Міністр замежных спраў Расіі Сяргей Лаўроў

Лаўроў: Расія прапануе шукаць баланс, Захад хоча рабіць усё па-свойму

24
(абноўлена 16:47 20.04.2018)
Кіраўнік міністэрства замежных спраў распавёў, што ў Масквы ёсць дастаткова доказаў дачынення Вялікабрытаніі да інсцэніроўкі хімічнай атакі ў Думе.

МІНСК, 20 кра — Sputnik. Захад імкнецца захаваць свае падыходы да светаўладкавання як асноўныя прынцыпы у любых перамовах, нягледзячы на з'яўленне цэнтраў моцы ў Азіі і Лацінскай Амерыцы і ролю Расіі на сусветнай арэне, канстатаваў міністр замежных спраў Сяргей Лаўроў у сваім інтэрв'ю інфармацыйнаму агенцтву РІА "Новости".

"Ім не падабаецца, што хтосьці спрабуе адстойваць свае інтарэсы, прычым мы гэта робім не ўльтыматыўна, мы прапануем шукаць баланс гэтых інтарэсаў, каб дамаўляцца, а яны кажуць: "Дамаўляцца будзем, калі вы ва ўсім будзеце згодныя з тым, як уладкаваны свет па-нашаму". Вось, уласна кажучы, у чым справа", — сказаў Лаўроў.

Бясспрэчныя доказы на руках

Сяргей Лаўроў звярнуў увагу, што ў Масквы ёсць дастаткова доказаў датычнасці Вялікабрытаніі да інсцэніроўкі хімічнай атакі ў сірыйскім горадзе Думе.

Інфамрацыя пра інсцэніроўку відэа "наступстваў хімічнай атакі" была прадстаўлена нядаўна — сірыйскі хлопчык Хасан Дыяб распавёў пра тое, як "Белыя каскі" здымалі яго ў ролі "ахвяры".

"Ведаеце, доказаў ужо ў прынцыпе зашмат. Пачаць з таго, што гэта відэа, з якога ўсё пачалося і якое стала, напэўна, галоўнай падставай для той ліхаманкавай атакі, якую зрабілі амерыканцы, англічане і французы, нанёсшы бомбавыя ўдары па аб'ектах вытворчасці і складзіравання хімічнай зброі, як яны казалі ", — выказаў сваё меркаванне Лаўроў.

Міністр замежных спраў Расіі адзначыў, што, калі вядома месцазнаходжанне склада з хімічнай зброяй, бамбіць па гэтым месцы — значыць, стварыць гуманітарную катастрофу для ўсіх, хто жыве ў акрузе.

Паводле слоў Лаўрова, на відэа "было цудоўна бачна": людзі, якія нібыта спрабавалі выратаваць "ахвяр хімічнай атакі", самі нічым не абароненыя — хіба што некаторыя з іх з марлевымі павязкамі.

Акрамя таго, Лаўроў расказаў пра знойдзеную ў кватэры аднаго з баевікоў каністру з хлорам. Зараз Расія працягвае змагацца з тым, каб сірыйскі горад Думу наведалі эксперты АЗХЗ.

Навошта было мяняць?

Выказаўся Міністр замежных спраў Расіі і наконт "справы Скрыпалёў". Ён падкрэсліў: калі б хтосьці хацеў "адпомсціць" былому шпіёну, яго б не абменьвалі на разведчыкаў.

"Вы ведаеце, ён быў асуджаны, па-мойму, адбываў тэрмін дзесьці гады чатыры. І якраз тады адбыўся абмен на тое, што ў нас прынята называць "групай Чапман", на некалькіх людзей, якія шпіёнілі на карысць Злучаных Штатаў, Вялікабрытаніі. І гэты абмен адбыўся, ён быў вызвалены з-за кратаў, пераехаў на сваю новую радзіму і жыў — не тужыў", — нагадаў у інтэрв'ю Лаўроў.

Па заявах Вялікабрытаніі, Скрыпалёў атруцілі рэдкім нервова-паралітычным рэчывам, якое быццам было распрацавана яшчэ ў СССР.

Як нагадаў Лаўроў, адзін са стваральнікаў так званага "Навічка" Віл Мірзаянаў эмігрыраваў у ЗША і там апублікаваў формулу рэчыва.

"Гэта рэчыва было запатэнтавана, знаходзілася на ўзбраенні ці ў карыстанні ў розных інстытутах біялагічных і хімічных армій ЗША. І яно вырабляецца элементарна", — распавёў кіраўнік міністэрства.

Ці ўсё ж BZ?

У швейцарскай лабараторыі ў Шпіцы, адзначыў міністр, у пробе таксама знаходзілі пэўную колькасць яду BZ.

"Згодна з Канвенцыяй аб забароне хімічнай зброі гэта менш небяспечнае злучэнне, чым тыя, якія ўключаны ў першую катэгорыю. Там вельмі шмат пытанняў, і мы хочам проста на іх атрымаць адказ. І калі тое, што нам кажуць пра гэты BZ — праўда, ну так растлумачце. І, напэўна, цяпер, калі такія пытанні ўзнікаюць, мы б хацелі паглядзець першасныя вынікі аналізаў не толькі лабараторыі ў Шпіцы, але і астатніх трох лабараторый, куды паралельна былі скіраваныя гэтыя спробы", — сказаў на заканчэнне Лаўроў.

