Парламенцкія выбары ў Беларусі

Лукашэнка вырашыў правесці выбары ў парламент у лістападзе

51
(абноўлена 11:05 17.05.2019)
Дакладная дата выбараў дэпутатаў будзе вызначана ў бліжэйшы час, а перадвыбарчыя мерапрыемствы пачнуцца ўжо ў жніўні гэтага года.

МІНСК, 17 мая - Sputnik. Выбары ў парламент адбудуцца ў лістападзе гэтага года, сказаў прэзідэнт Беларусі на спецыяльнай нарадзе, прысвечанай будучай выбарчай кампаніі.

Калі пройдуць выбары?

Па словах кіраўніка дзяржавы, на гэты момант трэба правесці абмеркаванне некаторых пытанняў, якія наўпрост закранаюць выбары ў Нацыянальны Сход і Савет Рэспублікі, а таксама ацаніць гатоўнасць мясцовых уладаў да выбарчай кампаніі.

"Выбары прапануецца правесці ў лістападзе гэтага года. З аптымальнымі датамі мы вызначымся ў хуткім часе. Гэта азначае, што асноўныя перадвыбарчыя мерапрыемствы, прадугледжаныя заканадаўствам, павінны пачацца ўжо ў жніўні", - прыводзіць яго словы прэс-служба.

На думку Аляксандра Лукашэнкі, цяпер неабходна разабрацца з арганізацыйным складнікам, каб падчас галасавання беларусы маглі свабодна выявіць сваю волю.
"Патрабаванні да правядзення выбарчай кампаніі нязменныя. Гэта павінны быць сумленныя, справядлівыя выбары, без надуманых абмежаванняў, каб ні ў кога не было сумневаў у іх легітымнасьці", - падкрэсліў ён.

Што гаворыцца ў законах?

Згодна з беларускімі законамі выбары ў Нацыянальны сход павінны прайсці не пазней, чым 10 верасня будучага года. Праўда, у Беларусі яны пройдуць значна раней, але ўлады ўсяляк падкрэсліваюць, што гэта не датэрміновыя выбары.

Пры гэтым яны звяртаюць увагу, што ў законах не прапісана дэталёва, наколькі раней за прадугледжаны тэрмін можна праводзіць электаральную кампанію.

У сваю чаргу выбары кіраўніка дзяржавы павінны адбыцца да 30 жніўня 2020 года. Беларускія ўлады вырашылі развесці дзве палітычныя кампаніі, таму перш пройдуць выбары ў парламент, а ўжо на наступны год - прэзідэнцкія.

51
Тэги:
Парламенцкія выбары, Аляксандр Лукашэнка, Беларусь
Тэмы:
Парламенцкія выбары - 2019 (97)
Макей абмеркаваў з кіраўніком Выканкама СНД ход выбарчай кампаніі ў Беларусі

Макей абмеркаваў з кіраўніком Выканкама СНД ход выбарчай кампаніі ў Беларусі

0
(абноўлена 16:05 05.08.2020)
Сяргей Лебедзеў узначальвае місію назіральнікаў СНД на выбарах прэзідэнта Беларусі, якія адбудуцца 9 жніўня.

МІНСК, 5 жні - Sputnik. Міністр замежных спраў Беларусі Уладзімір Макей абмеркаваў са старшынёй Выканкама СНД Сяргеем Лебедзевым ход прэзідэнцкай выбарчай кампаніі ў краіне, паведамілі ў МЗС рэспублікі.

Макей і Лебедзеў, які таксама ўзначальвае місію назіральнікаў ад СНД, сустрэліся ў сераду, 5 жніўня.

"Беларускі бок пацвердзіў гатоўнасць аказваць місіі назіральнікаў ад СНД неабходнае садзейнічанне для выканання свайго мандата, а таксама заявіў, што зробіць усё магчымае для забеспячэння дэмакратычнага і транспарэнтнага выбарчага працэсу, які адлюстроўвае волю народа", - распавялі ў прэс-службе МЗС.

На сёлетніх выбарах чакаецца вельмі сціплае прадстаўніцтва міжнародных назіральнікаў - з-за эпідэміялагічнай сітуацыі і запрашэнняў, якія позна паступілі, не прыедуць назіральнікі ад БДІПЧ АБСЕ, ПА АБСЕ і ПАСЕ.

Раней старшыня ЦВК Расіі Эла Памфілава паведаміла, што Цэнтрвыбаркам не атрымліваў запрашэння ўдзельнічаць у назіранні за выбарамі прэзідэнта Беларусі. Акрамя таго, расійскія назіральнікі, якія звычайна ўваходзяць у склад місіі БДІПЧ АБСЕ, таксама не змогуць прыехаць з-за таго, што арганізацыя атрымала запрашэнне са спазненнем.

Каментуючы гэтае паведамленне, кіраўнік беларускага ЦВК Лідзія Ярмошына патлумачыла, што Беларусь прыняла рашэнне не запрашаць назіральнікаў з ЦВК іншых краін па меркаваннях эпідэміялагічнай бяспекі.

0
Тэги:
Уладзімір Макей, Сяргей Лебедзеў, Беларусь, Выбары
Тэмы:
Выбары прэзідэнта Беларусі - 2020
Намеснік старшыні Савета бяспекі РФ Дзмітрый Мядзведзеў

Мядзведзеў перасцярог ад спробаў стварыць у Беларусі вобраз ворага з Расіі

3
(абноўлена 15:46 05.08.2020)
Расійскі бок неаднаразова падкрэсліваў, што не ўмешваецца ва ўнутраныя справы Беларусі. І заклікае не выкарыстоўваць двухбаковыя адносіны ў палітычных гульнях.

МІНСК, 5 жні - Sputnik. Расійска-беларускія адносіны сталі дробнай разменнай манетай у ходзе выбарчай кампаніі, заявіў намеснік старшыні Савета Бяспекі РФ Дзмітрый Мядзведзеў.

Пры гэтым намеснік старшыні СБ РФ адзначыў, што каментуе сітуацыю, якая склалася перад выбарамі ў Беларусі, зыходзячы з агульнага пасылу аб тым, што ўсё, што адбываецца ў гэтай краіне - справа самой Беларусі.

"Тым не менш, мы, вядома, не можам не бачыць, што сёння расійска-беларускія адносіны, я нават больш скажу - Саюзная дзяржава, інтэграцыя - сталі дробнай разменнай манетай у ходзе выбарчай кампаніі", - сказаў Мядзведзеў на сустрэчы з маладымі кандыдатамі, якія ўдзельнічаюць у гэтым годзе ў выбарах рознага ўзроўню.

Ён канстатаваў, што "розныя казусы, якія адбываюцца, гэта частка досыць нескладанай палітычнай тэхналогіі: вылепіць вобраз ворага і пры дапамозе вобразу ворага дамагчыся палітычнага выніку". А далей, паводле яго слоў, "хоць трава не расці, або гары ўсё сінім полымем".

Спробы стварыць у Беларусі вобраз ворага з Расіі, паводле яго слоў, "выклікаюць пачуццё крыўды і будуць мець сумныя наступствы".

3
Тэги:
Расія, Беларусь, Дзмітрый Мядзведзеў