Флаг ЕС у Лондане

Еўрапейцы ўпэўнены, што за Вялікабрытаніяй з ЕС выйдуць і іншыя краіны

14
(абноўлена 10:16 22.06.2017)
На фоне перамоваў па Brexit палова жыхароў Францыі, Германіі і Італіі ўпэўнены, што следам за Вялікабрытаніяй з ЕС неўзабаве могуць выйсці і іншыя дзяржавы.

МІНСК, 22 чэр — Sputnik. Практычна палова французаў, а таксама больш за палову немцаў і італьянцаў і дзве траціны брытанцаў лічаць, што ў бліжэйшы час са складу Еўрасаюза выйдуць адна або некалькі краін, сведчаць дадзеныя апытання найстарэйшай французскай сацыялагічнай кампаніяй IFop у межах праекта Sputnik.Меркаванні.

У суботу споўніцца першая гадавіна лёсавызначальнага для Вялікабрытаніі рэферэндуму па пытанні аб выхадзе з Еўрасаюза — так званага Brexit. Сёння перамовы паміж каралеўствам і афіцыйным Брусэлем працягваюцца — краіна можа пакінуць ЕС ужо да 2019 года. Аднак многія еўрапейцы ўпэўнены, што на Вялікабрытаніі "развал" Еўрасаюза не спыніцца.

Дзве траціны брытанцаў прадракаюць выхад новых краін з ЕС

Паводле дадзеных апытання для Sputnik.Меркаванні, амаль палова французаў (49%), больш за палову немцаў (52%) і італьянцаў (57%), а таксама амаль дзве траціны брытанцаў (64%) лічаць, што ў бліжэйшы час з Еўрасаюза выйдуць адна або некалькі краін.

Цікавяць і іншыя дадзеныя. Так, 55% брытанцаў, палова італьянцаў (50%), 42% французаў і 39% немцаў лічаць, што такіх краін будзе некалькі. Больш аптымістычна ставіцца да лёсу ЕС толькі траціна французаў (33%) і італьянцаў (32%), 39% немцаў і толькі 18% брытанцаў.

Характэрна, што сярод еўрапейцаў упэўнены ў выхадзе новых дзяржаў са складу ЕС у асноўным маладыя людзі да 35 гадоў, а не вераць у падобнае развіццё сюжэту пераважна дарослыя людзі.

Ці адбудзецца "Фрэкзіт"?

Яшчэ падчас перадвыбарнай гонкі лідар партыі "Нацыянальны фронт" Марын Ле Пен абяцала падняць на агульнафранцузскі рэферэндум пытанне пра лёс краіны ў Еўрасаюзе — за гэта яе падтрымала шмат выбаршчыкаў, а Ле Пэн выйшла ў другі тур прэзідэнцкіх выбараў. Зрэшты, у фінальным туры галасавання яна саступіла Эмануэлю Макрону, але еўраскептыцызм у Францыі па-ранейшаму моцны.

Скептычна да лёсу ЕС ставяцца і многія жыхары Італіі, а таксама Іспаніі — пасля шматлікіх праблем, звязаных з эканомікай, і міграцыйнага крызісу. Там таксама ёсць правыя партыі, якія ўздымаюць пытанне аб неабходнасці выхаду са складу Еўрасаюза, аднак яны пакуль не так папулярны, як "Нацыянальны фронт" у Францыі.

Як адаб'ецца Brexit на Беларусі?

Адразу пасля правядзення рэферэндуму ў Вялікабрытаніі дацэнт факультэта міжнародных адносін Алена Сямак запэўніла Sputnik, што на двухбаковых стасунках з Беларуссю змены геапалітычнай канфігурацыі прыкметна не адаб'ецца.

"У нас вельмі добрыя адносіны, якія наўрад ці зменяцца з-за рэферэндуму. Іншая справа — адносіны каралеўства з Расіяй, якія досыць халодныя. Але і тут чакаць рэзкіх змен не варта — усё ж Вялікабрытанія даўно трымае нос па ветры і ідзе ў фарватэры Вашынгтона. Таму змены адносін паміж Расіяй і Брытаніяй могуць адбыцца не з-за рашэнняў аб членстве ў Еўрасаюзе, а па рашэнню ЗША", — распавядала эксперт Sputnik.