24
Тэги:
Міністэрства замежных спраў Расіі, Сяргей Лаўроў, Расія, Еўропа
Міністр замежных спраў Беларусі Уладзімір Макей

Макей: Беларусь выстаіць ва ўмовах санкцый Захаду

2
(абноўлена 17:02 18.06.2021)
Па словах кіраўніка беларускага знешнепалітычнага ведамства, меры ў адказ на санкцыі будуць прымацца з улікам саюзніцкіх адносін.

МІНСК, 18 чэр – Sputnik. Беларусь здолее выстаяць ва ўмовах заходніх санкцый, а меры рэспублікі ў адказ улічваюць наяўнасць у Мінска саюзнікаў, якія гатовы падтрымаць, заявіў у пятніцу кіраўнік МЗС Уладзімір Макей.

"Мы выстаім", - сказаў ён пасля перамоў са сваім расійскім калегам Сяргеем Лаўровым.

Пры гэтым Макей адзначыў, што краіна прыме "канкрэтныя меры" процідзеяння, пры гэтым будзе ўлічвацца тое, што Беларусь не адна, і ў яе ёсць верныя саюзнікі, якія гатовы заўсёды падтрымаць рэспубліку.

Новы чацвёрты пакет санкцый

Еўрапарламент 10 чэрвеня прыняў рэзалюцыю па Беларусі падчас пленарнай сесіі ў Страсбургу.

Рэзалюцыя заклікае ЕС да ўвядзення супраць афіцыйнага Мінска новых санкцый - як эканамічных, так і персанальных, а таксама да часовага адключэння Беларусі ад плацежнай сістэмы SWIFT.

Санкцыі могуць таксама закрануць гандаль сырой нафтай і нафтавымі прадуктамі, калійную, сталеліцейную і дрэваапрацоўчую прамысловасць. Заклікаецца спыніць супрацоўніцтва і фінансаванне беларускіх дзяржаўных банкаў і абмежаваць крэдытныя лініі міжнародных банкаў для даччыных банкаў у Беларусі.

У санкцыйны пералік еўрадэпутаты заклікаюць уключыць адказных за пасадку борта Ryanair у Мінску.

Еўрасаюз тройчы публікаваў санкцыйныя спіскі па Беларусі 2 кастрычніка, 6 лістапада і 17 снежня 2020 года. Прэзідэнта Аляксандра Лукашэнку ўнеслі ў "чорны спіс" у другім пакеце.

У агульнай складанасці ў абмежавальных спісах - 55 прозвішчаў беларускіх грамадзян. Санкцыі закранулі і сем юрыдычных асоб у Беларусі: ААТ "140 рамонтны завод" (прадпрыемства ваенна-прамысловага комплексу ў Барысаве, якое займаецца бронетэхнікай), ААТ "Агат - электрамеханічны завод" (электроніка для ВПК), ААТ "МЗКЦ" (колавая тэхніка для ВПК) , ЗАТ "Белтэхэкспарт" (пастаўкі зброі на экспарт), Дзяржаўная ўстанова "Галоўнае гаспадарчае ўпраўленне" Кіраўніцтва справамі прэзідэнта Рэспублікі Беларусь, Dana Holdings (найбуйнейшы дэвелапер), IT-кампанія ТАА "Synesis" (сістэмы відэаназірання і распазнання).

Беларусь увяла люстраныя меры супраць Еўрасаюза і некаторых еўрапейскіх кампаній, сярод якіх Skoda і Beiersdorf (гандлёвая марка Nivea). У ліку мер - прыпыненне дзейнасці каардынацыйнай групы "Беларусь - ЕС" і паніжэнне ўзроўню ўдзелу краіны ва "Усходнім партнёрстве".

Чытайце таксама:

2
Тэги:
Захад, санкцыі, Беларусь, Уладзімір Макей
Брэсцкая крэпасць - галоўны манумент

Пуцін не плануе наведваць Беларусь 22 чэрвеня - Пяскоў

6
(абноўлена 16:31 18.06.2021)
Раней кіраўнікі дзяржаў дамовіліся ў гэты дзень высадзіць дрэвы ў Брэсцкай крэпасці ў памяць аб яе абаронцах.

МІНСК, 18 чэр – Sputnik. Уладзімір Пуцін не плануе наведваць Беларусь 22 чэрвеня, пра гэта заявіў прэс-сакратар прэзідэнта РФ Дзмітрый Пяскоў.

Аб іншых намечаных у графіку расійскага лідэра мерапрыемствах Крэмль паведаміць своечасова.

Раней паведамлялася, што кіраўнікі дзвюх дзяржаў дамовіліся ў гэты дзень высадзіць дрэвы ў Брэсцкай крэпасці ў памяць аб яе абаронцах.

