Прэзідэнт РФ Уладзімір Пуцін і прэзідэнт Беларусі Аляксандр Лукашэнка падчас сустрэчы ў Сочы

Аляксандр Лукашэнка павіншаваў Уладзіміра Пуціна з Днём Расіі

32
(абноўлена 10:00 12.06.2018)
Беларускі прэзідэнт адзначыў, што курс расійскага кіраўніцтва арыентаваны на мадэрнізацыю эканомікі, паляпшэнне якасці жыцця і павышэнне міжнароднага аўтарытэту, атрымлівае падтрымку грамадзян.

МІНСК, 12 чэр — Sputnik. Прэзідэнт Аляксандр Лукашэнка ад імя беларускага народа і сябе асабіста накіраваў віншаванне прэзідэнту Расіі Уладзіміру Пуціну і народу з нацыянальным святам — Днём Расіі, паведамілі ў прэс-службе беларускага лідара.

"Расіяне могуць ганарыцца сваёй шматвяковай гісторыяй, багатай духоўнай і культурнай спадчынай", — гаворыцца ў віншаванні.

Лукашэнка адзначыў, што братэрская краіна з гонарам прайшла шматлікія выпрабаванні і стала суверэннай прававой дзяржавай, якая валодае магутным патэнцыялам ва ўсіх сферах.

Паводле слоў беларускага лідара, стратэгічны курс на мадэрнізацыю эканомікі,  паляпшэнне якасці жыцця і павышэнне міжнароднага аўтарытэту атрымлівае шырокую падтрымку грамадзян.

Кіраўнік Беларусі выказаў перакананасць у тым, што сумеснымі намаганнямі абедзве краіны змогуць надаць істотны імпульс інтэграцыйным працэсам і рэалізацыі важных праектаў у рамках узаемавыгаднага беларуска-расійскага супрацоўніцтва.

Віншавальныя пасланні ад імя Лукашэнкі таксама накіраваныя старшыні ўрада Расіі, старшыні Савета міністраў Саюзнай дзяржавы Дзмітрыю Мядзведзеву, старшыні Савета Федэрацыі Валянціне Мацвіенка і старшыні Парламенцкага сходу Саюза Беларусі і Расіі, старшыні Дзяржаўнай думы Вячаславу Валодзіну.

32
Тэги:
Віншаванні, Дзень Расіі, Уладзімір Пуцін, Аляксандр Лукашэнка, Расія, Беларусь
Каментары