Лідэр партыі Нацыянальны фронт Марын Ле Пэн

Правы ўсплёск: як растлумачыць папулярнасць "правых" партый у Еўропе?

26
(абноўлена 13:29 06.04.2017)
Адна з найбуйнейшых міжнародных даследчых кампаній у сферы апытанняў грамадскай думкі TNS Global вывучыла меркаванне заходніх еўрапейцаў аб прычынах росту папулярнасці правых партый.

МІНСК, 6 кра — Sputnik. Еўрапейцы расчараваныя пустымі абяцаннямі ўлады, міграцыяй і эканомікай — з дадзенымі сацапытанняў згодныя і палітыкі.

Адзін з фаварытаў будучых прэзідэнцкіх выбараў у Францыі — правы кандыдат і кіраўнік партыі "Нацыянальны фронт" Марын Ле Пен. Будуць выбары і ў Германіі, дзе папулярнасць набірае партыя "Альтэрнатыва для Германіі", узмацняюцца "правыя" тэндэнцыі і ў многіх іншых краінах.

Пустыя абяцанні і міграцыя

Паводле праведзенага ў рамках праекта Sputnik.Меркаванне апытання, большая частка еўрапейцаў лічаць прычынай росту папулярнасці правых партый пустыя абяцанні ўладаў, так адказалі 43% немцаў, 33% брытанцаў і 45% французаў.

Высокі ўзровень іміграцыі як прычыну папулярнасці правых палітыкаў назвалі 45% французаў, 52% немцаў і 49% брытанцаў, а няўдалую эканамічную палітыку — 34% французаў, 17% немцаў, а таксама 20% брытанцаў.

Што цікава, для французаў аднолькавай праблемай здаюцца як пустыя абяцанні, так і міграцыя. Акрамя таго, 34% немцаў, 25% брытанцаў і 21% французаў незадаволеныя аднатыпным парадкам мэйнстрымных партый.

Каштоўнасць нацыянальных інтарэсаў

На думку Алега Гайдукевіча, першага намесніка старшыні Ліберальна-дэмакратычнай партыі Беларусі, у якой склаліся цесныя сувязі з еўрапейскімі правымі партыямі, уздым папулярнасці падобных палітычных поглядаў лагічны.

"У Еўропе пачалі разумець каштоўнасць нацыянальных інтарэсаў і суверэнітэту, таму правыя партыі, у тым ліку і "Нацыянальны фронт", набіраюць папулярнасць. Што важна, гэтыя партыі нават не кажуць пра развал Еўрасаюзу — але аб тым, што многія расчараваныя ЕС, што меркаванне людзей і дзяржаў не ўлічваецца", — распавёў Sputnik Гайдукевіч.

Са слоў палітыка, у Францыі многія жыхары расчараваныя міграцыйным крызісам, праблемамі з бізнесам, эканомікай. "Нават знешняй палітыкай — тыя ж санкцыі супраць Расіі або Беларусі ідуць насуперак з інтарэсамі самой краіны, яе жыхароў!" — адзначыў палітык.

Апытанне: прычыны росту папулярнасці правых партый у Еўропе
© Инфографика
Апытанне: прычыны росту папулярнасці правых партый у Еўропе

"Складана прадбачыць, хто пераможа на выбарах у Францыі, але ясна адно: спісваць з рахункаў правыя партыі больш нельга. Прывяду ў прыклад Аўстрыю: пасля прэзідэнцкіх выбараў правая партыя "Свабода" накшталт прайграла, але пры гэтым да яе сталі больш прыслухоўвацца, яна набрала вагу, падтрымку многіх людзей і эліт. Таму што яна адлюстроўвае нацыянальныя інтарэсы дзяржавы", — сказаў на заканчэнне суразмоўца Sputnik.