14
Тэги:
меркаванні, Sputnik.Меркаванні, ЕС, Вялікабрытанія, Францыя, Іспанія, Італія, Расія
Спецвыпуск Народнай волі да пахавання загінулага ў Кіеве журналіста Паўла Шарамета

Беларусь гатова прадаставіць Украіне матэрыялы па справе Шарамета

6
(абноўлена 16:51 19.01.2021)
Шарамет загінуў чатыры гады таму ў Кіеве ў выніку выбуху аўтамабіля, па інфармацыі МУС Украіны, бомба знаходзілася пад машынай і кіравалася дыстанцыйна.

МІНСК, 19 сту – Sputnik. Матэрыялы справы па забойстве журналіста Паўла Шарамета Міністэрства замежных спраў Беларусі гатова прадаставіць украінскаму боку, па лініі адпаведных службаў яны ўжо перададзены Польшчы, Літве і Германіі, заявіў прэс-сакратар МЗС Анатоль Глаз.

Раней у СМІ была апублікавана інфармацыя, што Ігар Макар - экс-баец спецыяльнага падраздзялення па барацьбе з тэрарызмам "Алмаз" - даў паказанні ў Кіеве па справе Шарамета з-за новых падрабязнасцей, якія ўзніклі ў сувязі з публікацыяй аўдыёзапісу 2012 года, дзе нібыта фігуруюць беларускія спецслужбы.

Глаз зазначыў, што Макар "даўно ўсім знаёмы, таму МЗС з пэўным скепсісам назіраў за ўсёй валтузнёй, якая раскруцілася вакол яго выказванняў".

Ён асабліва адзначыў рэакцыю ўкраінскіх калег, якія, па яго словах, ледзь не вырашылі выбудаваць на гэтым цэлае новае расследаванне "выключна па палітычных прычынах".

Глаз пацвердзіў, што Макар тройчы звяртаўся ў беларускае пасольства ў Літве летам 2020 года, аднак пераследваў відавочныя ашуканскія мэты.

"І з гэтых зваротаў зусім зразумелы ўсе яго матывы. Але мы цярпліва чакалі, калі ж да нас устаноўленым парадкам звернецца ўкраінскі бок па прававую дапамогу, як ён і заяўляў, каб правесці аб'ектыўную праверку", - сказаў Глаз.

Ён падкрэсліў, што да беларускага боку так ніхто і не звярнуўся, таму, паводле яго слоў, узнікаюць слушныя сумневы ў іх жаданні быць аб'ектыўнымі.

"Па лініі адпаведных службаў матэрыялы перададзены Польшчы, Літве і Германіі. У выпадку паступлення гатовы разгледзець і зварот украінскага боку", - дадаў Глаз.

Гібель Шарамета

Шарамет загінуў чатыры гады таму, 20 ліпеня 2016 года, у Кіеве ў выніку выбуху аўтамабіля. Паводле інфармацыі МУС Украіны, бомба знаходзілася пад машынай і кіравалася дыстанцыйна.

Па версіі следчых, сяржант Узброеных сіл Украіны Андрэй Антоненка быў арганізатарам забойства Шарамета, а выканаўцам - дзіцячы ўрач Юлія Кузьменка. Па версіі следства, яна закладвала ўзрыўчатку пад аўто разам з Антоненкам.

Аб затрыманні падазроных стала вядома ў снежні 2019 года. Кіраўнік МУС Украіны Арсен Авакаў тады заявіў, што Нацпаліцыя затрымала трох падазроных. Усяго да забойства, па версіі следства, датычны па меншай меры пяць чалавек.

Чытайце таксама:

6
Тэги:
Беларусь, Украіна, МЗС Беларусі, МУС Украіны, Забойства, Павел Шарамет
Прэм'ер-міністр Беларусі Раман Галоўчанка

Галоўчанка заклікаў Расію аб'яднаць патэнцыялы ў прамысловасці

4
(абноўлена 16:09 19.01.2021)
Нягледзячы на тое, што свет з-за COVID рухаецца "па траекторыі разбурэння інтэграцыі", прэм'ер-міністр Беларусі Раман Галоўчанка заклікаў РФ аб'ядноўваць патэнцыялы краін у прамысловасці і іншых сферах.

МІНСК, 19 сту – Sputnik. Галоўчанка звярнуў увагу на захаванне ўзаемадапаўняльнасці эканомік дзвюх краін і выказаў задаволенасць тым, як развіваюцца адносіны Мінска і Масквы.

