Прэзідэнт Беларусі Аляксандр Лукашэнка зрабіў велапрагулку па Балбасава

Праехаў 35 кіламетраў: як Лукашэнка катаўся на веласіпедзе па Балбасава

21
(абноўлена 11:00 06.06.2019)
Паездка кіраўніка дзяржавы ў Аршанскі раён у СМІ не асвятлялася і, мяркуючы па ўсім, прайшла без прадстаўнікоў прэсы.

МІНСК, 6 чэр - Sputnik. Прэзідэнт Беларусі Аляксандр Лукашэнка ў мінулыя выхадныя катаўся на веласіпедзе па Аршанскім раёне, адпаведную інфармацыю Sputnik пацвердзіла прэс-сакратар кіраўніка дзяржавы Наталля Эйсмант.

Беларускі лідар асаблівую ўвагу ў апошнія два гады надае развіццю Аршанскага раёна, у тым ліку самой Оршы, а таксама пасёлкам Барань і Балбасава. Як прызнаваўся сам Лукашэнка, гэтыя населеныя пункты - "шыкоўнае месца для жыцця".

Як стала вядома на гэтым тыдні, у мінулыя выхадныя прэзідэнт зноў наведваў Аршанскі раён. Што цікава, гэта была неафіцыйная паездка: кіраўнік дзяржавы разам з малодшым сынам Мікалаем і суправаджаючымі пакатаўся ў Балбасава на веласіпедзе.

Фатаграфіі і відэа наведвання кіраўніком дзяржавы Балбасава былі апублікаваныя ў сацыяльных сетках. Мяркуючы па здымках, кіраўніка дзяржавы не суправаджала прэса - таму яго паездка не асвятлялася ў СМІ. Падрабязнасцямі са Sputnik падзялілася прэс-сакратар прэзідэнта Наталля Эйсмант.

"Вы ведаеце, я не назвала б гэта мерапрыемства велапрагулкай - гэта была паўнавартасная велатрэніроўка, ад стартавай да фінішнай кропкі праехалі каля 35 кіламетраў! Сумясціўшы, так бы мовіць, карыснае з карысным - паўнавартасная спартыўная трэніроўка плюс магчымасць убачыць рэальную карціну суботняга дня ў некалькіх населеных пунктах , у дадзеным выпадку Віцебскай вобласці. Тут ужо сапраўды ніхто нічога не рыхтаваў", - распавяла Эйсмант.

Па словах суразмоўніцы Sputnik, асноўнай кропкай маршруту было Балбасава, а таксама некалькі навакольных вёсак і новая ўзлётна-пасадачная паласа. "На некалькі хвілін спыніўся прэзідэнт і каля філіяла фабрыкі " Салодкая краіна". У суботу там былі толькі дзяжурныя, ў іх прэзыдэнт коратка пацікавіўся работай прадпрыемства", - дадала Эйсмант.

"Ну а з нагоды частаты (падобных паездак - Sputnik) - вы ведаеце, што спорт у графіку прэзідэнта прысутнічае ўвесь час, у тым ці іншым выглядзе", - дадала яна.

Цікава, што акрамя зносін з прадстаўнікамі мясцовай улады кіраўнік дзяржавы таксама купіў у Балбасава кефір і марозіва.

Сам прэзідэнт падчас сваёй папярэдняй паездкі ў Балбасава распавядаў пра тое, як у дзяцінстве ездзіў у пасёлак на веласіпедзе з роднай Александрыі, каб купіць сабе марозіва.

"Я прыязджаў сюды, з'ядаў 10-12 порцый марозіва", - прызнаваўся беларускі лідар.

21
Тэги:
Аляксандр Лукашэнка, Віцебская вобласць