Даведка аб праекце Sputnik.Меркаванні

Міжнародны праект па вывучэнні грамадскай думкі стартаваў у студзені 2015 года. Партнёрамі праекта выступаюць вядомыя даследчыя кампаніі Populus, Ifop і forsa. У рамках праекта Sputnik.Меркаванні рэгулярна праводзяцца апытанні грамадскасці ў краінах Еўропы і ЗША па найбольш актуальных сацыяльных і палітычных пытаннях.

Sputnik — навінавае агенцтва і радыё з мультымедыйнымі інфармацыйнымі хабамі ў дзясятках краін. Sputnik уключае ў сябе сайты больш, чым на 30 мовах, аналагавае і лічбавае радыёвяшчанне, мабільныя прыкладанні і старонкі ў сацыяльных сетках. Навінавыя стужкі Sputnik кругласутачна выходзяць на англійскай, арабскай, іспанскай і кітайскай мовах. 

Пазнаёмціся з іншымі даследваннямі Sputnik.Меркаванні >>

26
Тэги:
Sputnik.Меркаванні, Сацыялогія, Алег Гайдукевіч, Еўропа
Міністр аховы здароўя Дзмітрый Піневіч

Дзмітрый Піневіч прызначаны міністрам аховы здароўя

18
(абноўлена 14:58 27.11.2020)
Піневіч выконваў абавязкі кіраўніка Міністэрства аховы здароўя пасля пераводу міністра Уладзіміра Караніка на пасаду старшыні Гродзенскага выканкама.

МІНСК, 27 ліс - Sputnik. Выконваючы абавязкі міністра аховы здароўя Беларусі Дзмітрый Піневіч стаў кіраўніком Міністэрства аховы здароўя, адпаведны ўказ ў пятніцу падпісаў прэзідэнт Аляксандр Лукашэнка.

Кіраўнік дзяржавы наведаў сёння 6-ю гарадскую клінічную бальніцу, дзе і паведаміў пра тое, што прыняў рашэнне аб прызначэнні Піневіча на пасаду міністра аховы здароўя, перадае прэс-служба Міністэрства аховы здароўя.

Пасада міністра аховы здароўя была свабодная з канца жніўня, калі кіраўнік дзяржавы нечакана для многіх прызначыў Уладзіміра Караніка губернатарам Гродзенскай вобласці. Піневіч быў прызначаны выконваючым абавязкі кіраўніка Міністэрства аховы здароўя 24 жніўня, прычым прэзідэнт адзначаў, што кандыдатуру Піневіча прапанавала старшыня Савета Рэспублікі Наталля Качанава.

Што вядома пра Піневіча

Апошнія дзевяць гадоў Піневіч працаваў першым намеснікам міністра аховы здароўя: на гэты пост ён прыйшоў яшчэ пры Васіля Жарко, захоўваў яго таксама пры Валерыі Малашку і Уладзіміры Караніку.

Піневічу 52 гады, ён нарадзіўся ў Вілейскім раёне Мінскай вобласці. Вучыўся ў Ленінградскай ваенна-медыцынскай акадэміі, затым - у Акадэміі кіравання пры прэзідэнце.

Медыцынскую кар'еру пачаў як ваенны ўрач, затым быў урачом-хірургам, намеснікам галоўнага ўрача па медчастцы ў 5-й клінічнай бальніцы, узначальваў іншыя ўстановы аховы здароўя, а з 2002-га па 2011-ы - сталічны камітэт па ахове здароўя.

18
Тэги:
Дзмітрый Піневіч, Міністэрства аховы здароўя Рэспублікі Беларусь, Беларусь
Канстытуцыя Рэспублікі Беларусь

Лукашэнка: незнаёмаму прэзідэнту такую канстытуцыю аддаваць нельга

75
Беларускія ўлады рыхтуюцца правесці рэформу Асноўнага закона, прапановы для гэтага збірае ўся вертыкаль, каб абмеркаваць на Усебеларускім сходзе.