Да гэтага Пуцін і Лукашэнка сустракаліся ў Сочы. Афіцыйны візіт прэзідэнта Беларусі адбыўся 28-29 траўня, па выніках перагавораў быў дасягнуты шэраг дамоўленасцяў.

Кіраўнікі дзяржаў абмеркавалі пастаўкі нафты і газу, супрацоўніцтва ў мытнай і падатковай сферах і развіццё ваенна-тэхнічнага супрацоўніцтва.

Таксама ўзнімалася тэма заходніх санкцый, аднаўлення паўнавартасных авіязносін паміж Беларуссю і Расіяй, затрыманне Рамана Пратасевіча і Сафіі Сапегі.

Праграма мерапрыемстваў у Брэсце

У Брэсце плануюць маштабна адзначыць Дзень усенароднай памяці ахвяр Вялікай Айчыннай вайны і пачатку гераічнай абароны Брэсцкай крэпасці.

20 чэрвеня

Ля кінатэатра "Беларусь" размесціцца выязная экспазіцыя "Жыць, каб памятаць!" Беларускага дзяржаўнага музея гісторыі Вялікай Айчыннай вайны.

21 чэрвеня

У музеі абароны Брэсцкай крэпасці правядуць міжнародную акцыю "Сад памяці", удзельнікі перададуць сцяг Усерасійскай патрыятычнай акцыі, прысвечанай перамозе ў Вялікай Айчыннай вайне.

У 17:00 стартуе "Эстафета сцяга "Перамога" - марш з удзелам рэканструктараў перадваеннай пары.

З 17:00 да 20:00 на вуліцы Савецкай пройдзе "Мірны вечар". У рамках праекта выступіць Брэсцкі гарадскі духавы аркестр і адбудзецца тэматычная музычна-літаратурная праграма цэнтральнай гарадской бібліятэкі імя Пушкіна з удзелам выканаўцаў з Кёльна.

У 19.00 ля Цярэспальскіх варот Брэсцкай крэпасці арганізуюць акцыю памяці "Баявы разлік" з удзелам курсантаў Інстытута пагранічнай службы Рэспублікі Беларусь.

У 22.00 на пляцоўцы перад галоўным уваходам мемарыяльнага комплексу пачнецца міжнародная акцыя "Вогненныя карціны".

22 чэрвеня

У 3.30 пройдзе мітынг-рэквіем, прысвечаны 80-й гадавіне пачатку Вялікай Айчыннай вайны.

Знакавай падзеяй у гэтыя дні стане X міжнародны ваенна-гістарычны злёт-рэканструкцыя "22 чэрвеня 1941 года. Брэсцкая крэпасць". Ён пройдзе ў Кобрынскім умацаванні Брэсцкай крэпасці. Удзельнікі, у ліку іншага, прадставяць інсцэніроўку апошняга мірнага дня і эпізодаў абароны крэпасці з выкарыстаннем тэхнікі.

Чытайце таксама:

6
Тэги:
абаронца, памяць, Брэсцкая крэпасць, Дзмітрый Пяскоў, Беларусь, Уладзімір Пуцін
Стадыён Уэмблі у Лондане

Фінал Еўра-2020 могуць перанесці з Лондана

2
(абноўлена 12:21 18.06.2021)
УЕФА можа перанесці фінальны паядынак, так як у Лондане дзейнічаюць жорсткія каранцінныя меры.

МІНСК, 18 чэр – Sputnik. Фінал чэмпіянату Еўропы па футболе могуць перанесці з Лондана ў Будапешт, паведамляе Times.

Фінал Еўра-2020 павінен прайсці ў Лондане на стадыёне "Уэмблі" 11 ліпеня.

Паводле інфармацыі крыніцы, калі афіцыйныя асобы УЕФА і ФІФА не будуць вызвалены ад неабходнасці праходзіць самаізаляцыю па прыбыцці, будзе разгледжаны варыянт з пераносам матча з Лондана ў Будапешт.

У сваю чаргу, брытанскі Кабмін абмяркоўвае магчымасць зрабіць выключэнне для 2,5 тысяч прадстаўнікоў УЕФА і ФІФА, палітыкаў, спонсараў і вяшчальнікаў і дазволіць ім не сыходзіць на ізаляцыю.

Афіцыйным асобам могуць дазволіць наведваць матчы плэй-оф Еўра на "Уэмблі", трэніроўкі каманд, сустракацца з членамі ўрада Вялікабрытаніі.

Стадыён "Уэмблі" умяшчае 90 000 гледачоў. На першых матчах кантынентальнага першынства ў Лондане ўстаноўлена абмежаванне ў 25% ад ёмістасці арэны - 22 500 чалавек. Плануецца, што гэтая колькасць будзе павялічана да плэй-оф.

Дарэчы, на матчах чэмпіянату Еўропы ў Венгрыі дазволена 100-працэнтная запаўняльнасць стадыёна.

У Лондане пройдуць яшчэ дзве сустрэчы групавога этапу з удзелам зборнай Англіі, два матчы 1/8 фіналу турніру, паўфінал і фінал.

Чытайце таксама:

2
Тэги:
УЕФА, Лондан, Еўра-2020, фінал