Акцыя апазіцыі ў Мінску

Кіраўнік ЦВК пракаментавала па-беларуску "спісы Ярмошынай"

28
(абноўлена 14:47 08.06.2016)
Старшыня ЦВК на беларускай мове запэўніла журналістаў, што ніякіх "чорных спісаў Ярмошынай" на выбарах не існуе, затое ёсць чарнавік змяненняў у Выбарчым кодэксе.

МІНСК, 8 чэр — Sputnik. Старшыня Цэнтрвыбаркама Беларусі Лідзія Ярмошына папярэдзіла аб тым, што арганізатары байкоту выбараў будуць прыцягвацца да адміністрацыйнай адказнасці.

У ходзе парламенцкай кампаніі 2012 года шэраг апазіцыйных структур і палітыкаў заклікалі байкатаваць выбары. Да байкоту, у прыватнасці, заклікалі аргкамітэт па стварэнні партыі Беларуская хрысціянская дэмакратыя і Беларускі незалежны прафсаюз работнікаў радыёэлектроннай прамысловасці. На апошнім этапе гонкі да кампаніі далучылася і Аб'яднаная грамадзянская партыя.

"Байкот выбараў забаронены заканадаўствам. Таму гэта робіць байкот бессэнсоўным. Арганізатары байкоту атрымаюць адміністрацыйнае спагнанне", — заявіла журналістам кіраўнік ЦВК у сераду.

Паводле яе слоў, кандыдаты ў дэпутаты, якія прымуць удзел у байкоце выбараў, будуць пазбаўленыя свайго статусу і зняты з выбарчай гонкі.

"Такіх кандыдатаў пазбавяць статусу па ініцыятыве арганізатараў выбараў, а не так, як гэта было на папярэдніх выбарах, калі яны горда ляпалі дзвярыма", — адзначыла Ярмошына.

Адказваючы на пытанне журналістаў, у якім аб'ёме адновіцца склад беларускага парламента, Ярмошына адказала, што не ведае. І дадала на беларускай мове: "спiса спадарыні Яромошынай не iснуе".

Закранаючы пытанне ўдасканалення беларускага выбарчага заканадаўства, на чым настойвае АБСЕ, Ярмошына адзначыла, што яно будзе мяняцца і надалей.

"Калі я будуць працаваць, то ўнясу свае прапановы па змене выбарчага заканадаўства і па выніках гэтых парламенцкіх выбараў. У мяне ўжо на чарнавіках ёсць гэтыя прапановы", — сказала яна.

28
Тэги:
Перадвыбарныя кампаніі, Лідзія Ярмошына, Беларусь
Будаўніцтва газаправода Паўночны паток - 2 у Германіі

"Паўночны паток - 2" запрацуе ўжо гэтым летам - дэпутат

10
(абноўлена 17:56 15.04.2021)
Працэс паскорыўся пасля таго, як да будаўніцтва газаправода ў акваторыі Балтыйскага мора далучылася судна-трубаўкладчык "Акадэмік Чэрскі".

МІНСК, 15 кра – Sputnik. Германія зможа атрымаць газ па "Паўночным патоку - 2" не пазней за лета 2021-га, лічыць кіраўнік камітэта Дзярждумы РФ па энергетыцы, каардынатар дэпутацкай групы па сувязях з нямецкім бундэстагам Павел Завальны.

"Усё ідзе да таго, што мы не пазней лета павінны ўсе працы скончыць", - сказаў ён на сустрэчы дэпутатаў Дзярждумы з калегамі з бундэстага.

Паводле слоў дэпутата, ёсць шанс, што абедзве "ніткі" газаправода будуць выкладзены ўжо ў чэрвені, калі не перашкодзяць замежныя судны: такія прэцэдэнты ўжо былі.

"Ёсць надзея, што Германія па гэтым газаправодзе можа атрымаць першы газ", - сказаў на заканчэнне ён.

Як ідзе будаўніцтва газаправода "Паўночны паток - 2"

Па дадзеных на 31 сакавіка, "Паўночны паток - 2" пабудаваны ўжо на 95%, застаецца ўкласці усяго 121 кіламетр ад агульнай працягласці газаправода па двух нітках. Такую інфармацыю апублікаваў аператар праекта Nord Stream 2 AG (100%-ая даччыная кампанія "Газпрома" - Sputnik).

Праект "Паўночны паток - 2" прадугледжвае будаўніцтва двух нітак газаправода ад узбярэжжа Расіі да Германіі праз Балтыйскае мора. Агульная магутнасць складзе да 55 мільярдаў кубаметраў у год. Газаправод пройдзе праз тэрытарыяльныя зоны Фінляндыі, Швецыі і Даніі.

ЗША рэгулярна пагражаюць санкцыямі кампаніям, якія ўдзельнічаюць у будаўніцтве газаправода. Вашынгтон прасоўвае ў ЕС уласны звадкаваны прыродны газ, а таму спрабуе не дапусціць завяршэння будаўніцтва расійскай магістралі.

