Старшыня ПА АБСЕ прыедзе ў Мінск у сакавіку 2017 года

© AFP 2024 / STRINGERСтаршыня ПА АБСЕ Крысцін Мутонен
Старшыня ПА АБСЕ Крысцін Мутонен - Sputnik Беларусь
Падпісацца
Беларускія парламентарыі правядуць у лютым у Вене на пасяджэнні ПА АБСЕ прэзентацыю краіны, у ліпені Мінск чакае больш за 300 парламентарыяў з 56 краін свету.

МІНСК, 6 сне — Sputnik. Старшыня Парламенцкай асамблеі АБСЕ Крысцін Мутонен здзейсніць візіт у Беларусь у сакавіку наступнага года, паведаміў віцэ-спікер Палаты прадстаўнікоў Нацыянальнага сходу Беларусі Баляслаў Пірштук.

Сустрэча прэзідэнта Беларусі Аляксандра Лукашэнкі з маршалам сената Польшчы Станіславам Карчэўскім - Sputnik Беларусь
Маршал сената Польшчы распавёў, навошта прыляцеў у Беларусь

"Візіт старшыні ПА АБСЕ ў Мінск запланаваны на сакавік наступнага года, падчас гэтага мы ацэнім дэталі, ход падрыхтоўкі да правядзення сесіі ПА АБСЕ, якая пройдзе ў Мінску ў ліпені 2017 года", — заявіў журналістам у аўторак намеснік старшыні Палаты прадстаўнікоў Нацыянальнага сходу Беларусі Баляслаў Пірштук.

Ён таксама паведаміў, што дэлегацыя Палаты прадстаўнікоў рыхтуецца прыняць удзел у пасяджэнні ПА АБСЕ у Вене ў лютым. "Мы правядзем прэзентацыю краіны на дадзеным форуме", — сказаў ён. Пры гэтым Пірштук растлумачыў, што дадзеная прэзентацыя пройдзе з улікам таго, што ў ліпені ў Мінску адбудзецца чарговая сесія ПА АБСЕ.

"У рабоце сесіі прымуць удзел больш за 700 чалавек, з якіх 300 парламентарыяў з 56 краін свету", — адзначыў віцэ-спікер. Паводле яго слоў, такіх маштабных парламенцкіх мерапрыемстваў у Беларусі ніколі не праводзілася.

"З аднаго боку — гэта выпрабаванне, а з другога боку — магчымасць усталяваць новыя кантакты", — сказаў Пірштук.

Стужка навiн
0