"Трэба рухацца наперад. Нас жыццё падштурхоўвае да таго, што мы павінны... аб'яднаць нашы патэнцыялы - прамысловы, у першую чаргу, інтэлектуальны, навуковы, культурны", - сказаў Галоўчанка на сустрэчы з паслом РФ у Беларусі Дзмітрыем Мезенцавым у Мінску.

Беларускі прэм'ер пры гэтым выказаў меркаванне, што свет цяпер "ідзе па траекторыі падзелу, ідзе фактычна на разбурэнне інтэграцыі". Па словах Галоўчанкі, гаворка нават пра тыя дамоўленасці, якія раней былі дасягнуты, што вядзе да з'яўлення новых бар'ераў.

"Пандэмія паўплывала на гэтыя працэсы... Нам трэба ісці ў бок зліцця нашых патэнцыялаў у тых сферах, якія я назваў", - падкрэсліў Галоўчанка.

Ён таксама звярнуў увагу, што ўдалося захаваць ўзаемадапаўняльнасць эканомік дзвюх краін. І менавіта пра гэта беларускія ўлады плануюць у бліжэйшы час гаварыць з расійскімі калегамі.

"Трэба не проста ствараць гандлёвыя, гандлёва-прамысловыя ланцужкі, трэба ствараць сумесныя бізнэсы, трэба сыходзіць ад нахілу рэгулятарнага ў бок стваральнага. Мы павінны эканоміць грошы адзін аднаго, інтэлектуальныя рэсурсы адзін аднаго", - адзначыў ён.

Па словах Галоўчанкі, мінулы год у цэлым быў канструктыўным і плённым для беларуска-расійскіх адносін. Дзякуючы гэтаму ў 2021-й Мінск і Масква ўвайшлі з вырашанымі пытаннямі па пастаўках энергарэсурсаў і дасягнутымі дамоўленасцямі ў паліўна-энергетычнай сферы.

Чытайце таксама:

4
Тэги:
Беларусь, Расія, Прамысловасць, Дзмітрый Мезенцаў, Раман Галоўчанка, Інтэграцыя
Забор біяматэрыала для тэставання на каронавірус

Міністэрства аховы здароўя апублікавала статыстыку па COVID-19: плюс 1 356 за суткі

1
(абноўлена 16:08 19.01.2021)
Усяго з пачатку пандэміі каронавіруса ў рэспубліцы было зафіксавана амаль 229 тысяч чалавек са станоўчым тэстам на COVID-19.

МІНСК, 19 сту - Sputnik. За мінулыя суткі ў Беларусі зарэгістравалі 1 356 чалавек з COVID-19, паведаміла прэс-служба Міністэрства аховы здароўя ў аўторак.

У Беларусі за суткі ачунялі і былі выпісаны 1 295 пацыентаў.

"Усяго, з пачатку пандэміі, у Беларусі былі зарэгістраваныя 228 716 чалавек з станоўчым тэстам на COVID-19. Паправіліся 212 074 пацыента, у якіх раней быў пацверджаны дыягназ COVID-19", - гаворыцца ў паведамленні.

З моманту пачатку пандэміі COVID-19 у рэспубліцы памёр 1 601 пацыент з станоўчым тэстам на каронавірус, за суткі - 10 чалавек.

За мінулыя 24 гадзіны выканана амаль дзевяць тысяч тэстаў, усяго жа ў краіне за ўвесь перыяд іх праведзена амаль 4,3 мільёна. Даведацца, дзе ў Беларусі можна здаць ПЦР-тэст, можна тут.

Масавая вакцынацыя ў Беларусі

Масава рабіць прышчэпкі ад каронавіруса ў рэспубліцы пачнуць у красавіку. Пакуль вакцыну ад хваробы атрымліваюць людзі з групы рызыкі, у першую чаргу - медыкі.

У сярэдзіне вясны, па словах кіраўніка Міністэрства аховы здароўя Дзмітрыя Піневіча, вакцынавацца змогуць усе жадаючыя.

Беларусь першай пасля Расіі пачала вакцынацыю грамадзян расійскім прэпаратам "Спутник V". Раней паведамлялася, што ў рэспубліцы да канца вясны плануецца прышчапіць 1,2 мільёна чалавек, паступова выйшаўшы на паказчык у 5,5 мільёна жыхароў.

Чытайце таксама:

1
Тэги:
Статыстыка, Міністэрства аховы здароўя Рэспублікі Беларусь, каронавірус
Тэмы:
Каронавірус COVID-19