Прэзідэнт Беларусі Аляксандр Лукашэнка

Лукашэнка: нам цікавы замежны вопыт у сферы канстытуцыйнага права

10
(абноўлена 12:07 31.05.2019)
Прэзідэнт адзначыў удзел у форуме Еўрапейскай камісіі за дэмакратыю праз права і выказаўся за працяг супрацоўніцтва ў гэтай галіне.

МІНСК, 31 мая - Sputnik. Беларусі цікавы вопыт замежных краін у сферы канстытуцыйнага права, аб гэтым прэзідэнт Беларусі Аляксандр Лукашэнка заявіў у пятніцу на сустрэчы з кіраўнікамі канстытуцыйных судоў замежных дзяржаў.

У гэтыя дні ў Мінску праходзіць міжнародная канферэнцыя "Сучаснае канстытуцыйнае развіццё: роля канстытуцыйнага кантролю ў канстытуцыяналізацыі права". З кіраўнікамі замежных канстытуцыйных судоў у пятніцу сустрэўся прэзідэнт.

Як адзначыў Лукашэнка, Беларусь прымае гэты прадстаўнічы форум у знакавы год - 25-годдзя Канстытуцыі.

"Мы высока цэнім вашу гатоўнасць дзяліцца сваім вопытам у сферы канстытуцыйнага правасуддзя. Ён для нас, безумоўна, цікавы", - выказаўся Лукашэнка.

Прэзідэнт асабліва адзначыў удзел у форуме Еўрапейскай камісіі за дэмакратыю праз права, з якой Беларусь выбудоўвае досыць канструктыўнае ўзаемадзеянне.

"Разлічваем на працяг міжнароднага супрацоўніцтва ў гэтай галіне", - адзначыў кіраўнік дзяржавы, яго словы прывяла БелТА.

10
Тэги:
Канстытуцыя, Аляксандр Лукашэнка, Беларусь