Чытайце таксама:

10
Тэги:
Балтыйскае мора, газаправод, дэпутат, "Паўночны паток - 2"
Сцягі Расіі і ЗША ў Маскве

ЗША заявілі пра новыя санкцыі супраць Расіі, Масква абяцае жорсткую рэакцыю

13
Вашынгтон абвінаваціў Маскву ў датычнасці да ўмяшання ў амерыканскія выбары. Крэмль катэгарычна адхіляе любыя абвінавачвання.

МІНСК, 15 кра – Sputnik. Прэзідэнт ЗША Джо Байдэн падпісаў указ аб увядзенні новых санкцый супраць Расіі. МЗС РФ у адказ на гэта заявіла, што Вашынгтон павінен усвядоміць - яму давядзецца расплачвацца за дэградацыю адносін з Масквой.

Амерыканскія санкцыі ў дачыненні да Расіі ўводзяцца супраць 32 фізічных асоб і арганізацый. Вашынгтон высылае 10 супрацоўнікаў дыпмісіі РФ у Вашынгтоне. Рэстрыкцыі ЗША супраць Масквы будуць накіраваны і ў дачыненні да расійскага суверэннага доўгу. Увод санкцый пракаментавала афіцыйны прадстаўнік МЗС Расіі Марыя Захарава.

Адказнасць - на ЗША

"Падобнае агрэсіўныя паводзіны, безумоўна, атрымаюць рашучы адпор, адказ на санкцыі будзе няўхільным", - сказала афіцыйны прадстаўнік МЗС РФ Марыя Захарава на брыфінгу ў чацвер.

Яна адзначыла, што ў Вашынгтоне павінны ўсвядоміць, што за дэградацыю двухбаковых адносін давядзецца расплачвацца.

"Адказнасць за тое, што адбываецца цалкам ляжыць на ЗША", - падкрэсліла Захарава.

Афіцыйны прадстаўнік МЗС падкрэсліла, што варожыя крокі ЗША небяспечна павышаюць градус канфрантацый паміж Расіяй і ЗША. Яна распавяла, што пасла ЗША выклікалі ў МЗС Расіі ў сувязі з новымі санкцыямі. Размова будзе цяжкай для амерыканскага боку, папярэдзіла афіцыйны прадстаўнік ведамства.

Захарава звярнула ўвагу, што ў тэлефоннай размове з прэзідэнтам Расіі Байдэн выказваў зацікаўленасць у нармалізацыі расійска-амерыканскіх адносін. "Але дзеянні яго адміністрацыі сведчаць аб адваротным", - адзначыла афіцыйны прадстаўнік МЗС.

Каўбойскі менталітэт

ЗША правяраюць Расію на трываласць. Вашынгтон выбудоўвае канструктыўныя ўзаемаадносіны толькі з тымі, каго лічыць моцнымі, так пракаментаваў пакет антырасійскіх санкцый сенатар Антон Марозаў.

"Гэта вынік амерыканскага каўбойскага менталітэту - яны паважаюць моцных, а слабымі пагарджаюць. Калі мы будзем дэманстраваць сілу, а не згодніцкую пазіцыю, яны хутчэй будуць з намі дамаўляцца", - дадаў сенатар.

"Сонечны вецер" кібератак

Агенцтва па кібербяспецы і інфраструктурнай бяспецы ЗША у студзені гэтага года разам з ФБР заявіла аб маштабнай кібератацы на кліентаў фірмы па камп’ютэрнай бяспецы SolarWinds, за якой нібыта стаіць Расія.

Былі атакаваныя амерыканскія ўрадавыя ўстановы, што было расцэнена, як спроба атрымаць разведкай інфармацыю. Пазней высветлілася, што хакерам не ўдалося атрымаць доступ да важнай інфармацыі.

Прэзідэнт ЗША Джо Байдэн у інтэрв'ю тэлеканалу ABC News заявіў, што прэзідэнт РФ Уладзімір Пуцін "заплаціць" за нібыта меўшае месца ўмяшанне ў выбары ў Злучаных Штатах.

Расія абвяргае абвінавачванні ў спробах умяшання ў выбарчы працэс у замежных дзяржавах. Па словах прэс-сакратара прэзідэнта РФ Дзмітрыя Пяскова, іх можна назваць "абсалютна галаслоўнымі".

Расію абвінавачваюць без доказаў

Прэс-сакратар прэзідэнта РФ Дзмітрый Пяскоў раней заявіў, што Масква ніколі не была датычна да кіберзлачынстваў.

Пяскоў таксама адзначыў, што арганізаваць сустрэчу прэзідэнтаў Расіі і ЗША Уладзіміра Пуціна і Джо Байдэна ў бліжэйшыя тыдні не атрымаецца.

Прэс-сакратар прэзідэнта РФ звярнуў увагу, што магчымыя санкцыі з боку Вашынгтона не паспрыяюць падрыхтоўцы сустрэчы прэзідэнтаў.

"Тое, што верагодныя санкцыі, якія абмяркоўваюцца, ніякім чынам не будуць спрыяць такой сустрэчы - гэта адназначна", - падкрэсліў ён.

Чытайце таксама:

13
Тэги:
Крэмль, Вашынгтон, Масква, Расія, санкцыі, ЗША