Прэзідэнт Беларусі Аляксандр Лукашэнка

Лукашэнка распавёў курсантам Ваеннай акадэміі, куды ходзіць а 5-й раніцы

68
(абноўлена 13:37 22.02.2019)
Беларускі прэзідэнт назваў самым вялікім недахопам кіраўніка любога ўзроўню, калі той баіцца прымаць рашэнні.

МІНСК, 22 лют - Sputnik. Прэзідэнт Беларусі Аляксандр Лукашэнка распавёў курсантам Ваеннай акадэміі пра карысць фізічнай працы, свой працоўны графік і пра тое, што не трэба баяцца памыляцца.

Кіраўнік дзяржавы напярэдадні 23 лютага наведвае Ваенную акадэмію, дзе сустракаецца з курсантамі і прафесарска-выкладчыцкім складам.

Курсанты, у прыватнасці, пацікавіліся ў кіраўніка дзяржавы, як ён усё паспявае пры такім шчыльным прэзідэнцкім графіку.

"Калі гаворка пра тое, каб "круціцца"- у мяне ёсць, каму гэта рабіць. Прэзідэнт жа павінен больш думаць. І быць пры гэтым дасведчаным і думаючым чалавекам. Самае страшнае, калі кіраўнік любога ўзроўню не прымае рашэнні. Лепш памыліцца, але прыняць рашэнне, чым не прымаць яго наогул", - прыводзіць словы кіраўніка дзяржавы газета "СБ. Беларусь сегодня".

Паводле слоў прэзідэнта, кіраўнік павінен бачыць сітуацыю, аналізаваць яе, прымаць рашэнні і дамагацца, каб яны былі выкананы.

Курсанты задалі пытанне яшчэ аб прысядзібным участку кіраўніка дзяржавы.

"У мяне ёсць і прысядзібны ўчастак, і вялікія фермы. Але гэта не азначае, што я штодня там. Вось калі сенакос, магу а 5-й раніцы пайсці пакасіць траву, пакуль усё спяць", - распавёў прэзідэнт.

Паводле яго слоў, касьба, веславанне - самыя цяжкія заняткі.

А што тычыцца кавуноў, бульбы з гэтых участкаў і іншага - гэта па сутнасці праверка распрацовак беларускіх вучоных, праверка на практыцы іх новых гатункаў, ўраджайнасці іх і чысціні прадукцыі, растлумачыў беларускі лідар.

Паводле яго слоў, дзяржава больш і больш будзе паварочваць сельскую гаспадарку да "зялёных" тэхналогій.

68
Тэги:
Ваенная акадэмія Рэспублікі Беларусь, Аляксандр Лукашэнка
Аляксандр Лукашэнка

Лукашэнка: эпоха фэйк-ньюс разбурае класічныя прынцыпы журналістыкі

13
(абноўлена 13:03 25.11.2020)
Прэзідэнт заклікаў дзяржСМІ знайсці адэкватны адказ "агрэсіўнаму дэструктыўнаму ўздзеянню" новых медыя на свядомасць беларусаў.

МІНСК, 25 ліс - Sputnik. Беларускі лідар накіраваў прывітанне дэлегатам і ўдзельнікам XIV з'езда Беларускага саюза журналістаў, паведамляе БелТА.

"Сёння грамадства пастаўлена перад глабальным выклікам. Эпоха постправды і фэйк-ньюс разбурае класічныя нормы і прынцыпы прафесійнай журналістыкі. Ператварае інфармацыйную медыяпрастору ў поле бою геапалітычных інтарэсаў, у цэнтры якіх знаходзіцца і Беларусь", - заявіў ён.

Таксама Лукашэнка раскрытыкаваў новыя медыя, якія "не сцясняючы сябе этычнымі рамкамі, такімі як аб'ектыўнасць, сумленнасць, мараль", ставяць пад пагрозу гістарычныя, культурныя, агульначалавечыя каштоўнасці, інфармацыйны суверэнітэт Беларусі.

Нагадаем, у мінулую пятніцу Лукашэнка пракаментаваў "злівы" тэлефонных размоў у Telegram. Гаворка пра аўдыёзапісы тэлефонных размоваў паміж людзьмі, як мяркуецца, вельмі падобнымі на прадстаўнікоў блізкага атачэньня беларускага прэзідэнта. Тады Лукашэнка паабяцаў, што ўсе падрабязнасці гэтых гучных "зліваў" раскажа на гэтым тыдні.

На думку прэзідэнта Беларусі, цяпер супраць рэспублікі працуюць магутнейшыя спецслужбы свету: ЗША стварылі цэнтр пад Варшавай і ў Кіеве. І нейкія "лялькаводы", выкарыстоўваючы інтэрнэт і сучасныя тэхналогіі, "пампуюць ўсю планету". Зрэшты, Лукашэнка запэўніў, што Беларусь ні ў каго "скамячыць не атрымаецца".