МІНСК, 27 ліс - Sputnik. У Беларусі вельмі сур'ёзная Канстытуцыя, заявіў кіраўнік дзяржавы на сустрэчы з калектывам 6-й гарадской клінічнай бальніцы.
Паводле яго слоў, у рэгіёнах для барацьбы з каронавірусам былі створаны спецыяльныя штабы, якія, як і мясцовая ўлада, маюць важную ролю. Усё гэта дзякуючы існуючай у рэспубліцы вертыкалі ўлады.

"І вы, напэўна, заўважылі, што асноўны ўдар нашых пратэстуноў наносіцца па прэзідэнту і вертыкалі ўлады. Давай, дэмакратыя, усе павінны абірацца... Мы гэта праходзілі ў перыяд Гарбачова", - успомніў Аляксандр Лукашэнка.

Пасля чаго дадаў, што тады абіралі на пасады кіраўнікоў прадпрыемстваў, дырэктараў. "Ну што, давыбіраліся? І краіну страцілі, і Саюз разваліўся. Нам гэтую падлянку хочуць падкінуць цяпер", - выказаў перакананне ён.

Будзе бяда

Таму беларускі лідар падтрымлівае ўнясенне змяненняў у тэкст Асноўнага закона, каб падкарэктаваць прэзідэнцкія паўнамоцтвы.

"Я прыхільнік новай Канстытуцыі. Не таму, што дэмакратыю нейкую трэба. Не ў дэмакратыі справа, - сказаў ён. - Мяне што ў гэтай сітуацыі хвалюе: незнаёмаму прэзідэнту такую ​​канстытуцыю аддаваць нельга. Будзе бяда", - цытуе кіраўніка дзяржавы БелТА.

На думку Аляксандра Лукашэнкі, беларуская Канстытуцыя вельмі сур'ёзная, і, як і ў Казахстана і Расіі, у рэспублікі жорсткі Асноўны закон.

"Дзе ад рашэння прэзідэнта залежыць усё. З гэтага пункту гледжання, разумеючы, што не дай бог прыйдзе чалавек і захоча развязаць вайну і іншае... Так, трэба нам стварыць новую Канстытуцыю, але выгодную для нашай краіны, каб потым краіна не абвалілася", - лічыць ён.

75
Тэги:
Канстытуцыя, Аляксандр Лукашэнка
Снегапад у Мінску

Які сёння дзень: 1 снежня 2020 года

0
(абноўлена 10:21 30.11.2020)
Гэты дзень з'яўляецца трыста трыццаць шостым па грыгарыянскім календары, да канца года застаецца 30 дзён.

У гэты дзень адзначаецца Сусветны дзень барацьбы са СНІД. Якія яшчэ падзеі адбыліся 1 снежня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 1 снежня

  • У 1920 годзе ва Універсітэце Стэфана Баторыя ў Вільні створаны Беларускі студэнцкі саюз.
  • У 2004 годзе быў зацверджаны герб і сцяг г. Дзятлава.

Хто нарадзіўся 1 снежня

  • 1919 год: Уладзімір Дамарад, беларускі графік.
  • 1939 год: Уладзімір Пятровіч Платонаў, беларускі матэматык.

Таксама сёння нарадзіліся расійскі гісторык, пісьменнік, паэт Мікалай Карамзін і рускі паэт Валерый Брусаў.

1 снежня ў народным календары

Сёння праваслаўныя вернікі шануюць памяць святых пакутнікаў Платона і Рамана. Ім маліліся пра паляпшэнне матэрыяльнага стану.

Таксама святыя лічыліся прадвеснікамі зімы. У народзе існавала прымаўка: "Платон ды Раман кажуць зіму нам". Калі гэты дзень быў цёплы, то і зіму чакалі цёплую.

Калі 1 снежня дзьмуў моцны вецер, зіма таксама абяцала быць ветранай і снежнай. А вось варона, якая ходзіць на Платона па двары, прадказвае адлігу.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей