Авальная зала беларускага парламента

Вясенняя сесія Палаты прадстаўнікоў адкрыецца ў панядзелак

12
(абноўлена 10:47 03.04.2017)
Спікер Палаты прадстаўнікоў заклікаў дэпутацкі корпус энергічней працаваць над законапраектамі, паколькі грамадства чакае прыняцця якасных дакументаў, накіраваных на фарміраванне спрыяльнага бізнэс-клімату.

МІНСК, 3 кра — Sputnik. Беларускія дэпутаты на вясенняй сесіі разгледзяць 30 законапраектаў, паведаміў старшыня Палаты прадстаўнікоў Нацыянальнага сходу Беларусі Уладзімір Андрэйчанка.

Раней Савет ніжняй палаты беларускага парламента прыняў рашэнне аб тым, што ў адпаведнасці з артыкулам 95 Канстытуцыі Беларусі другая сесія Палаты прадстаўнікоў Нацыянальнага сходу шостага склікання адкрыецца 3 красавіка.

"У панядзелак 3 красавіка пачне працу вясенняя сесія, у цэлым дэпутаты плённа папрацавалі ў міжсесійны перыяд, і з 49 законапраектаў 30 уключаны ў парадак дня сесіі", — сказаў Андрэйчанка.

Заклікаючы дэпутатаў да энергічнай працы над законапраектамі, ён адзначыў, што грамадства чакае прыняцця якасных дакументаў, накіраваных на фарміраванне спрыяльнага бізнэс-клімату.

Як адзначыў старшыня камісіі па дзяржаўным будаўніцтве, мясцовым самакіраванні і рэгламенце Леанід Цупрык, на сесіі плануецца разгледзець законапраекты па пытаннях барацьбы з тэрарызмам, забеспячэння абароны, грамадскай бяспекі пры правядзенні спартыўна-масавых мерапрыемстваў, а таксама ўнесці карэкціроўкі ў некаторыя кодэксы.

Распавядаючы аб законапраектах, якія будуць разгледжаны на вясенняй сесіі, Цупрык удакладніў, што гэта законапраект па пытаннях патэнтаў на вынаходствы і прамысловыя ўзоры, праект новай рэдакцыі закона "Аб супрацьдзеянні манапалістычнай дзейнасці і развіцці канкурэнцыі", законапраекты аб пітным водазабеспячэнні, аб абароне правоў спажыўцоў, аб сацыяльным абслугоўванні насельніцтва.

З яго слоў, у праекце парадку дня сесіі таксама пастаўлены пытанні фізічнай культуры і спорту, рэгулявання працоўных адносін, папярэджанні распаўсюджвання захворванняў, якія ўяўляюць небяспеку для здароўя насельніцтва.

Дэпутатам трэба будзе ратыфікаваць шэраг міжнародных дагавораў, падпісаных у межах СНД, з Міжнародным банкам рэканструкцыі і развіцця, сказаў Цупрык.

Усяго ў парадак дня ўключаны 14 законапраектаў у першым чытанні, чатыры — у другім, дзевяць — аб ратыфікацыі міжнародных дагавораў, а таксама два дэкрэты прэзідэнта, адзначыў кіраўнік камісіі.

12
Тэги:
Палата прадстаўнікоў Нацыянальнага Сходу РБ, Уладзімір Андрэйчанка, Беларусь

Палітыка