13
Тэги:
СМІ, Аляксандр Лукашэнка
Прэзідэнт РФ Уладзімір Пуцін

Пуцін распавёў, якім можа быць ўзаемадзеянне Расіі і Літвы

9
(абноўлена 16:08 24.11.2020)
Расійскі лідар у аўторак прыняў даверчыя граматы ад замежных паслоў, сярод якіх быў і прадстаўнік Літвы.

МІНСК, 24 ліс - Sputnik. Узаемны настрой на супрацоўніцтва на прынцыпах добрасуседства хацела б бачыць Расія з боку Літвы, заявіў прэзідэнт РФ.
"Магло б быць больш актыўным і разнапланавым наша ўзаемадзеянне з Літвой, тым больш што мы, як вядома, суседзі, блізкія суседзі", - адзначыў ён.

Па словах Пуціна, Масква гатовая супрацоўнічаць "на прынцыпах добрасуседства і павагі адзін аднаго". Такі ж падыход у Крамлі чакаюць і з боку літоўскіх калегаў.

Таксама Расія накіраваная ўмацоўваць сувязі з Ісландыяй, адзначыў Пуцін. Прычым як на двухбаковай аснове, так і па лініі шматбаковых структур. У прыватнасці, прэзідэнт РФ распавёў аб праектах у сферах рыбалоўства, рыбаперапрацоўкі, суднабудавання, інавацыйных тэхналогій, геатэрмальнай энергетыкі, сельскай гаспадаркі.

Адносіны Расіі і Фінляндыі Пуцін назваў "сапраўды добрасуседскімі". Адносіцца гэта ў тым ліку і да дыялогу па пытаннях стабільнасці і бяспекі ў рэгіёне Балтыйскага мора. Таксама расійскі лідар падзякаваў Люксембургу за ініцыятыву па ўстаноўцы манумента ў памяць аб грамадзянах СССР, вывезеных нацыстамі ў Вялікае герцагства на прымусовыя работы ў гады Вялікай Айчыннай вайны.

"Мы звярнулі на гэта ўвагу, грамадскасць Расіі высока гэта ацэньвае", - падкрэсліў расійскі прэзідэнт.

Таксама на цырымоніі ўручэння даверчых грамат Пуцін адзначыў, што Расія жадае хутчэйшага ўрэгулявання няпростай сітуацыі ў Цэнтральнаафрыканскай Рэспубліцы, а таксама падтрымлівае дзейнасць місіі ААН па яе стабілізацыі.

9
Тэги:
Уладзімір Пуцін, Літва, Расія
Слова COVID-19 адлюстроўваецца ў кроплі на ігле шпрыца

Ад правалаў у памяці да загусцення крыві: якія наступствы ў COVID-19

0
(абноўлена 17:52 25.11.2020)
Амаль 60 мільёнаў чалавек па ўсім свеце апынуліся заражаныя каронавірусам. Самая напружаная сітуацыя склалася ў ЗША, Індыі і Бразіліі.

МІНСК, 25 ліс - Sputnik. Урач-імунолаг Уладзіслаў Жамчугоў распавёў аб наступствах каронавіруснай інфекцыі для арганізма.

Паводле яго слоў, у час захворвання магчымыя пашкоджанні цэнтральнай і перыферычнай нервовай сістэмы. У хворага назіраюцца правалы ў памяці, адсутнасць нюху, парушэнні слыху, парэстэзіі - парушэнне адчувальнасці ў розных частках цела.

Наступствы COVID-19 Уладзіслаў Жамчугоў параўнаў з наступствамі ВІЧ/СНІД, а таксама рассеянага склерозу. Паводле яго слоў, гэтым сімптомы могуць захоўвацца доўгі час, паколькі адбываецца аднаўленне нервовых клетак.

"Мы бачым у такіх хворых пры магнітна-рэзананснай тамаграфіі карціну, вельмі падобную на рассеяны склероз. Такое бывае і пры ВІЧ/СНІД", - адзначыў імунолаг ў эфіры НСН.

У нейкім плане каронавірус падобны да інсульта, дадаў урач. У некаторых хворых адбывалася загусценне крыві. У сувязі з гэтым медык рэкамендаваў асаблівую ўвагу надаваць сасудам і згусальнасці крыві пры лячэнні COVID-19.

Разам з тым, ён нагадаў, што каронавірус да канца не вывучаны, таму казаць аб доўгатэрміновых наступствах рана.

Па дадзеных універсітэта Джонса Хопкінса, у свеце каронавірусам заразіліся каля 60 мільёнаў чалавек. Больш за ўсё выпадкаў заражэння зарэгістравана ў ЗША (больш за 12,5 мільёнаў), Індыі (9,2 млн) і Бразіліі (больш за 6,1 млн). Па ўсім свеце памерлі больш за 1,4 мільёна пацыентаў, у якіх быў знойдзены COVID-19.

0
Тэги:
каронавірус