980 год, а таксама з 1999 па жнівень 2003 года.

Леанід Барткевіч належаў да плеяды музыкантаў, чый голас быў знаёмы мільёнам прыхільнікаў творчасці "Песняроў". Гэта ён выконваў "Александрыну", "Вераніку", "Белавежскую пушчу", "Бярозавы сок", "Купалінку".

Леанід Барткевіч нарадзіўся ў 1949 годзе ў Мінску. Музыкай пачаў захапляцца яшчэ ў дзяцінстве: быў салістам у хоры хлопчыкаў Палаца піянераў, граў на гітары, скончыў музычную школу па класе трубы.

Падчас вучобы ў архітэктурным тэхнікуме быў салістам мясцовага аркестра, а пасля - вакалістам ансамбля "Залатыя яблыкі".

Працаваў архітэктарам у "Белндігіпрасельбуд". Дарэчы, на аснове дыпломнага праекта Барткевіча быў пабудаваны мінскі кінатэатр "Кастрычнік".

У 1970 годзе лёс звёў Барткевіча з Уладзімірам Мулявіным, які паклікаў таленавітага юнака выступаць у "Песнярах".

Праспяваўшы некалькі твораў, напісаных Мулявіным, Леанід быў прыняты ў склад легендарнай групы. З гэтага моманту пачалася яркая творчая біяграфія Барткевіча. З ансамблем Леанід пабываў на гастролях у ЗША. "Песняры" сталі першымі ўладальнікамі "Залатога дыска СССР".

Чаму Барткевіч сыходзіў з "Песняроў"

У 1980 годзе артыст паступіў у Расійскі інстытут тэатральнага мастацтва (ДІТІС) на курс эстраднага рэжысёра Іакіма Шароева. З-за вучобы Барткевіч вымушаны быў сысці з "Песняроў". У 1983 годзе ён стаў салістам Беларускага тэлебачання і радыё. У 1989 годзе разам з жонкай, алімпійскай чэмпіёнкай па спартыўнай гімнастыцы Вольгай Корбут і сынам Рычардам пераехаў у ЗША. Там ён пражыў амаль дзесяць гадоў.

Пасля вяртання ў Беларусь Леанід Барткевіч працаваў у ансамблі "Песняры" да самай смерці Уладзіміра Мулявіна.

Затым Барткевіч з некалькімі калегамі стварыў свой ансамбль з такой жа назвай. Ён перастаў існаваць у 2008 годзе, а ў 2009 артыст аб'яднаўся з музыкамі Анатолем Кашапаравым і Алегам Моўчанам ў новы ансамбль "Песняры".

За ўсю сваю кар'еру Леанід Барткевіч атрымаў нямала ўзнагарод. У 1973 годзе ён стаў лаўрэатам I прэміі Усесаюзнага конкурсу савецкай песні, у 1979 атрымаў званне заслужанага артыста Беларусі. Песняр не раз станавіўся лаўрэатам міжнародных фестываляў і конкурсаў.

25 траўня яму магло б споўніцца 72 гады.

Sputnik выказвае спачуванні родным і блізкім Леаніда Леанідавіча.

Чытайце таксама:

2
Тэги:
Беларусь, Sputnik, БССР, артыст, "Песняры", Леанід Барткевіч